Edwɛkpa ne kɛmɔ Mateyu hɛlɛle la 4:2 - BAEBOLO ANZƐƐ BULUKU NWUANZANWUANZA

² Gyisɛse hyele ɛhɔne alehyenlɛ nee aledwolɛ kenle abulanla na ɛhɔne hunle ye.

Edwɛkpa ne kɛmɔ Mateyu hɛlɛle la 4:2 ပူးပေါင်းရင်းမြစ်များ

1 Arl 19:8

Yemɔti Yilaegya dwazole, ɔlile debie na ɔnlonle nzule; aleɛ zɔhane manle ye anwosesebɛ manle ɔdiale nɔɔzo nee ewiazo kenle abulanla ɔhɔdwule Nyamenle Boka ne mɔɔ bɛfɛlɛ ye Saenae la azo,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:18

Mosisi wolole amungu ne anu na ɔhɔle boka ne azo. Mosisi lile kenle abulanla, ewiazo nee nɔɔzo wɔ boka ne azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:28

Mosisi nee Ɛdɛnkɛma dɛnlanle ewiazo nee nɔɔzo toonwo kenle abulanla. Yeanli debie yɛɛ yeanno nzule. Ɔhɛlɛle ngyekyeleɛ edwɛkɛ ne, Mɛla Bulu ne wɔ awolɛ ndɛbandɛba nwiɔ ne azo.

Edwɛkpa ne kɛmɔ Mateyu hɛlɛle la 21:18

Aleɛ hyenle nwonlomɔ mangyee ne na Gyisɛse sia ahɔ Gyɛlusalɛm, na ɔlua adenle zo la ɛhɔne hunle ye.

Edwɛkpa ne kɛmɔ Mateyu hɛlɛle la 25:35

Ɔluakɛ ɛhɔne hunle me na bɛmanle me aleɛ, nzuhɔne hunle me na bɛmanle me nzule, menyɛle ɛyɛvolɛ na bɛliele me wɔ bɛ azua nu,

Edwɛkpa ne kɛmɔ Mateyu hɛlɛle la 25:42

Ɔluakɛ ɛhɔne hunle me na bɛammaa me aleɛ, nzuhɔne hunle me na bɛammaa me nzule,

Edwɛkpa ne kɛmɔ Maake hɛlɛle la 11:12

Aleɛ hyenle na bɛvi Bɛtani bɛsia la, ɛhɔne hunle Gyisɛse.

Edwɛkpa ne kɛmɔ Luku hɛlɛle la 4:2

na abɔnsam zɔle ye nleanle kenle abulanla. Yeanli debie biala wɔ mekɛ zɔhane anu, yemɔti mɔɔ ɔwiele la ɛhɔne hunle ye.

Dw 4:6

Gyekɔbo bula ne wɔ ɛkɛ ne ala, na kɛmɔ ɛnee Gyisɛse ɛvɛ la ati, ɔdɛnlanle bula ne azo. Mekɛ ne kɛyɛ sɛnzɛngyinla.

Mɛla 18:18

Yemɔti mebamaa Nyamenle kpɔmanvolɛ avinde bɛdabɛ bɛ avinli. Mebava me edwɛkɛ meadua ɔ nloa na yeaha mɔɔ menwɔze ye la yeahile bɛ.

Mɛla 9:18

Akee mendule mendɔle Ɛdɛnkɛma anyunlu mutule nu, kɛmɔ meyɛ ye dɛba ne ala la kenle kɔkɔlɛ abulanla. Meanli debie yɛɛ meanno nzule, ɔboalekɛ ɛnee bɛyɛ ɛtane kpole kpalɛ kɛ bɛyɛ debie mɔɔ Ɛdɛnkɛma kyi la bɛhile ye na bɛha ye ɛya a.

Mɛla 9:25

“Yemɔti kenle abulanla ne amuala menlale mutule nu wɔ Ɛdɛnkɛma anyunlu ɛkɛ ne nɔɔzo nee ewiazo, ɔboalekɛ ɛnee Ɛdɛnkɛma ɛyɛ kɛ ɔbɔ bɛ bo zo.

Mɛla 9:9

Mekɛ mɔɔ mengɔle boka ne azo kɛ mekalie awolɛ ndɛbandɛba ne mɔɔ Ɛdɛnkɛma Ngyekyeleɛ ne mɔɔ ɔ nee bɛ yɛle la wɔ zo la, menlile kenle kɔkɔlɛ abulanla wɔ ɛkɛ ne; meanli aleɛ yɛɛ meanno nzule.