Edwɛkpa ne kɛmɔ Mateyu hɛlɛle la 4:22 - BAEBOLO ANZƐƐ BULUKU NWUANZANWUANZA

²² na ɛkɛ ne ala bɛgyakyile ɛlɛne ne nee bɛ ze na bɛdoale ye.

Edwɛkpa ne kɛmɔ Mateyu hɛlɛle la 4:22 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 10:37

“Mɔɔ kulo ɔ ze anzɛɛ ɔ nli tɛla me la ɛnfɛta kɛ ɔkɛyɛ me ɛdoavolɛ, yɛɛ mɔɔ kulo ɔ ra nrenya anzɛɛ ɔ ra raalɛ tɛla me la ɛnfɛta kɛ ɔkɛyɛ me ɛdoavolɛ.

Edwɛkpa ne kɛmɔ Mateyu hɛlɛle la 4:21

Ɔhɔle ɔ nyunlu ekyii la ɔnwunle mediema nwiɔ bieko. Bɛmɛ a le Gyemise nee ɔ diema Dwɔn mɔɔ le Zɛbɛdi amra ne mɔ. Ɛnee bɛ nee bɛ ze Zɛbɛdi wɔ ɛlɛne nu bɛlɛsa bɛ avonle. Gyisɛse vɛlɛle bɛ,

Edwɛkpa ne kɛmɔ Mateyu hɛlɛle la 4:23

Gyisɛse hɔkpɔsale Galeli maanzinli ne anu amuala na ɔhilehilele wɔ bɛ nyianu azua ne mɔ anu, ɔhanle Anwuma Belemgbunlililɛ ne anwo Edwɛkpa ne, na ɔmanle menli mɔɔ ewule nee anwondolɛ ngakyile ɛha bɛ la anwo zale.

Edwɛkpa ne kɛmɔ Maake hɛlɛle la 1:20

Gyisɛse vɛlɛle bɛ, na bɛgyakyile bɛ ze Zɛbɛdi nee ye ɛkpama ne mɔ wɔ ɛlɛne ne anu na bɛdoale ye.

Edwɛkpa ne kɛmɔ Luku hɛlɛle la 14:26

“Awie biala mɔɔ ba me nwo arayɛ me ɛdoavolɛ, na yeangulo me edwɛkɛ yeandɛla ɔ ze nee ɔ nli, ɔ ye nee ɔ mra, ɔ mediema mrenya nee mraalɛ nee ɔdaye mumua ne ɔ nwo la ɛnrɛhola ɛnrɛyɛ me ɛdoavolɛ.

Edwɛkpa ne kɛmɔ Luku hɛlɛle la 14:33

Na Gyisɛse dwulale ye edwɛkɛ ne kɛ, “Zɔhane ala yɛɛ saa bɛ nuhua ko biala angyakyi debie biala mɔɔ ɔlɛ la anzi ɛlilɛ a, ɔnrɛhola ɔnrɛyɛ me ɛdoavolɛ a.

Edwɛkpa ne kɛmɔ Luku hɛlɛle la 5:11

Bɛhwenle bɛ nlɛne ne mɔ aze, bɛgyakyile debie biala ɛkɛ, na bɛdoale Gyisɛse.

2 Kɔl 5:16

Ɛhye ati, ɔvi ɛnɛ mɔɔ kɔ la, yɛnnea awie biala anyunlu yɛmbua ndɛne. Saa mekɛ bie mɔɔ ɛze ɛhɔ la yɛbuale Kelaese ndɛne wɔ zɔhane adenle zo bɔbɔ a, ɛnɛ yɛnyɛ ye zɔhane bieko.