Edwɛkpa ne kɛmɔ Mateyu hɛlɛle la 3:6 - BAEBOLO ANZƐƐ BULUKU NWUANZANWUANZA

⁶ bɛrahanle bɛ ɛtane na ɔzɔnenle bɛ wɔ Azule Dwɔdan ne anu.

Edwɛkpa ne kɛmɔ Mateyu hɛlɛle la 3:6 ပူးပေါင်းရင်းမြစ်များ

Ɛzela Buluku ne 10:1

Mekɛ mɔɔ Ɛzela ɛlɛyɛ nzɛlɛlɛ ne na ɔlɛ ɛzunlɛ ɔlɛka ɛtane mɔɔ bɛyɛ, ɔweweɛ ɔ nwo aze wɔ Nyamenle Ɛzonlenlɛ Sua ne anyunlu ɛkɛ ne la, Yizilayɛma dɔɔnwo kpalɛ, mraalɛ nee mrenya, nee ngakula, rabɔle yiale ye, na bɛdabɛ noko bɛzunle bɛmanle ɔyɛle alɔbɔlɛ.

Edwɛndolɛ Buluku ne 32:5

Menganle me ɛtane mengilele wɔ; meanvea me amumuyɛ zo. Menganle kɛ, “Meka me mɛladonlɛ meahile Ɛdɛnkɛma!” na ɛvale me ɛtane ɛhyɛle me.

Mrɛlɛbulɛ Buluku ne 28:13

Sonla mɔɔ fea ye mɛladonlɛ zo la ɛnrɛkpazi, na sonla mɔɔ ka ye ɛtane na ɔgyakyi ye ɛyɛlɛ la, bɛse ye anwunvɔne.

Yizikeɛle Buluku ne 36:25

Mebakponde nzule mɔɔ anye te la bɛ nwo, na bɛ nwo bade avi bɛ ɛtane biala nee bɛ mmonle mɔɔ bɛzonlenle la anwo.

Daneɛle Buluku ne 9:4

Menzɛlɛle Ɛdɛnkɛma me Nyamenle ne na menganle me nee me menli ne ɛtane ne mɔ mendole gua. Mese: “O Awulae, Nyamenle Bedevinli anwo ɛzulolɛ mɔɔ di wɔ ngyekyeleɛ zo na ɛkile wɔ ɛhulolɛ kpundii ne wɔ menli mɔɔ kulo wɔ, na bɛdi wɔ mɛla nee wɔ ngyehyɛlɛ ne mɔ azo la anwo zo a,

Sɛlɛ 16:21

Ɔbava ɔ sa nwiɔ yeagua abɔnkye ne ati zo, na yeaha Yizilayɛma amumuyɛ ne mɔ mɔɔ bɛyɛ, bɛ mɛladonlɛ nee ɛtane mɔɔ bɛyɛ la amuala yeagua abɔnkye ne ati zo, na yeagyakyi ye yeamaa awie mɔɔ bɛboa bɛye ye la ava ye ahɔ fienemgbole ne anu lɔ.

Sɛlɛ 26:40

“Na saa bɛka bɛ amumuyɛ ne mɔ bɛto gua, bɛka bɛ ze mɔ amumuyɛ ne mɔ mɔɔ bɛ nye la nwo bɛyɛle bɛtiale me na bɛkpole me,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:7

ɔwɔ kɛ sonla zɔhane ka ye ɛtane ne mɔɔ yeyɛ la, na ɔsie ɔ bo zo, na eza ɔfa deɛ ne mɔɔ ɔzɛkyele ye la ngyɛnu nnu ɛkpɔ ko ɔboka nwolɛ ɔfa ɔmaa ahenle mɔɔ ɔvonle ye la.

Edwɛkpa ne kɛmɔ Mateyu hɛlɛle la 3:11

Mame mefa nzule a mesɔne bɛ a, amaa bɛanwu kɛ bɛnlu bɛ nwo, na awie bie vi me nzi ɛlɛba mɔɔ yemɔ ɔle kpole ɔtɛla me a. Menfɛta kɛ menwɔzoa ye mgbɔlaboa bɔbɔ. Na yemɔ, ɔbava Sunsum Nwuanzanwuanza ne nee ndɛnebualɛ senle ne a yeazɔne a.

Edwɛkpa ne kɛmɔ Maake hɛlɛle la 1:5

Menli dɔɔnwo vi Dwudiya maanzinli ne anu nee suakpole Gyɛlusalɛm azo hɔle kɛ bɛkadie Dwɔn. Bɛhanle bɛ ɛtane ne mɔ na ɔzɔnenle bɛ wɔ Azule Dwɔdan ne anu.

Edwɛkpa ne kɛmɔ Luku hɛlɛle la 1:16

Na ɔbahwe Yizilayɛma dɔɔnwo yeamaa bɛazia bɛara Awulae bɛ Nyamenle ne ɛkɛ.

Edwɛkpa ne kɛmɔ Luku hɛlɛle la 3:16

Yemɔti Dwɔn zele bɛ kɛ, “Mame, mefa nzule a mesɔne bɛ a, na awie ɛlɛba mɔɔ ɔle kpole ɔtɛla me a. Sonla zɔhane mgbɔlaboa bɔbɔ, menfɛta kɛ menwɔzianyi zolɛ nyɛma. Na yemɔ, ɔbava Sunsum Nwuanzanwuanza ne nee senle a yeazɔne bɛ a.

Ɛzoanvolɛma Gyima ne 1:5

Dwɔn vale nzule a zɔnenle a, na bɛmɛ, ɔnrɛhyɛ biala, bɛbava Sunsum Nwuanzanwuanza ne a bɛazɔne bɛ a.”

Ɛzoanvolɛma Gyima ne 11:16

Na mengakyele mɔɔ Awulae hanle la, ɔse, ‘Dwɔn vale nzule a zɔnenle a, na bɛmɛ, bɛbava Sunsum Nwuanzanwuanza ne a bɛazɔne bɛ a.’

Ɛzoanvolɛma Gyima ne 19:18

Na menli somaa ne ala mɔɔ liele lile la rale bagua nu rahanle ɛtane mɔɔ bɛyɛ bɛvea la amuala.

Ɛzoanvolɛma Gyima ne 22:16

Na duzu ati a akee ɛlɛkendɛ bieko ɛ? Dwazo na sɛlɛ maa bɛzɔne wɔ bɛnrinzi wɔ ɛtane ne mɔ bɛgua.’

1 Kɔl 10:2

Bɛzɔnenle bɛ muala kɛ Mosisi ɛdoavolɛma wɔ amungu ne nee nyevile ne anu.

Kɔlɔ 2:12

Ɔluakɛ mɔɔ bɛzɔnenle bɛ ala la, ɛnee bɛzie bɛ su ɛtane ne nee Kelaese. Eza wɔ ɛzɔnenlɛ ne anu ala bɛluale bɛ diedi mɔɔ wɔ Nyamenle tumi ne mɔɔ dwazole Kelaese vile ewule nu la azo bɛdwazole bɛdabɛ noko.

Kɛlata mɔɔ bɛhɛlɛle bɛhɔmanle Hibuluma la 6:2

ɛsalɛ mɔɔ bɛfa bɛgua bɛ nwo zo, ewudwazo ne nee ndɛnebualɛ mɔɔ ɛnlɛ awieleɛ la anwo ɔ. Bɛmaa yɛzukoa yɛhɔ yɛ nyunlu,

Kɛlata mɔɔ bɛhɛlɛle bɛhɔmanle Hibuluma la 9:10

Aleɛ nee nza nee bɛ nwo ɛnluanlɛ ngakyile nwo nyɛleɛ yɛɛ bɛyɛ a. Na ɛhye noko le ɛnyelɛ zo debie mɔɔ wɔ ɛkɛ a, kɔkpula mekɛ mɔɔ Nyamenle kɛhakyi ninyɛne kɔsɔɔti fofolɛ la.

Gyemise Kɛlata ne 5:16

Yemɔti, bɛha bɛ ɛtane ne mɔ bɛhile bɛ nwo ngoko ngoko, na bɛzɛlɛ bɛmaa bɛ nwo ngoko ngoko, na bɛkɛde kpɔkɛ. Sonla tenlene biala nzɛlɛlɛ yɛ nla eza tumi wɔ nu.

Dwɔhyua Buluku ne 7:19

Na Dwɔhyua zele ye kɛ, “Me ra nrenya, ka nɔhalɛ ne na fa anyunlunyia maa Ɛdɛnkɛma mɔɔ le Yizilayɛ Nyamenle ne, na ye ye ayɛlɛ; to mɔɔ wɔyɛ la kpaa nu. Ka mɔɔ wɔyɛ la kile me. Mmafa ɛfea me.”

1 Pit 3:21

Ɛzɔnenlɛ le sɛkɛlɛneɛ mɔɔ gyi ɛkɛ maa nzule ne a. Ɔnle sonlabaka nwo evinli ɛnrinzinlɛ, ɔle Nyamenle nyunlu modolɛ kɛ ɔmaa bɛ adwenle mɔɔ anu la ɛkɛ ne wienyi la, amaa ɔlua Awulae Gyisɛse Kelaese ewudwazo ne azo bɛalie bɛ ngoane.

1 Dw 1:9

Nyamenle di ye ɛwɔkɛ zo, ɔdi pɛlepɛle. Saa yɛka yɛ ɛtane ne mɔ yɛkile ye a, ɔkɛva ɔkɛhyɛ yɛ na ɔkɛde yɛ nwo ɔkɛvi nyɛleɛ mɔɔ ɛndenrɛ la amuala anwo.