Edwɛkpa ne kɛmɔ Mateyu hɛlɛle la 27:4 - BAEBOLO ANZƐƐ BULUKU NWUANZANWUANZA

⁴ na ɔzele bɛ kɛ, “Meyɛ ɛtane kɛ meye sonla mɔɔ ɛnze nwolɛ bie la memaa kɛ bɛhu ye a!” Bɛbuale ye kɛ, “Na ɛhye fane yɛ nwo ɔ? Ɛdawɔ wɔ edwɛkɛ ɔ!”

Edwɛkpa ne kɛmɔ Mateyu hɛlɛle la 27:4 ပူးပေါင်းရင်းမြစ်များ

1 Arl 21:27

Yilaegya anloa dɔle ala la, Ehabe suosuanle ye adɛladeɛ mɔɔ ɔwula la anu na ɔvale ɛrele ɔhedale, ɔhyele ɛhɔne, ɔvale ɛrele ɔlale na ɔluale ye alɔbɔlɛ alɔbɔlɛ nu.

2 Arl 24:4

Ɛtane kpole ko bɔbɔ mɔɔ Manasɛ yɛle la a le menli mɔɔ ɛnze nwolɛ bie na ɔmanle bɛhunle bɛ la. Ɛdɛnkɛma fa Manasɛ ɛtane kyɛ ye wɔ ɛhye anwo a ɔnrɛyɛ boɛ.

Dwobu Buluku ne 13:4

Na bɛmɛ, bɛfa adalɛ bɛkye bɛ nwo ɛhane, bɛ muala bɛle ninsivoma mɔɔ anwo ɛnlɛ nvasoɛ a.

Dwobu Buluku ne 16:2

“Edwɛkɛ ɛhye mɔ, menyia bɛ nde; bɛle arɛlekyekyevolɛma anwo anwunvɔne.

Edwɛndolɛ Buluku ne 94:21

Bɛbɔ kpɔkɛ bɛtia tenlenema ngoane, na bɛbua mɔɔ ɛnze nwolɛ bie la ewule fɔlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:31

Na belemgbunli ne vɛlɛle Mosisi nee Aalɔn nɔe ne na ɔzele bɛ kɛ, “Bɛha bɛ nwo bɛhɔ, bɛdabɛ nee Yizilayɛma kɔsɔɔti, bɛvi me menli Yigyibitima avinli bɛhɔ; bɛhɔzonle Ɛdɛnkɛma, kɛmɔ bɛdabɛ bɛha la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:27

Akee belemgbunli zoanle menli manle bɛhɔvɛlɛle Mosisi nee Aalɔn na ɔzele bɛ kɛ, “Meyɛ ɛtane. Ɛdɛnkɛma di benle. Me nee me menli ne yɛdi fɔlɛ.

Mrɛlɛbulɛ Buluku ne 12:8

Sonla adwenle kpalɛ yɛɛ bɛfa bɛkanvo ye a, na sonla mɔɔ ye adwenle ɛnle kpalɛ la, bɛkpo ye.

Gyɛlɛmaya Buluku ne 26:15

Na bɛhakye kɛ, saa bɛku me a, ɛnee bɛ nee bɛ menli ne amuala ɛva munzule bɛmaa bie ɛha suakpole ɛhye nee zolɛ menli ne amuala, kɛ bɛha sonla mɔɔ ɛnze nwolɛ bie la mogya bɛgua a. Ɔluakɛ mame, ɔle nɔhalɛ kɛ Ɛdɛnkɛma a zoanle me kɛ membanga edwɛkɛ ɛhye kɔsɔɔti mengile bɛ a.”

Dwona Buluku ne 1:14

Zɔhane ati bɛvɛlɛle Ɛdɛnkɛma bɛzele kɛ, “O Ɛdɛnkɛma, yɛsɛlɛ wɔ kpalɛ kpalɛ, mmamaa yɛwu kɛ nrenya ɛhye kɛwu a, yɛɛ mmamaa ye mogya gua yɛ ti zo. Ɔluakɛ, wɔmɔ, O Ɛdɛnkɛma, yɛɛ wɔhyehyɛ wɔyɛ mɔɔ ɛdawɔ ɛkulo la a.”

Edwɛkpa ne kɛmɔ Mateyu hɛlɛle la 27:19

Eza mɔɔ ɛnee Paelɛte de ye ndɛnebualɛ ebia ne anu la, ɔ ye dole ye nrɛlaleɛ kɛ, “Mmayɛ nrenya ne ɛhwee na ɔnze nwolɛ bie. Ɔlua yemɔ ɔ ti, menwu ɛzulolɛ kpole ɛnɛ nɔe wɔ ɛlalɛ nu.”

Edwɛkpa ne kɛmɔ Mateyu hɛlɛle la 27:54

Mɔɔ sogyama ne nee bɛ kpanyinli ne mɔɔ ɛnee ɛlɛsinza Gyisɛse la nwunle azɛlɛ ɛkpusulɛ ne nee ninyɛne mɔɔ sisile la, bɛzulole kpole na bɛzele kɛ, “Amgba, nrenya ne le Nyamenle Ara!”

Edwɛkpa ne kɛmɔ Luku hɛlɛle la 23:22

Paelɛte hanle ye fane nsa ne azo hilele bɛ kɛ, “Na duzu ɛtane a nrenya ye ɛyɛ a? Mennwu debie biala mɔɔ yeyɛ mɔɔ fɛta ewule a. Yemɔti memaa bɛabila ye mbaka na meagyakyi ye.”

Edwɛkpa ne kɛmɔ Luku hɛlɛle la 23:41

Na yɛmɛ yɛ ɛdeɛ ne le fɔɔnwo, ɔboalekɛ mɔɔ yɛyɛ la yɛɛ bɛlɛtua yɛ nwolɛ kakɛ a; na yemɔ, ɔtɛyɛle ɛtane biala.”

Edwɛkpa ne kɛmɔ Luku hɛlɛle la 23:47

Sogya kpanyinli ne nwunle mɔɔ ɛzi la, na ɔyele Nyamenle ayɛlɛ ɔhanle kɛ, “Amgba, nrenya ne ati anu fufule!”

Dw 19:7

Dwuuma ne buale ye kɛ, “Yɛlɛ mɛla, na mɛla ne kile kɛ ɔwɔ kɛ ɔwu, ɔboalekɛ ɔyɛ ɔ nwo kɛ ɔle Nyamenle Ara.”

Ɛzoanvolɛma Gyima ne 13:28

Bɛannyia kpɔkɛ biala bɛangyinla zolɛ bɛambua ye ewule fɔlɛ, noko bɛzele Paelɛte kɛ ɔmaa bɛhu ye.

Wulo 3:19

Mɔɔ yɛnwu ye la a le kɛ, debie biala mɔɔ wɔ mɛla ne anu la wɔ ɛkɛ ne maa bɛdabɛ mɔɔ bɛwɔ mɛla ne abo la, amaa menli muala aha bɛ nloa ado nuhua kɛ bɛdi fɔlɛ wɔ Nyamenle ndɛnebualɛ ne anu.

1 Tem 4:2

Menli alane bie mɔɔ bɛ adwenle ɛwu kɛ asɛɛ bɛva bulalɛ mɔɔ ɛdɔlɔ woonwu la bɛwula nu la a yɛ ngilehilelɛ ɛhye a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:16

Bɛdabɛ bɛse bɛze Nyamenle, noko bɛ nyɛleɛ ɛngile zɔhane. Ɛkpɔlɛ nee anzosesebɛ ɛyi bɛ tɛkɛɛ, yɛɛ bɛnze debie kpalɛ biala yɛ.

Kɛlata mɔɔ bɛhɛlɛle bɛhɔmanle Hibuluma la 7:26

Sɛlɛvolɛ Kpanyinli mɔɔ le zɛhae la yɛɛ kola sɔ yɛ wɔ yɛ ɛhyianlɛ biala anu a, ɔluakɛ ɔle nwuanzanwuanza; ɛtane biala ɛnle ɔ nwo anzɛɛ ye nu. Bɛye ye bɛzie ahane bɛvi ɛtanevolɛma anu na bɛmaa ye zo bɛhɔ anwuma.

1 Pit 1:19

bɛvale Gyisɛse, mɔɔ le boaneralɛ mɔɔ anwo ɛnlɛ dɛne biala la mogya ne mɔɔ sonle bolɛ la a bɛkpɔnenle bɛ a.

1 Dw 3:12

Ɔnle kɛ yɛyɛ kɛ Keen mɔɔ le Abɔnsam ara, mɔɔ hunle ɔ diema ne la. Na duzu ati a ɔhunle ye a? Ɔhunle ɔ diema ne, ɔluakɛ ɔdaye Keen ye nyɛleɛ ne mɔ ɛnle kpalɛ, na ɔ diema ne nyɛleɛ ne mɔ le fɔɔnwo.

Yekile 11:10

Menli mɔɔ wɔ azɛlɛ ye azo la bali fɛlɛko kɛ menli nwiɔ zɔhane ɛwu a. Bɛbali fɛlɛko, bɛ nye balie, na bɛava ahyɛlɛ ninyɛne bɛamaa bɛ nwo ngoko, ɔboalekɛ Nyamenle kpɔmanvolɛma nwiɔ zɔhane yɛle ngyegyelɛ kpalɛ manle aleɛabo amra amuala.

1 Sam 15:24

Sɔɔlo zele kɛ, “Meyɛ ɛtane, ɔluakɛ mebulu Ɛdɛnkɛma mɛla ne azo yɛɛ meandie ɛ ne, ɔboalekɛ menzulole menli ne na mendiele bɛmɛ.

1 Sam 15:30

Sɔɔlo buale ye kɛ, “Meyɛ ɛtane ɛdeɛ, noko di me eni ekyii bɔbɔ wɔ me mgbanyima ne mɔ nee Yizilayɛma anyunlu. Ɛ nee me ɛhɔ Gelegale maa mengɔnzonle Ɛdɛnkɛma wɔ Nyamenle ne.”

1 Sam 19:5

Ɔvale ye ngoane ɔdole nzeleba ɔhunle Golayate, na Ɛdɛnkɛma lile konim manle Yizilayɛma kɔsɔɔti. Ɛnwunle ye la, ɛlile fɛlɛko, na duzu ati bɔbɔ yɛɛ akee ɛkpondɛ kɛ ɛku Devidi mgbane gyɛne ne ala, ɛka mogya mɔɔ ɛnli fɔlɛ la ɛgua ɛ?”