Edwɛkpa ne kɛmɔ Mateyu hɛlɛle la 4:10 - BAEBOLO ANZƐƐ BULUKU NWUANZANWUANZA

¹⁰ Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

Edwɛkpa ne kɛmɔ Mateyu hɛlɛle la 4:10 ပူးပေါင်းရင်းမြစ်များ

1 Edk 21:1

Akee Seetan dwazole kɛ ɔfa ngyegyelɛ yeara Yizilayɛ, na ɔlile Devidi adwenle kɛ ɔdia Yizilayɛma amuala.

Dwobu Buluku ne 1:12

Na Ɛdɛnkɛma zele Seetan kɛ, “Nea, debie biala mɔɔ ɔlɛ la wɔ ɛ sa nu, noko mmafa ɛ sa ɛka Dwobu ɛleka biala fee.” Akee Seetan vi Ɛdɛnkɛma anyunlu ɛkɛ ne hɔle.

Dwobu Buluku ne 1:6

Kenle ko Nyamenle anzɛɛ Anwuma amra hɔle Ɛdɛnkɛma anyunlu kɛ bɛkava bɛ nwo bɛahile ye, na Seetan ɔdaye ɔhɔle ɛkɛ ne bie.

Dwobu Buluku ne 2:1

Kenle ko eza Nyamenle anzɛɛ Anwuma amra hɔle Ɛdɛnkɛma anyunlu kɛ bɛkava bɛ nwo bɛahile ye, na Seetan eza hɔle ɛkɛ ne bie.

Edwɛndolɛ Buluku ne 109:6

Ye amumuyɛnli bie maa ɔho ɔtia me kpɔvolɛ ne, maa awie ɛdo ye ɛzonle ɛva ye ɛhɔ edwɛkɛlilɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:25

Bɛzonle me ngomekye, Ɛdɛnkɛma bɛ Nyamenle ne, na mebayila bɛ aleɛ nee bɛ nzule zo; eza mebaye anwondolɛ meavi bɛ avinli.

Ayezaya Buluku ne 30:22

Akee bɛbazɛkye bɛ dwɛtɛ fufule nee bɛ ezukoa nvutuke ananze ne mɔ. Bɛbavuandi bɛ bɛagua kɛ bɛle ninyɛne mɔɔ nwolɛ ɛnde a, na bɛaha ye kɛ, “Bɛhɔ.”

Edwɛkpa ne kɛmɔ Mateyu hɛlɛle la 16:23

Gyisɛse hakyile ɔ nye na ɔzele Pita kɛ, “Seetan, se di me nzi nehae! Ɛndu folɛ kpalɛ. Wɔ adwenle ne le sonla adwenle. Ɔnvi Nyamenle ɛkɛ.”

Edwɛkpa ne kɛmɔ Maake hɛlɛle la 1:13

Ɔlile kenle abulanla wɔ ɛkɛ ne, na Seetan zɔle ye nleanle. Ɔ nee ɛbɔ nu nanemgbole dɛnlanle, na Nyamenle soanvolɛma raboale ye.

Edwɛkpa ne kɛmɔ Luku hɛlɛle la 10:18

Gyisɛse buale bɛ kɛ, “Menwunle kɛ Seetan vi anwuma kɛ ɛsɛlɛmanye la ɛrade aze.

Edwɛkpa ne kɛmɔ Luku hɛlɛle la 11:18

Yemɔti saa Seetan ɔdaye noko ye belemgbunlililɛ ne anu gyigya na bɛko bɛtia bɛ nwo a, ɛnee kɛ ɔkɛyɛ na yeagyinla ɛ? Bɛse medua Biyɛlezɛbɛle anwo zo a metu mbɔnsam a;

Edwɛkpa ne kɛmɔ Luku hɛlɛle la 13:16

Na raalɛ ɛhye mɔɔ le Ebileham abo zo sonla, na Seetan ɛva ewule ɛkyekye ye toonwo ɛvolɛ bulu nee mɔtwɛ la, yɛɛ ɔnle kɛ bɛsianyi ye wɔ Ɛnwomenlelielɛ Kenle a?”

Edwɛkpa ne kɛmɔ Luku hɛlɛle la 22:3

Seetan wolole Dwudase, mɔɔ eza bɛfɛlɛ ye Yesekaleɔto na ɔle ɛdoavolɛma bulu nee nwiɔ ne anu ko la.

Edwɛkpa ne kɛmɔ Luku hɛlɛle la 22:31

Akee Gyisɛse zele Pita kɛ, “Saemɔn, Saemɔn! Tie! Seetan ɛnyia adenle kɛ ɔsɔ bɛ muala yeanlea, na yeakpa bɛ nu yeaye kpalɛ ne yeavi ɛtane ne anu kɛ ɛyazonlɛnli kpa abɛlɛ nu la.

Edwɛkpa ne kɛmɔ Luku hɛlɛle la 4:8

Gyisɛse buale ye kɛ, “Nyamenle Edwɛkɛ ne se, ‘Yeyɛ Awulae wɔ Nyamenle ne na sonle ɔdaye ɔ ngomekye.’ ”

Dw 13:27

Dwudase liele kpanwo ne la yɛɛ Seetan wolole ye a. Gyisɛse zele ye kɛ, “Ka ɛ nwo yɛ mɔɔ ɛyɛ la.”

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Ɛzoanvolɛma Gyima ne 5:3

Pita zele ye kɛ, “Ananayase, duzu ati a wɔmaa Seetan ɛvo ɛ nwo zo na yemaa wɔbɛlɛbɛla Sunsum Nwuanzanwuanza ne na wɔde ezukoa mɔɔ ɛnyianle ye la bie wɔvea ɛ?

1 Kɔl 5:5

bɛye sonla ɛhye bɛwula Seetan asa anu amaa ye nwonane ne azɛkye na ye ɛkɛla anyia ngoane wɔ Awulae Kenle ne.

1 Kɔl 7:5

Bɛmmabɔ bɛ nwo abolɛ, kyesɛ bɛ mu nwiɔ bɛdumua bɛkponle zolɛ kɛ bɛyɛ ye zɔhane na bɛanyia alagye bɛazɛlɛ; nzinlii bɛzia bɛyia nu bieko, amaa yeamba ye kɛ bɛangola bɛ nwo sɔ la ati Seetan azɔ bɛ anlea.

2 Kɔl 11:14

Na ɔnyɛ nwanwane. Seetan bɔbɔ kola kakyi ɔ nwo yɛ kɛ ɔle wienyi nu soanvolɛ.

2 Kɔl 12:7

Amaa me ti anu anyɛ me fɛ na meadu me nwo wɔ nwanwane ninyɛne dɔɔnwo ne mɔ mɔɔ Nyamenle ɛye ɛhile me la anwo la, bɛwulale debie me nwonane ye anu, Seetan soanvolɛ bie ɔ, ɔgyegye me na ɔbɛlɛ me aze, amaa meandu me nwo.

2 Kɔl 2:11

amaa Seetan anli yɛ nwo zo konim, ɔluakɛ yɛze ye ndenle ne mɔ amuala.

Mɛla 10:20

Bɛzulo Ɛdɛnkɛma bɛ Nyamenle ne, bɛzonle ye na bɛva bɛ nwo bɛmaa ye, na bɛva ye duma ne ala bɛha ndane.

Gyemise Kɛlata ne 4:7

Yemɔti bɛdu bɛ nwo bɛmaa Nyamenle. Bɛmmamaa Abɔnsam adenle, na ɔvi bɛ nwo ɔbanriandi.

Dwɔhyua Buluku ne 24:14

Dwɔhyua vale zɔle zolɛ kɛ, “Ye zɔhane ati bɛli Ɛdɛnkɛma eni na bɛzonle ye nɔhalɛ nu. Awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea nee Yigyibiti la, bɛgua bɛ lɔ na bɛzonle Ɛdɛnkɛma angomekye.

1 Pit 5:9

Bɛzɔ bɛ diedi ne anu kpundii, bɛho bɛtia ye na bɛnwu kɛ bɛ mediema diedima mɔɔ wɔ ewiade ye anu ɛleka biala la ɛlɛnwu zɛhae amaneɛ ne bie.

1 Sam 7:3

Samoɛle zele Yizilayɛma kɛ, “Saa bɛfa bɛ ahonle kɔsɔɔti bɛazia bɛara Ɛdɛnkɛma ɛkɛ ne a ɛnee bɛkpo bɛ maanle gyɛne nu nyamenle ne mɔ kɔsɔɔti nee bɛ bozonle raalɛ Asetate ananze ne ɛzonlenlɛ. Bɛdu bɛ nwo kɔsɔɔti bɛmaa Ɛdɛnkɛma na bɛzonle ɔ ngomekye na ɔkɛlie bɛ ɔkɛvi Filisitiama asa anu.”