Edwɛkpa ne kɛmɔ Mateyu hɛlɛle la 3:12 - BAEBOLO ANZƐƐ BULUKU NWUANZANWUANZA

¹² Ɔlɛ ye akegyebɛ ɔ sa nu; ɔbava yeahegye ma ne amuala; ɔbaboɔboa kpalɛ ne anloa yeahɔgua ye bonwolo ne azo na yeayela abonle ne wɔ senle mɔɔ ɛnnu ɛlɛ la anu.”

Edwɛkpa ne kɛmɔ Mateyu hɛlɛle la 3:12 ပူးပေါင်းရင်းမြစ်များ

Dwobu Buluku ne 21:18

Fane nyɛ yɛɛ ɔbɔ bɛ ɔkɔ kɛ abonle lua anwoma nu, anzɛɛ nya mɔɔ ahumu ɛlɛfa ye ahɔ la a?

Edwɛndolɛ Buluku ne 1:4

Amumuyɛma ɛnle zɔ, bɛle kɛ abonle mɔɔ anwoma bɔ ye kɔ la.

Edwɛndolɛ Buluku ne 35:5

Maa bɛyɛ kɛ abonle wɔ anwoma gye nu, na Ɛdɛnkɛma soanvolɛ ne ɛlɛpia bɛ ahɔ la.

Ayezaya Buluku ne 1:31

Bɛdabɛ mɔɔ bɛ nwo yɛ se la, bɛbahwenle bɛ aze, na bɛ nyɛleɛ bayɛ senle mgbomgbɔ ayela bɛ nee bɛ gyima, na awie ɛnrɛhola ye nua.

Ayezaya Buluku ne 17:13

Maanle maanle ne mɔ tea, bɛ ne kulu kɛ azule mɔɔ lua awolɛ zo la. Noko ɔbahwi bɛ nyunlu, na bɛbagua ndwɛlɛ aze, bɛanriandi kɛ awoka zo abonle mɔɔ anwoma ɛlɛbɔ ye ahɔ, anzɛɛ munlutu mɔɔ ɛlɛdi akyima wɔ ahumuakyima nu la.

Ayezaya Buluku ne 27:4

Menva ɛya. Anrɛɛ ɛnee mbowule nee mbowunzaka wɔ nu mɔɔ me nee bɛ ko a, anrɛɛ menwɔteta bɛ na menwɔbɔ bɛ nu menwɔyela bɛ.

Ayezaya Buluku ne 28:28

Asoo bɛwozo hwiiti ma a bɛgelegele nu? Kyɛkyɛ, bɛnyɛ ye zɔhane ɛlɛ. Saa ɔka ye ehwili ne yeawozo a, ɔyɛ ye bɛtɛɛ na yeangelegele ma ne anu.

Ayezaya Buluku ne 30:24

Bɛ nlankɛ nyinli nee bɛ asoaso ne mɔ mɔɔ bɛfa bɛso ɛya la banyia ndile mɔɔ bɛva ngyenle bɛfonla ye, na bɛva sofi nee faka bɛkpogya ye kpalɛ la ali.

Ayezaya Buluku ne 41:16

Bɛbakpogya bɛ na anwoma ne abɔ bɛ ahɔ, na ahumu abɔ bɛ asande. Ɛdɛnkɛma ati, bɛ nye balie, na bɛaye Yizilayɛ Nwuanzanwuanza Ko ne ayɛlɛ.

Ayezaya Buluku ne 5:24

Yemɔti kɛ senle si yela ewula na ndile welera si sɔ senle nu la, zɔhane ala yɛɛ bɛ ndinli bakpɔlɔ na bɛ ndotolo akpolo azande kɛ munlutu a, ɔluakɛ bɛkpo Tumivolɛ Ɛdɛnkɛma mɛla ne na bɛhyi Yizilayɛ Nwuanzanwuanza Ko ne anloa edwɛkɛ.

Ayezaya Buluku ne 66:24

Na bɛbavinde bɛaranlea menli mɔɔ ɛde me nwo atua la avunli. Bɛ nwo azone ne mɔ ɛnrɛwu ɛlɛ, senle mɔɔ ɛlɛyela bɛ la ɛnrɛnlu ɛlɛ, na bɛbayɛ kyibadeɛ bɛamaa menli kɔsɔɔti.”

Gyɛlɛmaya Buluku ne 15:7

Me menli ne anvi bɛ ninyɛndane nwo, yemɔti mehu bɛ, mezɛkye bɛ; meva me akegyebɛ ne mehegye bɛ wɔ suakpole biala azo wɔ maanle ye anu.

Gyɛlɛmaya Buluku ne 17:27

Na saa bɛandie me, bɛanzie Ɛnwomenlelielɛ Kenle ne nwuanzanwuanza, na awie biala soa bɔlɛ ba Gyɛlusalɛm a, mebado senle wɔ suakpole ne nlenkɛ mgbole ne mɔ anu, ɔbayela Gyɛlusalɛm azua ne mɔ bɔkɔɔ, na bɛnrɛhola ye nua.”

Gyɛlɛmaya Buluku ne 4:11

Mekɛ zɔhane bɛbaze menli ɛhye mɔ nee Gyɛlusalɛmma kɛ, “Anwoma wuluwulu bie vi ɛsɛlɛ ne azo lɔ ɛlɛbɔ ara me menli ne anwo zo. Ɔnle anwoma bɛtɛɛ mɔɔ ɛlɛba arahegye yeaye abonle yeavi ma nu a.

Gyɛlɛmaya Buluku ne 51:2

Mebazoa menli Babelonia meamaa bɛahɔhegye maanle ne. Saa munzule kenle ne dwu a, menli vi kodoka biala anu bara ɔ nwo zo, na Babelonia azɛlɛ ne badɔ mgbane.

Gyɛlɛmaya Buluku ne 7:20

Yemɔti medame Awulae Nyamenle, mese: Mebawola me ɛya ne meagua Ɛzonlenlɛ Sua ye azo. Mebawola meagua menli nee nyɛmoa nwo zo, ɛbɔ nu mbaka nee azɛlɛ ye azo bɛyɔba zo. Me ɛya ne bazɔ kpole kpalɛ mɔɔ awie ɛnrɛhola ye nua a.”

Hozia Buluku ne 13:3

Yemɔti menli ɛhye mɔ abo zo baminli kɛ nwonlomɔ nzulemungu anzɛɛ ɛbɔlɛ la. Bɛbayɛ kɛ abonle mɔɔ anwoma ɛlɛbɔ ye avi ma ɛwozolɛ ɛleka, anzɛɛ esike mɔɔ lua nvɛnzɛlɛ nu la.

Emɔzo Buluku ne 9:9

“Mebaha tumi edwɛkɛ ne na meahegye Yizilayɛma kɛ bɛkɛgye ma la. Mebahegye bɛ meavi maanle maanle avinli na meaye mɔɔ ɛnle kpalɛ la meavi nuhua.

Malakae Buluku ne 4:1

Tumivolɛ Ɛdɛnkɛma se, “Bɛnlea, kenle ne ɛlɛba; ɔbazɔ kɛ fonlomo senle. Bɛdabɛ mɔɔ bɛmemaa bɛ nwo zo nee amumuyɛma bayela kɛ ewula. Bɛ ndinli bɔbɔ ɛnrɛha na yeayɛ bɛ ngane.

Edwɛkpa ne kɛmɔ Mateyu hɛlɛle la 13:30

Bɛgyakyi bɛ bɛmaa bɛbɔ nu bɛnyi ɔhɔdwu ɛbuhenle ne, na mebaze menli mɔɔ bu la kɛ: Bɛlumua bɛdudu ndile ne na bɛkyekye bɛ avile bɛyela bɛ, na bɛbu abɛlɛ ne bɛgua me bonwolo ne azo.’ ”

Edwɛkpa ne kɛmɔ Mateyu hɛlɛle la 13:41

Sonla Ra ne bamaa ye soanvolɛma araboɔboa bɛdabɛ mɔɔ bɛtwehwe menli bɛkɔ ɛtane nu nee bɛdabɛ mɔɔ bɛyɛ amumuyɛ la kɔsɔɔti anloa,

Edwɛkpa ne kɛmɔ Mateyu hɛlɛle la 13:42

na bɛavuandi bɛ bɛagua sendɔlɔra ne anu, ɛkɛ ne yɛɛ menli bazu adedɛ bɛ nwo bonrane nu a.

Edwɛkpa ne kɛmɔ Mateyu hɛlɛle la 13:43

Na Nyamenle menli ne bada kɛ sɛnzɛne wɔ bɛ Ze mɔɔ wɔ anwuma la Belemgbunlililɛ ne abo. Mɔɔ lɛ ɛnzonlɛ la ɛdie!

Edwɛkpa ne kɛmɔ Luku hɛlɛle la 3:16

Yemɔti Dwɔn zele bɛ kɛ, “Mame, mefa nzule a mesɔne bɛ a, na awie ɛlɛba mɔɔ ɔle kpole ɔtɛla me a. Sonla zɔhane mgbɔlaboa bɔbɔ, menfɛta kɛ menwɔzianyi zolɛ nyɛma. Na yemɔ, ɔbava Sunsum Nwuanzanwuanza ne nee senle a yeazɔne bɛ a.

Edwɛkpa ne kɛmɔ Luku hɛlɛle la 3:17

Ɔlɛ ye akegyebɛ ɔ sa nu, ɔbava yeahegye ye ma. Ɔbazoa kpalɛ ne yeahɔgua ye bonwolo ne azo, na yeayela abonle ne wɔ senle ne mɔɔ ɛnnu ɛlɛ la anu.”

Dw 15:2

Me sa ngane biala mɔɔ ɛnzo ma la, ɔkpane ye ɔto, na ɔsiezie ngane ne mɔ mɔɔ so ma la, amaa bɛazo ma dɔɔnwo.