Edwɛkpa ne kɛmɔ Mateyu hɛlɛle la 3:1 - BAEBOLO ANZƐƐ BULUKU NWUANZANWUANZA

¹ Mekɛ ne anu Dwɔn Sɔnevolɛ ne rale Dwudiya fienemgbole ne anu na ɔbɔle nolo kɛ,

Edwɛkpa ne kɛmɔ Mateyu hɛlɛle la 3:1 ပူးပေါင်းရင်းမြစ်များ

1 Arl 2:34

Yemɔti Bɛnaya hɔle azukponle ne anwo wɔ Ɛdɛnkɛma Ndanlɛ Sua ne anu hɔhunle Dwowabe na bɛziele ye wɔ ɔdaye ye awuke nu wɔ fienemgbole ne anu.

Edwɛkpa ne kɛmɔ Mateyu hɛlɛle la 11:11

Nɔhalɛ, meka meahile bɛ, wɔ menli mɔɔ bɛwo bɛ bɛgua ɛbɛla azɛlɛ ɛhye azo la anu, awie ɛtɛdwazole mɔɔ le kpole tɛla Dwɔn Sɔnevolɛ ne a. Noko akee awie mɔɔ le ekyi wɔ Anwuma Belemgbunlililɛ nu la le kpole tɛla ye.

Edwɛkpa ne kɛmɔ Mateyu hɛlɛle la 11:7

Mɔɔ Dwɔn ɛdoavolɛma ne ziale kɛ bɛkɔ la, Gyisɛse bɔle ɔ bo kɛ ɔka Dwɔn anwo edwɛkɛ yeahile menli dɔɔnwo ne. Ɔse, “Mɔɔ bɛhɔle Dwɔn anwo lɔ wɔ fienemgbole ne anu la, duzu a ɛnee bɛ nye la kɛ bɛkɛnwu ye a? Ɛhonle mɔɔ anwoma ɛlɛkpusu ye la ɔ?

Edwɛkpa ne kɛmɔ Mateyu hɛlɛle la 16:14

Bɛbuale ye kɛ, “Bie mɔ se Dwɔn Sɔnevolɛ ne ɔ, bie mɔ se Yilaegya ɔ, yɛɛ bie mɔ noko se Gyɛlɛmaya anzɛɛ Nyamenle kpɔmanvolɛma ne mɔ ko ɔ.”

Edwɛkpa ne kɛmɔ Mateyu hɛlɛle la 21:32

Ɔluakɛ Dwɔn Sɔnevolɛ ne rale na ɔrahilehilele bɛ nɔhalɛ adenle ne la, bɛanlie ye bɛanli; noko adwuledievolɛma nee tuutuuma liele ye lile; yɛɛ nzinlii bɔbɔ mɔɔ bɛnwunle ɛhye zɔhane la, bɛannu bɛ nwo na bɛalie ye bɛali.”

Edwɛkpa ne kɛmɔ Mateyu hɛlɛle la 3:8

Bɛbɔ ɛbɛla kpalɛ mɔɔ kile kɛ bɛnlu bɛ nwo la.

Edwɛkpa ne kɛmɔ Maake hɛlɛle la 1:15

“Mekɛ ne ɛdwu, Nyamenle Belemgbunlililɛ ne ɛbikye. Bɛnlu bɛ nwo na bɛlie Edwɛkpa ne bɛli.”

Edwɛkpa ne kɛmɔ Maake hɛlɛle la 1:2

Ɔbɔle ɔ bo, kɛmɔ Nyamenle kpɔmanvolɛ Ayezaya hɛlɛle la. Ɔse, “Nyamenle se, ‘Mebazoa me ɛbɔfoɔ meamaa yealumua ɛ nyunlu yeahɔziezie wɔ adenle ne anu.’

Edwɛkpa ne kɛmɔ Luku hɛlɛle la 1:76

“Na wɔmɔ, me awolɛ, bɛbavɛlɛ wɔ Anwuma Anwuma Nyamenle ne kpɔmanvolɛ, ɔluakɛ ɛbalumua Awulae anyunlu wɔahɔziezie ye ndenle ne mɔ,

Edwɛkpa ne kɛmɔ Luku hɛlɛle la 7:24

Nzinlii mɔɔ menli mɔɔ Dwɔn zoanle bɛ la hɔle la, Gyisɛse bɔle ɔ bo kɛ ɔka Dwɔn anwo edwɛkɛ yeahile menli dɔɔnwo ne kɛ, “Mɔɔ bɛhɔle Dwɔn anwo ɛkɛ ne wɔ fienemgbole ne anu la, duzu a ɛnee bɛ nye la kɛ bɛkɛnwu ye a? Ndile mɔɔ anwoma ɛlɛkpusu ye la ɔ?

Dwɔhyua Buluku ne 14:10

Na kɛkala, nea, Ɛdɛnkɛma hanle edwɛkɛ ɛhye hilele Mosisi la ye ɛvolɛ abulanla nee nnu ɛne. Mekɛ ne anu ɛnee Yizilayɛma lua ɛsɛlɛ ne azo, yɛɛ Ɛdɛnkɛma ɛmaa medɛnla ngoane nu toonwo yeradwu ɛnɛ; kɛkala meli ɛvolɛ abulatwɛ nee nnu.

Maanlebuvolɛma Buluku ne 1:16

Kinanli ne mɔɔ Mosisi gya ɔ ra raalɛ la abo zo amra nee Dwudama vi suakpole Gyɛleko, suakpole mɔɔ mrɛlɛ nee mrelehyia ngome la azo, na bɛhɔle azɛlɛ ne mɔɔ ɛhwie, mɔɔ zua Ɛlade la azo na bɛ nee menli ne hɔdɛnlanle.