Edwɛkpa ne kɛmɔ Mateyu hɛlɛle la 3:11 - BAEBOLO ANZƐƐ BULUKU NWUANZANWUANZA

¹¹ Mame mefa nzule a mesɔne bɛ a, amaa bɛanwu kɛ bɛnlu bɛ nwo, na awie bie vi me nzi ɛlɛba mɔɔ yemɔ ɔle kpole ɔtɛla me a. Menfɛta kɛ menwɔzoa ye mgbɔlaboa bɔbɔ. Na yemɔ, ɔbava Sunsum Nwuanzanwuanza ne nee ndɛnebualɛ senle ne a yeazɔne a.

Edwɛkpa ne kɛmɔ Mateyu hɛlɛle la 3:11 ပူးပေါင်းရင်းမြစ်များ

Ayezaya Buluku ne 4:4

Mekɛ ne anu Awulae bava ye ɛyelalɛ sunsum ne nee ye ndɛnebualɛ tumi ne abia Gyɛlusalɛmma anwo evinli ne amuala, na yeanrinzi mogya mɔɔ bɛha bɛgua Gyɛlusalɛm la amuala.

Ayezaya Buluku ne 44:3

“Mebamaa ezule adɔ azɛlɛ resee zo, na azudenle aze azɛlɛ mɔɔ nzule ɛnle zo la azo. Mebawola me Sunsum ne meagua bɛ bo zo amra anwo zo, na meayila bɛ mra.

Zɛkalaya Buluku ne 13:9

Ekpunli ko ne mɔɔ tɔ zolɛ nsa bɔbɔ la, mebagua bɛ senle nu meadu bɛ nuhua, kɛmɔ bɛtu dwɛtɛ fufule nu la, na meazɔ bɛ meanlea, kɛmɔ bɛsɔ ezukoa nvutuke bɛnea la. Bɛbabɔ me duma bɛavɛlɛ me, na mebalie bɛ zo. Mebaha kɛ, ‘Bɛle me menli’ na bɛbaha kɛ, ‘Ɛdɛnkɛma le me Nyamenle.’ ”

Edwɛkpa ne kɛmɔ Mateyu hɛlɛle la 3:6

bɛrahanle bɛ ɛtane na ɔzɔnenle bɛ wɔ Azule Dwɔdan ne anu.

Edwɛkpa ne kɛmɔ Maake hɛlɛle la 1:4

Mekɛ ne anu Dwɔn vindele fienemgbole ne anu, ɔzɔnenle menli na ɔbɔle nolo kɛ, “Bɛnlu bɛ nwo na bɛmaa bɛzɔne bɛ, na Nyamenle kɛva bɛ ɛtane ne mɔ kɛhyɛ bɛ.”

Edwɛkpa ne kɛmɔ Luku hɛlɛle la 1:17

Ɔbalumua Awulae anyunlu wɔ sunsum nee tumi nu kɛ Nyamenle kpɔmanvolɛ Yilaegya la. Ɔbamaa selɛma nee bɛ mra abɔ nu bieko; ɔbamaa anzosesebɛma azia arava Nyamenle adenle fɔɔnwo ne azo, na yeaziezie Awulae menli ne yeamaa ye.”

Edwɛkpa ne kɛmɔ Luku hɛlɛle la 3:16

Yemɔti Dwɔn zele bɛ kɛ, “Mame, mefa nzule a mesɔne bɛ a, na awie ɛlɛba mɔɔ ɔle kpole ɔtɛla me a. Sonla zɔhane mgbɔlaboa bɔbɔ, menfɛta kɛ menwɔzianyi zolɛ nyɛma. Na yemɔ, ɔbava Sunsum Nwuanzanwuanza ne nee senle a yeazɔne bɛ a.

Edwɛkpa ne kɛmɔ Luku hɛlɛle la 3:3

Dwɔn hɔle azua mɔɔ gua Azule Dwɔdan ne anloa la azo na ɔbɔle nolo ɔzele kɛ, “Bɛnlu bɛ nwo na bɛrɛla bɛmaa bɛzɔne bɛ, na Nyamenle kɛva bɛ ɛtane ne mɔ kɛhyɛ bɛ.”

Dw 1:15

Dwɔn hanle ɔ nwo edwɛkɛ. Ɔse, “Ɛhye a le mɔɔ menganle ɔ nwo edwɛkɛ kɛ, ‘Ɔli me nzi ɔlɛba, na ɔle sonlakpole ɔtɛla me la, ɔboalekɛ bɛkawo me la ɛnee ɔwɔ ɛkɛ.’ ”

Dw 1:30

Ɛhye a ɛnee melɛka ye edwɛkɛ mɔɔ menganle kɛ ‘Nrenya bie li me nzi ɛlɛba na ɔle sonlakpole ɔtɛla me la, ɔboalekɛ mɔɔ bɛkawo me la ɛnee ɔwɔ ɛkɛ.’

Ɛzoanvolɛma Gyima ne 1:5

Dwɔn vale nzule a zɔnenle a, na bɛmɛ, ɔnrɛhyɛ biala, bɛbava Sunsum Nwuanzanwuanza ne a bɛazɔne bɛ a.”

Ɛzoanvolɛma Gyima ne 19:4

Na Pɔɔlo zele bɛ kɛ, “Dwɔn zɔnenle menli mɔɔ nlunle bɛ nwo wɔ bɛ ɛtane nwo la; na ɔzele Yizilayɛma kɛ bɛva bɛ rɛle bɛwula mɔɔ ɔli ɔ nzi ɛlɛba la anu. Na sonla zɔhane a le Gyisɛse.”

Ɛzoanvolɛma Gyima ne 8:36

Mɔɔ bɛlua adenle zo bɛlɛkɔ la, bɛrale azule bie anloa, na nrenya ne zele Felepe kɛ, “Nea, nzule ɛ! Duzu a si wɔ adenle mɔɔ ɔmaa ɛsɔne me a ɔnyɛ boɛ a?” [

Ɛzoanvolɛma Gyima ne 8:38

Nrenya ne manle ehwili ne gyinlanle, ɔ nee Felepe bɛhɔle azule ne anu na ɔmanle Felepe zɔnenle ye.

1 Kɔl 12:13

Zɔhane ala yɛɛ bɛlua Nyamenle Sunsum ne azo bɛzɔne yɛ muala, bɛyɛ yɛ sonlabaka ko, na bɛmaa yɛ muala, Dwuuma nee bɛdabɛ mɔɔ bɛnle Dwuuma, ahanra nee alehelɛ, Nyamenle Sunsum ko ne ala a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:5

ɔliele yɛ ngoane. Tɛ gyima kpalɛ mɔɔ yɛyɛle la ati ɔ, na ɔse anwunvɔne la ati ɔ. Ɔluale nzule awolɛ fofolɛ ne, mɔɔ le ɛbɛlabɔlɛ fofolɛ ne mɔɔ Sunsum Nwuanzanwuanza ne fa maa la azo a ɔwole yɛ bieko a.

1 Pit 5:5

Zɔhane ala yɛɛ ɔwɔ kɛ bɛdabɛ ngakula mɔɔ bɛwɔ asɔne ne anu la noko bu mgbanyima ne mɔ na bɛka bɛ nwo aze bɛmaa bɛ a. Bɛ muala bɛva fɛlɛko nee ɛzelekɛ bɛzonle bɛ nwo ngoko ngoko, ɔluakɛ “Nyamenle kyi mɔɔ memaa ɔ nwo zo la, na ɔyila mɔɔ bɛlɛ ɔ nwo aze la.”