Edwɛkpa ne kɛmɔ Mateyu hɛlɛle la 4:7 - BAEBOLO ANZƐƐ BULUKU NWUANZANWUANZA

⁷ Gyisɛse buale ye kɛ, “Eza bɛhɛlɛ kɛ, ‘Mmasɔ Awulae wɔ Nyamenle ne ɛnea.’ ”

Edwɛkpa ne kɛmɔ Mateyu hɛlɛle la 4:7 ပူးပေါင်းရင်းမြစ်များ

Edwɛndolɛ Buluku ne 106:14

Bɛnyianle atiakunluwɔzo ɛtane wɔ fienemgbole ne anu, na bɛzɔle Nyamenle bɛnleanle wɔ ɛsɛlɛ ne azo;

Edwɛndolɛ Buluku ne 78:18

Bɛ ahonle nu, bɛzɔle Nyamenle bɛnleanle, na bɛbizale aleɛ mɔɔ bɛdabɛ bɛkulo la.

Edwɛndolɛ Buluku ne 78:41

Bɛzɔle ye bɛnleanle fane dɔɔnwo, na bɛhanle Yizilayɛ Nwuanzanwuanza Ko ne ɛya.

Edwɛndolɛ Buluku ne 78:56

Noko bɛzɔle Anwuma Anwuma Nyamenle ne bɛnleanle, na bɛdele ɔ nwo atua; bɛanli ye mɛla ne mɔ azo.

Edwɛndolɛ Buluku ne 95:9

mɔɔ bɛ nlenya mɔ zɔle me nleanle, na bɛgyegyele me, wɔ mekɛ mɔɔ ɛnee bɛnwu me gyima la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:2

Yemɔti menli ne hɔle Mosisi anwo zo na bɛzele ye kɛ, “Maa yɛ nzule yɛnlo.” Na Mosisi hanle hilele bɛ kɛ, “Duzu ati a bɛra me nwo zo bɛbabɔ me somolɛ a? Duzu ati a bɛlɛsɔ Ɛdɛnkɛma bɛanlea a?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:7

Na ɔvɛlɛle ɛleka zɔhane Masa nee Mɛleba ɔboalekɛ Yizilayɛma ne mɔ bɔle tokule zɔle Ɛdɛnkɛma nleanle, na bɛhanle kɛ, “Asoo Ɛdɛnkɛma wɔ yɛ avinli anzɛɛ ɔnle yɛ avinli?”

Ayezaya Buluku ne 8:20

Bɛdie mɔɔ Ɛdɛnkɛma ɛlɛka la na bɛli ye ngilehilelɛ zo! Nɔhalɛ, edwɛkɛ ɛhye mɔɔ bɛka la aleɛ ɛnrɛhye zo.

Malakae Buluku ne 3:15

Noko nea, ɛnɛ, yɛfa sonla mɔɔ le mgbanyizonle la kɛ Nyamenle ɛyila ye. Menli mɔɔ di ɛtane la kpazi, yɛɛ bɛdabɛ mɔɔ bɛfa bɛ ɛtane bɛsɔ Nyamenle bɛnea la anwo dwɔɔ.’ ”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:22

menli ɛhye mɔ mɔɔ ɛnwu me anyunlunyia ne nee nwanwane ninyɛne mɔɔ menyɛle wɔ Yigyibiti nee fienemgbole ne anu, noko bɛzɔ me bɛnlea toonwo fane bulu, na bɛandie me aneɛ la,

Edwɛkpa ne kɛmɔ Mateyu hɛlɛle la 21:16

Yemɔti bɛbizale Gyisɛse kɛ, “Ɛte mɔɔ ɛhye mɔ ɛlɛkeha la ɔ?” Gyisɛse buale bɛ kɛ, “Nɔhalɛ, mete. Na bɛtɛkengale Nyamenle Edwɛkɛ ne mɔɔ fane ɛhye anwo la ɔ? Ɔse, ‘Bɛtete ngakula ndetendete nee nlɔma kɛ bɛye Nyamenle ayɛlɛ mɔɔ di munli a!’ ”

Edwɛkpa ne kɛmɔ Mateyu hɛlɛle la 21:42

Gyisɛse zele bɛ kɛ, “Asoo bɛtɛkengale Nyamenle Edwɛkɛ ɛhye ɛlɛ? Ɔse, ‘Bolɛ ne mɔɔ suasivoma ne kpole la, ɛrayɛ bolɛ mɔɔ anwo hyia kpole kpalɛ kɛ sua mgbɛne zo sika la. Awulae a yɛle ɛhye a; na ɔyɛ nwanwane kpole!’

Edwɛkpa ne kɛmɔ Mateyu hɛlɛle la 4:10

Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

Edwɛkpa ne kɛmɔ Mateyu hɛlɛle la 4:4

Gyisɛse buale kɛ, “Bɛhɛlɛ ye kɛ, ‘Tɛ aleɛ ngome a sonla di a ɔnyia ngoane a, na Nyamenle anloa edwɛkɛ biala maa ngoane.’ ”

Edwɛkpa ne kɛmɔ Luku hɛlɛle la 4:12

Gyisɛse buale kɛ, “Nyamenle Edwɛkɛ ne se, ‘Mmasɔ Awulae wɔ Nyamenle ne ɛnea.’ ”

Ɛzoanvolɛma Gyima ne 15:10

Duzu ati yɛɛ akee bɛkɛzɔ Nyamenle bɛkɛnlea, na bɛkɛva kpomgbolo kpole bɛkɛgyela diedima ne akɔme, wɔ mekɛ mɔɔ yɛ nee yɛ nlenya mɔ yɛangola ye soa la ɛ?

Ɛzoanvolɛma Gyima ne 5:9

Na Pita zele ye kɛ, “Duzu ati a ɛ nee ɛ hu bɛyɛ adwenle ko kɛ bɛbazɔ Awulae Sunsum ne bɛanlea ɛ? Nea, menli mɔɔ hɔziele ɛ hu la agyakɛ abo a ɛte ye wɔ anuhɔlɛ lɔ la, na bɛ nee ɛdawɔ noko bahɔ.”

1 Kɔl 10:9

Ɔnle kɛ yɛsɔ Awulae yɛnea, kɛmɔ bɛ bie mɔ yɛle a nwɔlɛ kekale bɛ hunle bɛ la.

Mɛla 6:16

“Bɛmmasɔ Ɛdɛnkɛma bɛ Nyamenle ne bɛnea, kɛmɔ bɛzɔle ye bɛnleanle wɔ Masa la.

Kɛlata mɔɔ bɛhɛlɛle bɛhɔmanle Hibuluma la 3:9

Bɛ nlenya mɔ nwunle gyima kpalɛ mɔɔ menlile memanle bɛ ɛvolɛ abulanla anu la, noko bɛgyegyele me na bɛzɔle me bɛnleanle.