Edwɛkpa ne kɛmɔ Mateyu hɛlɛle la 27:6 - BAEBOLO ANZƐƐ BULUKU NWUANZANWUANZA

⁶ Sɛlɛvolɛ mgbanyinli ne mɔ sesale ezukoa ne na bɛhanle kɛ, “Ɛhye le mogya ezukoa, yɛɛ ɔtia yɛ mɛla ne kɛ yɛkɛva yɛkɛgua Ɛzonlenlɛ Sua ne gya ne anu.”

Edwɛkpa ne kɛmɔ Mateyu hɛlɛle la 27:6 ပူးပေါင်းရင်းမြစ်များ

Ayezaya Buluku ne 61:8

Ɛdɛnkɛma se, “Medame Ɛdɛnkɛma, mekulo pɛlepɛlelilɛ, Mekyi awule nee nwolɛ ɛyelalɛ azubɔdeɛ; Mebamaa me menli ne nɔhalɛ ahatualɛ, Me nee bɛ bakyekye ngyekyeleɛ mɔɔ ɛmbɔ aze la.

Edwɛkpa ne kɛmɔ Mateyu hɛlɛle la 23:24

Adekilevolɛma mɔɔ anye ɛzi a! Bɛsonyi kɛkɛba wɔ bɛ nzule nye bɛto, noko bɛme kɛlɛne!

Edwɛkpa ne kɛmɔ Mateyu hɛlɛle la 27:5

Dwudase vuandinle ezukoa ne guale Ɛzonlenlɛ Sua ne anu na ɔhɔle ɔhɔzɔle ɔ kɔme nyɛma.

Edwɛkpa ne kɛmɔ Mateyu hɛlɛle la 27:7

Yemɔti bɛdwenlenle nwolɛ na bɛvale ezukoa ne bɛhɔdɔle azɛlɛ mɔɔ awie bie nwo ye mbuakɛ nee ɛyɛba wɔ zo la, bɛvale bɛyɛle nyɛvolɛ azie.

Edwɛkpa ne kɛmɔ Maake hɛlɛle la 7:11

Na bɛmɛ, bɛkilehile kɛ saa awie lɛ debie mɔɔ ɔkola ɔfa ɔnea ɔ ze anzɛɛ ɔ nli a ɔyɛ boɛ la na saa ɔka kɛ, ‘Ɛhye le Kɔban’ a, (ɔ bo a le, ‘Ɔle Nyamenle ɛdeɛ’)

Dw 18:28

Bɛvale Gyisɛse bɛvile Kayafase sua nu na bɛ nee ye hɔle Wulomu amɛnlado ne suakunlu; ɛnee asɛɛ maanle nu ɛtete. Dwuuma ne angɔ amɛnlado ne suakunlu ɛkɛ ne bie, ɔboalekɛ ɛnee bɛkulo kɛ bɛsie bɛ nwo bɔkɔbɔkɔ, kɛmɔ bɛ ɛzonlenlɛ ne kile la, amaa bɛanyia adenle bɛali Akpabɛnwo Ɛvoyia aleɛ ne bie.

Mɛla 23:18

Ezukoa biala noko mɔɔ bɛkɛnyia ye wɔ tuutuulilɛ nu la, bɛmmafa bɛbatua ɛwɔkɛ, yɛɛ bɛmmafa bɛbɛlɛ Ɛdɛnkɛma bɛ Nyamenle ne. Ɔluakɛ Ɛdɛnkɛma bɛ Nyamenle ne kyi ninyɛne ɛhye mɔ.