Edwɛkpa ne kɛmɔ Mateyu hɛlɛle la 27:52 - BAEBOLO ANZƐƐ BULUKU NWUANZANWUANZA

⁵² sɛka zo bukebukele, na bɛdwazole Nyamenle menli ne mɔɔ ɛwu la anu dɔɔnwo bɛrale ngoane nu.

Edwɛkpa ne kɛmɔ Mateyu hɛlɛle la 27:52 ပူးပေါင်းရင်းမြစ်များ

2 Arl 13:21

Kenle ko Yizilayɛma hɔle kazie nrenya bie mɔɔ ɛwu la, bɛnwunle kɛ Mowabe nwule ɛlɔnema ɛlɛba bɛ nwo zo. Yemɔti bɛvuandinle funli ne bɛdole Yilaehya nla ne anu na bɛnriandile bɛhɔle. Funli ne dɔle Yilaehya mbowule ne azo ala la ɔdunwuele na ɔdwazole ɔgyinlanle.

Ayezaya Buluku ne 25:8

Ɔbame ewule bɔkɔɔ, na Awulae Nyamenle ne bakyikyi awie biala anye anwo monle, na yeakpa bɛ nwo nyiane kɔsɔɔti yeavi azɛlɛ ye azo. Ɛdɛnkɛma ɔdaye a ɔse a.

Ayezaya Buluku ne 26:19

Mɔwuamra bara ngoane nu, bɛbava bɛ nwonane ne bɛadwazo. O bɛmɛ mɔwuamra, bɛdunwue na bɛva anyelielɛ bɛdo edwɛne! Ɔluakɛ Ɛdɛnkɛma ɛbɔlɛ mɔɔ tɔ bɛ nwo zo la le wienyi, na ɔbada mɔwuamra anwo zo.

Daneɛle Buluku ne 12:2

Menli mɔɔ ɛwu la anu dɔɔnwo badwazo ara ngoane nu; bie mɔ banyia ngoane mɔɔ ɛnlɛ awieleɛ, bie mɔ dɔɔnwo noko babɔ anyiemgba mɔɔ ɛnlɛ awieleɛ.

Hozia Buluku ne 13:14

Memkpɔne bɛ menvi Ɛbolɔ tumi bo ɔ? Menlie bɛ menvi Ewule asa anu ɔ? O Ewule, wɔ bɔlɔ ne wɔ nienwu? O Ɛbolɔ, wɔ ɛzɛkyelɛ tumi ne wɔ nienwu? Anwunvɔnezelɛ ɛnle me nye zo bieko.

Dw 11:11

Gyisɛse hanle ɛhye na ɔvale ɔzɔle zolɛ kɛ, “Yɛ gɔnwo Lazalɛse ɛlafe, na mekɔ meahɔdunwue ye.”

Ɛzoanvolɛma Gyima ne 7:60

Akee ɔhotole na ɔdeanle nu kpole kɛ, “Awulae, fa ɛtane ɛhye kyɛ bɛ!” Ɔhanle ɛhye la, ɔwule.

1 Kɔl 11:30

Ɛhye ati yɛɛ bɛ nuhua dɔɔnwo anwo ɛyɛ bɛ bɛtɛɛ, bɛ nwo ɛtoto bɛ, na bie mɔ ɛwu la.

1 Kɔl 15:20

Na nɔhalɛ ne a le kɛ Nyamenle ɛdwazo Kelaese ɛvi ewule nu, na ɛhye maa yɛsi pi kɛ Nyamenle badwazo bɛdabɛ mɔɔ bɛwu la amuala.

1 Kɔl 15:51

Bɛdie fealeranu edwɛkɛ ɛhye: yɛ muala yɛnrɛwu. Saa bɛbɔ aweɛne tendenle ne mɔɔ li amozi la anu a, yɛ nye zo katete yɛ la ɛnee Nyamenle ɛhakyi yɛ ɛwie. Ɔluakɛ bɛbɔ aweɛne tendenle ne anu a, Nyamenle badwazo mɔwuamra, mɔɔ bɛnwu bieko ɛlɛ a, na bɛahakyi yɛ muala mɔɔ yɛha la.

1 Tɛs 4:14

Yɛdie yɛdi kɛ Gyisɛse wule na eza ɔdwazole ɔrale ngoane nu, zɔhane ala yɛɛ Nyamenle balua Gyisɛse anwo zo ava bɛdabɛ mɔɔ bɛdie ye bɛdi na bɛwu la azia ara ngoane nu a.

1 Tɛs 5:10

Gyisɛse wule manle yɛ amaa ɔba a, saa yɛwu o, yɛde ngoane nu o, yɛ nee ye adɛnla.