Edwɛkpa ne kɛmɔ Mateyu hɛlɛle la 27:41 - BAEBOLO ANZƐƐ BULUKU NWUANZANWUANZA

⁴¹ Sɛlɛvolɛ mgbanyinli ne nee mɛla kilehilevolɛma ne nee mgbanyima ne mɔ noko zile ye amgbu kɛ,

Edwɛkpa ne kɛmɔ Mateyu hɛlɛle la 27:41 ပူးပေါင်းရင်းမြစ်များ

Edwɛndolɛ Buluku ne 35:26

Maa bɛdabɛ mɔɔ bɛdi fɛlɛko wɔ me anwubɛnyunlu nwo la ɛbɔ anyiemgba na bɛ adwenle ɛbɔ nu! Maa bɛdabɛ mɔɔ bɛmemaa bɛ nwo zo bɛtia me la anyunlu ɛzi bile na bɛbɔ anyiemgba.

Edwɛkpa ne kɛmɔ Luku hɛlɛle la 23:35

Mekɛ mɔɔ menli ne gyi ɛkɛ ne ɛlɛnea la ɛnee Dwuu mgbanyima ne mɔ mɔɔ wɔ bɛ nu la ɛlɛsi ye amgbu kɛ, “Se ɔliele awie mɔ ngoane o; saa yemɔ a ɔle Mɛzaya ne mɔɔ Nyamenle ɛkpa nu ɛye ye la amgba a, bɛmaa ɔlie ɔ nwo ngoane ɔmaa yɛnlea!”

Edwɛkpa ne kɛmɔ Luku hɛlɛle la 22:52

Akee Gyisɛse zele sɛlɛvolɛ mgbanyinli ne nee Ɛzonlenlɛ Sua ne neavolɛ mgbanyinli ne nee mgbanyima ne mɔ mɔɔ hɔle kɛ bɛkahye ye la kɛ, “Na ɔhyia kɛ bɛkɛva dadeɛ nee ahoholombaka bɛkɛra me ɛhyelɛ ɔ?

Edwɛkpa ne kɛmɔ Luku hɛlɛle la 18:32

Bɛbaye me bɛawula menli mɔɔ ɛnle Dwuuma la asa anu, na bɛbazi me amgbu, bɛayɛ me aholoba na bɛatoto nyɛlɛ me nyunlu.

Zɛkalaya Buluku ne 11:8

Akee menyɛnenle mboane ne mɔ. Siane ko anu, menzɛkyele mboaneneavolɛma nsa. Me kunlu andwo bɛ nwo fee, yɛɛ bɛdabɛ noko bɛangulo me edwɛkɛ.

Ayezaya Buluku ne 49:7

Ɛdɛnkɛma, Yizilayɛ Kpɔnevolɛ ne, Yizilayɛ Nwuanzanwuanza Ko ne ɛlɛka ahile sonla ne mɔɔ le arelemgbunli sonvolɛ, mɔɔ maanle maanle ne mɔ ɛkpo ye, na bɛkyi ye kpole kpalɛ la kɛ, “Arelemgbunli banwu wɔ na bɛadwazo; arelemgbunli amra mrenya badu agua ɛ nyunlu, ɔboalekɛ Ɛdɛnkɛma, Yizilayɛ Nwuanzanwuanza Ko ne, mɔɔ ɛkpa nu ɛye wɔ la di nɔhalɛ.”

Ayezaya Buluku ne 28:22

Yemɔti bɛmmasi amgbu na anrɛɛ bɛ ndeanlɛ kɛyɛ kpole, ɔluakɛ mede kɛ Tumivolɛ Awulae Nyamenle ne ɛli mɛla bie mɔɔ ɔbava yeazɛkye azɛlɛ ye amuala a.

Dwobu Buluku ne 13:9

Saa ɔneɛnlea bɛ nuhua a, bɛkɛvi nu ɔ? Asoo bɛkɛhola ye bɛlɛbɛla kɛ bɛbɛlɛbɛla sonla la?

Edwɛkpa ne kɛmɔ Mateyu hɛlɛle la 27:40

“Wɔmɔ ɛdawɔ ɛse ɛkola ɛbubu Ɛzonlenlɛ Sua ne na ɛfa kenle nsa ɛsi! Saa wɔmɔ a ɛle Nyamenle Ara ne a, die ɛ nwo ɛ! Ɛvi meanubaka ne azo dwu aze!”

Edwɛkpa ne kɛmɔ Mateyu hɛlɛle la 27:42

“Ɔdie awie mɔ ngoane, noko ɔngola ɔnlie ɔ nwo ngoane! Tɛ yemɔ a ɔle Yizilayɛma belemgbunli ne la ɔ? Ɔvi meanubaka ne azo ɔdwu aze kɛkala na yɛkɛlie ye yɛkɛli.