Edwɛkpa ne kɛmɔ Mateyu hɛlɛle la 28:3 - BAEBOLO ANZƐƐ BULUKU NWUANZANWUANZA

³ Ye ɛralɛ ne yɛle kɛ ɛsɛnlɛmanye mɔɔ ɛkpakye la, na ye tɛladeɛ ne dale nwohyee kɛ ezukɔtweaba.

Edwɛkpa ne kɛmɔ Mateyu hɛlɛle la 28:3 ပူးပေါင်းရင်းမြစ်များ

Edwɛndolɛ Buluku ne 104:4

Ɛfa anwoma ne mɔ ɛyɛ wɔ soanvolɛma, ɛfa senle nee ɛsɛnlɛmanye ɛyɛ wɔ sonvolɛma.

Daneɛle Buluku ne 7:9

“Meneanle la, menwunle kɛ bɛva arelemgbunli mbia bɛraziezie ɛkɛ. Sonla ne mɔɔ ɔvi tete ɛnee ɔwɔ ɛkɛ ne la radɛnlanle aze. Ye tɛladeɛ ne le nwohyee kɛ ezukɔtweaba, yɛɛ ɔ ti enrinli le kɛ boane enrinli. Ye ebia ne le kɛ senle mɔɔ ɛlɛsɔ gbolamgbolam la, yɛɛ ebia ne agyakɛ ehwili ne mɔ le senle.

Edwɛkpa ne kɛmɔ Mateyu hɛlɛle la 17:2

Na Gyisɛse hakyile wɔ bɛ nye zo; ɔ nyunlu dale kɛ sɛnzɛne na ye tɛladeɛ ne yɛle fufule nwohyee na ɔdale kɛ neanleɛ.

Edwɛkpa ne kɛmɔ Mateyu hɛlɛle la 28:4

Sinzavolɛma ne zulole kpole, bɛ nwo wozole bɛ na bɛyɛle kɛ menli mɔɔ ɛwu la.

Edwɛkpa ne kɛmɔ Maake hɛlɛle la 16:5

Bɛwolole nla ne anu na bɛnwunle kɛ kpavolɛ bie wula tɛladeɛ fufule de fema zo ɛkɛ ne, na bɛ ahonle dule.

Edwɛkpa ne kɛmɔ Maake hɛlɛle la 9:3

na ye tɛladeɛ ne ɛyɛ nwohyee mɔɔ awie biala mɔɔ wɔ aleɛabo la ɛnrɛhola ɛnrɛkpo ɛnrɛmaa ɔnrɛyɛ zɔhane a.

Dw 20:12

Na ɔnwunle Nyamenle soanvolɛma nwiɔ mɔɔ wula adɛladeɛ fufule la kɛ bɛde ɛleka mɔɔ anrɛɛ Gyisɛse funli ne la la, ko de ɔ ti sɔlɔ yɛɛ ko de ɔ gyakɛ anu.

Ɛzoanvolɛma Gyima ne 1:10

Bɛ nye hale anwomanyunlu, na arɛlevilɛ nu ala mrenya nwiɔ mɔɔ wula adɛladeɛ fufule la ragyinlanle bɛ nwo ɛkɛ ne na bɛzele ɛzoanvolɛma ne kɛ,

Yekile 10:1

Akee menwunle Nyamenle soanvolɛ anwo ɛzulolɛ bieko kɛ ɔvi anwuma ɔlɛba. Ɔvea amungu nu na nyangondonle ɛdo ɛbɛnra ɔ ti; ɔ nyunlu ta kɛ sɛnzɛne, na ye ɛnantuo ɛdɔlɔ woonwu kɛ sua sika kpole bie mɔɔ senle la nu la.

Yekile 18:1

Ɛhye anzi menwunle kɛ Nyamenle soanvolɛ ko noko vi anwuma ɛlɛdwu aze. Ɔlɛ tumi kpole, na kɛ ɔ nwo si ta la manle ewiade ye amuala yɛle wienyi.