Edwɛkpa ne kɛmɔ Mateyu hɛlɛle la 4:11 - BAEBOLO ANZƐƐ BULUKU NWUANZANWUANZA

¹¹ Abɔnsam akee gyakyile Gyisɛse hɔle, na nea, Nyamenle soanvolɛma raboale ye.

Edwɛkpa ne kɛmɔ Mateyu hɛlɛle la 4:11 ပူးပေါင်းရင်းမြစ်များ

1 Arl 19:6

Ɔmanle ɔ ti zo la ɔnwunle kɛ tata nee nzule dwora ko gyi ɔ ti sɔlɔ ɛkɛ. Ɔlile debie, ɔnlonle nzule ne na ɔdole ɔ ti ɛkɛ ne ɔlafele bieko.

Edwɛkpa ne kɛmɔ Mateyu hɛlɛle la 26:53

Ɛnze kɛ mekola mesɛlɛ Egya moalɛ, na ɛkɛ ne ala ɔmaa anwuma soanvolɛma mɔɔ bo ekpunli bulu nee nwiɔ la ba ɔ?

Edwɛkpa ne kɛmɔ Mateyu hɛlɛle la 4:6

na ɔzele ye kɛ, “Saa wɔmɔ a ɛle Nyamenle Ara ne a, ɛnee gyakyi ɛ nwo te aze, ɔluakɛ bɛhɛlɛ ye kɛ, ‘Nyamenle bamaa ye anwuma soanvolɛma arabɔ ayia wɔ, bɛbazɔ wɔ bɛ sa nu gyɛlɛɛnye, amaa ɛ gyakɛ amkpula bolɛ.’ ”

Edwɛkpa ne kɛmɔ Maake hɛlɛle la 1:13

Ɔlile kenle abulanla wɔ ɛkɛ ne, na Seetan zɔle ye nleanle. Ɔ nee ɛbɔ nu nanemgbole dɛnlanle, na Nyamenle soanvolɛma raboale ye.

Edwɛkpa ne kɛmɔ Luku hɛlɛle la 22:43

Nyamenle soanvolɛma vi anwuma rale na bɛramanle ye anwosesebɛ.

Edwɛkpa ne kɛmɔ Luku hɛlɛle la 22:53

Dahuu me nee bɛ a wɔ Ɛzonlenlɛ Sua ne anu a, na bɛangola bɛangye me. Na awozinli nu tumi ne ɛdwazo, yemɔti bɛ mekɛ ne ala ɛne!”

Edwɛkpa ne kɛmɔ Luku hɛlɛle la 4:13

Mɔɔ abɔnsam zɔle Gyisɛse nleanle wɔ adenle biala anu wiele la, ɔvile ɔ nwo ɛkɛ ne ɔhwenle ɔ nzi ekyii ɔhɔhendɛle mekɛ mɔɔ ɔkɛnyia Gyisɛse anwo adenle kpalɛ bieko la.

Dw 14:30

Menrɛhola me nee bɛ ɛnrɛdendɛ ɛnrɛhyɛ dɔɔnwo biala, ɔboalekɛ mɔɔ sie ɛtane ewiade ɛhye la ɛlɛba. Ɔnlɛ me nwo zo tumi ɛdeɛ,

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Kɛlata mɔɔ bɛhɛlɛle bɛhɔmanle Hibuluma la 1:14

Ɛnee Nyamenle soanvolɛma a le nwane mɔ? Bɛmɛ a le sunsum bie mɔ mɔɔ sonle Nyamenle na ɔsoɔzoa bɛ ɔmaa bɛkɔboa bɛdabɛ mɔɔ ɔwɔ kɛ bɛnyia ngoane la.

Kɛlata mɔɔ bɛhɛlɛle bɛhɔmanle Hibuluma la 1:6

Noko mɔɔ Nyamenle bazoa ye belamunli Ralɛ ne wɔ ewiade la, ɔhanle kɛ, “Ɔwɔ kɛ Nyamenle soanvolɛma amuala sonle ye.”