Edwɛkpa ne kɛmɔ Mateyu hɛlɛle la 3:7 - BAEBOLO ANZƐƐ BULUKU NWUANZANWUANZA

⁷ Dwɔn nwunle kɛ menli dɔɔnwo vi Falasiima nee Sadusiima fane ne mɔ anu ɛlɛba bɛamaa bɛazɔne bɛ la, ɔzele bɛ kɛ, “Bɛmɛ nwɔlɛ! Nwane a zele bɛ kɛ bɛnriandi bɛvi Nyamenle ndeanlɛ ne mɔɔ bara la anwo ɛ?

Edwɛkpa ne kɛmɔ Mateyu hɛlɛle la 3:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Mrɛlɛbulɛ Buluku ne 28:4

Bɛdabɛ mɔɔ bɛkpo mɛla la yeyɛ amumuyɛma, na bɛdabɛ mɔɔ bɛdi mɛla zo la ko tia amumuyɛma.

Ayezaya Buluku ne 59:5

Bɛbobɔ ɛwɔlɛ bɔna aholonvia, bɛnwo kɛdɛba ndendane; awie gelegele bɛ aholonvia ne mɔ bie anu a, ɛwɔlɛ ɛkyenlebenle a vi nu finde a yɛɛ mɔɔ kɛli bie la wu.

Gyɛlɛmaya Buluku ne 51:6

Bɛnriandi bɛvi Babelonia. Awie biala ɛnriandi ɛlie ye ngoane. Bɛmmadie Babeloniama ɛtane nwo ewule bɛwu, ɔluakɛ mekɛ ɛhye a mefa meadea bɛ wɔ ɛtane mɔɔ bɛyɛ me la anwo a.

Gyɛlɛmaya Buluku ne 6:10

Membuale kɛ, “Saa meka edwɛkɛ ɛhye mefa mebɔ kɔkɔ a, nwane bɔbɔ a kɛdie me a? Bɛduodua bɛ nzo; ɛka edwɛkɛ a bɛndie. Ɛdɛnkɛma, ɛ nloa edwɛkɛ bɔbɔ yɛ bɛ ɛzelekɛ. Bɛ nye ɛnlie ɛ nloa edwɛkɛ ne anwo fee.

Edwɛkpa ne kɛmɔ Mateyu hɛlɛle la 12:24

Noko mɔɔ Falasiima ne dele ɛhye la bɛzele kɛ, “Mbɔnsam kpanyinli ne mɔɔ bɛfɛlɛ ye Biyɛlezɛbɛle la ala a maa ye tumi mɔɔ ɔfa ɔtu mbɔnsam a.”

Edwɛkpa ne kɛmɔ Mateyu hɛlɛle la 12:34

Bɛmɛ ɛkyelebenle mralɛ! Bɛnle kpalɛ la ati bɛngola bɛnga edwɛkɛ kpalɛ. Ɔluakɛ mɔɔ ɛyi ɛbulu zo wɔ bɛ ahonle ne mɔ anu la a finde bɛ nloa a.

Edwɛkpa ne kɛmɔ Mateyu hɛlɛle la 15:12

Nzinlii, ɛdoavolɛma ne rale Gyisɛse anwo ɛkɛ rahanle hilele ye kɛ, “Asoo ɛze kɛ mɔɔ ɛhanle la manle Falasiima ne ati zile aze?”

Edwɛkpa ne kɛmɔ Mateyu hɛlɛle la 16:1

Falasiima nee Sadusiima bie rale Gyisɛse ɛkɛ radole ye agyiba kɛ ɔyɛ nwanwane sɛkɛlɛneɛ ɔmaa bɛnlea, ɔva ɔhile kɛ Nyamenle die mɔɔ ɔlɛyɛ la to nu.

Edwɛkpa ne kɛmɔ Mateyu hɛlɛle la 16:6

Gyisɛse zele bɛ kɛ, “Bɛnlea bɛ nwo boɛ wɔ Falasiima nee Sadusiima mgbɔvonle ne anwo.”

Edwɛkpa ne kɛmɔ Mateyu hɛlɛle la 22:15

Falasiima ne hɔle Gyisɛse ati akpamo kɛ bɛdua kpuyia ɛbizalɛ zo bɛahye ye.

Edwɛkpa ne kɛmɔ Mateyu hɛlɛle la 22:23

Kenle ko ne ala Sadusiima bie rale Gyisɛse anwo ɛkɛ ne. (Sadusiima le menli bie mɔɔ ɛnlie ewudwazo ne ɛnli a.)

Edwɛkpa ne kɛmɔ Mateyu hɛlɛle la 22:34

Mɔɔ Falasiima ne dele kɛ Gyisɛse ɛmaa Sadusiima ne ɛha bɛ nloa ɛdo nu la, bɛdabɛ bɛlile bɛ nloa bɛrayiale ye.

Edwɛkpa ne kɛmɔ Mateyu hɛlɛle la 23:33

Nwɔlɛ! Ɛkyelebenle mralɛ! Bɛdwenle kɛ bɛnrɛbua bɛ ewule fɔlɛ bɛnrɛmaa bɛnrɛhɔ abɔnsam senle nu ɔ?

Edwɛkpa ne kɛmɔ Mateyu hɛlɛle la 5:20

Meka meahile bɛ, kyesɛ bɛ tenleneyɛlɛ tɛla mɛla kilehilevolɛma nee Falasiima ne mɔ, anrɛɛ bɛnrɛnwu Anwuma Belemgbunlililɛ ne ɛlɛ.

Edwɛkpa ne kɛmɔ Maake hɛlɛle la 12:13

Bɛzoanle Falasiima nee Hɛlɔdo asa zo ne bie mɔ wɔ Gyisɛse anwo ɛkɛ ne kɛ bɛhɔdo ye abɛla bɛhye ye wɔ edwɛkɛ ɛhanlɛ nu.

Edwɛkpa ne kɛmɔ Maake hɛlɛle la 12:18

Mgbanyinli bie mɔɔ boka Sadusiima fane ne anwo la rale Gyisɛse ɛkɛ ne. Menli ɛhye mɔ se saa sonla wu a Nyamenle ɛnrɛdwazo ye.

Edwɛkpa ne kɛmɔ Maake hɛlɛle la 8:15

Gyisɛse hakyele bɛ kɛ, “Bɛnlea bɛ nwo boɛ wɔ Falasiima mgbɔvonle ne nee Hɛlɔdo mgbɔvonle ne anwo.”

Edwɛkpa ne kɛmɔ Luku hɛlɛle la 16:14

Falasiima ne mɔ dele ɛhye amuala la, bɛgolole Gyisɛse anwo, ɔboalekɛ bɛkulo ezukoa kpalɛ.

Edwɛkpa ne kɛmɔ Luku hɛlɛle la 18:11

“Falasiinli ne gyinlanle nzisi na ɔzɛlɛle kɛ, ‘Nyamenle, meyɛ wɔ mo kɛ membɔ apo, menli nzisi yɛɛ mendo awuvolɛvalɛ mɛla ne kɛ awie biala de la; meyɛ wɔ mo kɛ menle kɛ adwuledievolɛ ɛhye bɔbɔ mɔɔ wɔ lɔ la.

Edwɛkpa ne kɛmɔ Luku hɛlɛle la 7:30

Noko Falasiima nee mɛla kilehilevolɛma ɛdeɛ, bɛkpole mɔɔ Nyamenle kpondɛ kɛ bɛyɛ la na bɛkpole kɛ bɛnrɛmaa Dwɔn ɛnrɛzɔne bɛ.

Dw 1:24

Menli mɔɔ rale la, Falasiima a zoanle bɛ a.

Dw 8:44

Bɛ ze kpalɛ ne a le Abɔnsam. Ɔ mra a le bɛ, yɛɛ bɛlɛyɛ mɔɔ bɛ ze kpalɛ ne kulo la. Ɔbɔ ɔ bo amuala la ɛnee ɔle kɔdiawu. Yeanli nɔhalɛ ɛlɛ, ɔboalekɛ nɔhalɛ nretee zɛhae ɛnle ye nu. Saa ɔbɔ adalɛ a ɛnee ɔlɛyɛ mɔɔ ɔwɔ kɛ ɔyɛ la, ɔboalekɛ ɔle alane, yɛɛ ɔle adalɛ kɔsɔɔti bɛ ze.

Dw 9:40

Falasiima bie mɔ mɔɔ ɛnee wɔ ɛkɛ ne la dele mɔɔ ɔhanle la na bɛbizale ye kɛ, “Ɛnee ɛkpondɛ wɔaze kɛ yɛdayɛ noko yɛ nye ɛzi ɔ?”

Ɛzoanvolɛma Gyima ne 15:5

Na diedima ne bie mɔ mɔɔ boka Falasii fane ne anwo la dwazole na bɛhanle kɛ, “Ɔwɔ kɛ bɛdabɛ mɔɔ bɛnle Dwuuma la yɛ bɛ mrenyanu nzonlɛ na eza bɛdi Mosisi mɛla ne azo.”

Ɛzoanvolɛma Gyima ne 20:31

Yemɔti bɛnlea boɛ, na bɛhakye kɛ mendwinle monle ɛvolɛ nsa a mengilehilele bɛ wɔ nɔɔzo nee ewiazo a.

Ɛzoanvolɛma Gyima ne 26:5

Bɛze, yɛɛ saa bɛdi nɔhalɛ a, anrɛɛ bɛkola bɛdi daselɛ kɛ mɔlebɛbo ne amuala ɛnee meboka ɛzonlenlɛ fane ɛsesebɛ ne mɔɔ bɛfɛlɛ ye Falasii la anwo.

Ɛzoanvolɛma Gyima ne 5:17

Ɛzoanvolɛma ne anwo anyebolo dɔle Sɛlɛvolɛ Kpanyinli ne nee ɔ sa zo ne mɔ, mɔɔ le fane ne mɔɔ bɛfɛlɛ ye Sadusii la anu amra anwo, na bɛvale adwenle kɛ bɛyɛ nwolɛ bie.

Wulo 1:18

Bɛhile bɛmaa yɛnwu kɛ Nyamenle ɛya ne vi anwuma bara bɛdabɛ mɔɔ bɛmbu Nyamenle na bɛfa bɛ ngunziyɛlɛ bɛkeda nɔhalɛ ne azo la anwo zo.

Wulo 5:9

Nyamenle ɛlua Kelaese ewule zo ɛmaa yɛzɔ ɔ nye; fane nyɛ yɛɛ akee ɔnrɛlua Kelaese anwo zo ɔnrɛlie yɛ ɔnrɛvi ye ɛya ne anu ɛ?

1 Tɛs 1:10

Bɛkile kɛ kɛkala bɛlɛkendɛ ɔ Ra Gyisɛse kɛ ɔvi anwuma ɔbara. Yemɔ yɛɛ Nyamenle dwazole ye vile ewule nu, na ɔdie yɛ ɔfi Nyamenle ɛya kpole ne mɔɔ bara la anu a.

Kɛlata mɔɔ bɛhɛlɛle bɛhɔmanle Hibuluma la 11:7

Diedi zo yɛɛ Nowa luale mɔɔ ɔdele Nyamenle kɔkɔbɔlɛ ne mɔɔ fane ninyɛne mɔɔ kenle bie bazi la anwo a. Ɔdiele Nyamenle ane na ɔbobɔle ɛlɛnemgbole ɔvale ɔliele ɔ nwo nee ye sua nu amra ngoane. Ɔluale zɛhae adenle zo ɔbule ewiade ye kɛ ɔle debie mgbane, na ɔ sa hanle Nyamenle nu fɔɔnwoyɛlɛ ne mɔɔ bɛdua diedi zo bɛ sa ka ye la.

Kɛlata mɔɔ bɛhɛlɛle bɛhɔmanle Hibuluma la 6:18

Ɛhye ati, ninyɛne nwiɔ ɛhye mɔ a wɔ ɛkɛ mɔɔ ɛngakyi na ɔkile kɛ Nyamenle ɛnrɛbɔ adalɛ ɛlɛ a, amaa yɛdayɛ mɔɔ yɛnriandi yɛahɔvea ye nu la yɛanyia akɛnrasesebɛ yɛazɔ anyelazo ɛhye mɔɔ bɛva bɛzie yɛ nyunlu la anu kpalɛ.

1 Dw 3:10

Ngakyile mɔɔ wɔ bɛdabɛ mɔɔ bɛle Nyamenle amra nee bɛdabɛ mɔɔ bɛle Abɔnsam amra la avinli la ɛne: awie biala mɔɔ ɛmbɔ ɛbɛla kpalɛ anzɛɛ ɛngulo ɔ diema la ɛnle Nyamenle ara.