Edwɛkpa ne kɛmɔ Mateyu hɛlɛle la 27:3 - BAEBOLO ANZƐƐ BULUKU NWUANZANWUANZA

³ Mɔɔ Dwudase mɔɔ yele ye manle la nwunle kɛ bɛbu Gyisɛse ewule fɔlɛ la, ɔnlunle ɔ nwo na ɔvale dwɛtɛ fufule abulasa ne ɔhɔmanle sɛlɛvolɛ mgbanyinli ne nee mgbanyima ne mɔ

Edwɛkpa ne kɛmɔ Mateyu hɛlɛle la 27:3 ပူးပေါင်းရင်းမြစ်များ

Dwobu Buluku ne 20:5

amumuyɛnli ɛkpazilɛ ɛndwu moa, yɛɛ sonla mɔɔ ɛnze Nyamenle la fɛlɛkolilɛ le sinli?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 21:32

Saa ɛnlankɛ nyinli ne ku kanranli, nrenya anzɛɛ raalɛ a, ɔwɔ kɛ ɔ menle ne tua dwɛtɛ fufule abulasa maa kanranli ne amenle na bɛsi ɛnlankɛ ne awolɛ bɛku ye.

Zɛkalaya Buluku ne 11:13

Ɛdɛnkɛma zele me kɛ, “Fa kɔgua Ɛzonlenlɛ Sua ne gya ne anu.” Yemɔti menvale dwɛtɛ fufule ne, ezukoa kpole ne mɔɔ bɛdua bɛmaa me la mengɔnguale Ɛdɛnkɛma Ɛzonlenlɛ Sua ne gya ne anu.

Dw 13:2

Gyisɛse nee ye ɛdoavolɛma ne dɛnlanle aze nɔsolɛ nu kɛ bɛdi debie. Abɔnsam noko ɛbɔ kpɔkɛ ɛwie kɛ ɔwɔ kɛ Dwudase, Saemɔn Yesekaleɔto ara ne ye Gyisɛse maa.

Dw 13:27

Dwudase liele kpanwo ne la yɛɛ Seetan wolole ye a. Gyisɛse zele ye kɛ, “Ka ɛ nwo yɛ mɔɔ ɛyɛ la.”

Dw 18:3

Ɛhye ati Dwudase vale Wulomu sogyama nee Ɛzonlenlɛ Sua ne sinzavolɛma mɔɔ sɛlɛvolɛ mgbanyima ne nee Falasiima zoanle bɛ la rale tola ne anu. Bɛkɔ la bɛdedɛ ahoholombaka nee dadeɛ, tɛkɛ, yɛɛ tayia.

Ɛzoanvolɛma Gyima ne 1:18

(Ezukoa ne mɔɔ Dwudase luale ye ninyɛndane zo liele la, ɔvale ɔdɔle azɛlɛ, na ɛkɛ ne a ɔvuandinle ɔ nwo ɔdele, ɔ ko kpukele na ɔ kunlu anyalɛ muala tulule guale na ɔwule a.

2 Kɔl 7:10

Ɔluakɛ nyanelilɛ mɔɔ Nyamenle ze nuhua la maa sonla nu ɔ nwo na ɔnyia ngoane, ɔmmaa ɔnvu ɔ nwo; ewiade ye anu nyanelilɛ maa ewule.