Edwɛkpa ne kɛmɔ Mateyu hɛlɛle la 27:2 - BAEBOLO ANZƐƐ BULUKU NWUANZANWUANZA

² Bɛguale ye anga na bɛvale ye bɛhɔmanle Paelɛte mɔɔ le Wulomu amɛnlado ne.

Edwɛkpa ne kɛmɔ Mateyu hɛlɛle la 27:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:9

Mɔɔ bɛhɔdwule ɛleka ne mɔɔ Nyamenle hanle nwolɛ edwɛkɛ hilele Ebileham la, Ebileham zile azukponle wɔ ɛkɛ ne, ɔvale ɛyɛne ne ɔguale zolɛ, na ɔkyekyele ɔ ra Ayezeke ɔdole azukponle ne azo, wɔ ɛyɛne ne azo.

Edwɛkpa ne kɛmɔ Mateyu hɛlɛle la 20:19

na bɛava me bɛawula menli mɔɔ ɛnle Dwuuma la asa anu. Bɛdabɛ noko bɛbazi me amgbu, bɛabila me empele, na bɛabɔ me meanubaka nu bɛahu me; na ye kenle nsa ne azo bɛbadwazo me bɛara ngoane nu.”

Edwɛkpa ne kɛmɔ Mateyu hɛlɛle la 28:14

Na saa amɛnlado ne te a yɛkɛhɔnwu ye na awie biala ɛnrɛgyegye bɛ.”

Edwɛkpa ne kɛmɔ Luku hɛlɛle la 13:1

Mekɛ ne anu menli bie rahanle Galelima bie mɔɔ Paelɛte ɛmaa bɛhu bɛ wɔ mekɛ mɔɔ ɛnee bɛlɛbɔ azu bɛamaa Nyamenle la anwo edwɛkɛ hilele Gyisɛse.

Edwɛkpa ne kɛmɔ Luku hɛlɛle la 20:20

Yemɔti bɛtetɛle ye. Bɛmanle menli bie ndoloboa bɛmanle bɛyɛle bɛ nwo kɛ asɛɛ bɛdi nɔhalɛ, na bɛzoanle bɛ kɛ bɛhɔdo Gyisɛse abɛla bɛbizebiza ye edwɛkɛ, amaa saa ɔ nloa fo a bɛahye ye na bɛava ye bɛahɔmaa Wulomu Amɛnlado ne ali ye edwɛkɛ.

Edwɛkpa ne kɛmɔ Luku hɛlɛle la 23:1

Menli ne amuala dwazole na bɛvale Gyisɛse bɛhɔle Paelɛte anyunlu,

Edwɛkpa ne kɛmɔ Luku hɛlɛle la 23:12

Ɔvi kenle ko ne ala Paelɛte nee Hɛlɔdo yɛle agɔnwolɛ, ɔluakɛ ɛnee bɛ mu nwiɔ bɛnga.

Edwɛkpa ne kɛmɔ Luku hɛlɛle la 3:1

Mɔɔ bɛvale Taebileɛse bɛziele Wulomu Maanle Maanle Belemgbunli na ɔnyianle ɛvolɛ bulu nee nnu la, ɛnee Pɔnteɛse Paelɛte a le amɛnlado wɔ Dwudiya a, yɛɛ Hɛlɔdo noko a ɛnee nea Galeli maanzinli ne azo a. Hɛlɔdo adiema Felepe ɔdaye ɛnee ɔnea Ayetulia nee Telakonaetɛse maanzinli zo, yɛɛ Laeseenease noko nea Abelin maanzinli zo.

Dw 18:12

Akee Wulomu sogyama ne nee bɛ kpanyinli ne nee Dwuu sinzavolɛma ne mɔ hyele Gyisɛse, bɛkyekyele ye,

Dw 18:24

Anase akee manle bɛvale ye, kɛmɔ bɛkyekyele ye bɛ nee ye rale ala la, bɛhɔmanle Kayafase, mɔɔ ɛvolɛ ne anu ɔle Sɛlɛvolɛ Kpanyinli la.

Dw 18:28

Bɛvale Gyisɛse bɛvile Kayafase sua nu na bɛ nee ye hɔle Wulomu amɛnlado ne suakunlu; ɛnee asɛɛ maanle nu ɛtete. Dwuuma ne angɔ amɛnlado ne suakunlu ɛkɛ ne bie, ɔboalekɛ ɛnee bɛkulo kɛ bɛsie bɛ nwo bɔkɔbɔkɔ, kɛmɔ bɛ ɛzonlenlɛ ne kile la, amaa bɛanyia adenle bɛali Akpabɛnwo Ɛvoyia aleɛ ne bie.

Ɛzoanvolɛma Gyima ne 12:6

Nɔe ne mɔɔ ɛnee aleɛ kye a Hɛlɔdo kɛye Pita kɛmaa menli ne la, ɛnee Pita la sogyama nwiɔ mɔɔ ɛlɛsinza ye la avinli, na bɛva nwɔnzɔnwɔnzɔ nwiɔ bɛgua ye, na bɛva bɛsosɔ sogyama nwiɔ ne, yɛɛ eza sogyama bie mɔ noko gyigyi anlenkɛ ne anloa ɛlɛsinza.

Ɛzoanvolɛma Gyima ne 21:33

Sogyama kpanyinli ne hɔzɔle Pɔɔlo, na ɔmanle bɛvale nwɔnzɔnwɔnzɔ nwiɔ bɛguale ye. Akee ɔbizale kɛ, “Na nwane a le ɛhye, yɛɛ duzu ɛtane a yeyɛ a?”

Ɛzoanvolɛma Gyima ne 22:25

Na mɔɔ bɛkyekyele ye kɛ bɛbila ye empele ne la, Pɔɔlo bizale sogya kpanyinli ko mɔɔ gyi ɔ nwo ɛkɛ ne la kɛ, “Asoo ɔfa mɛla adenle zo kɛ bɛkɛbo Wulomunli mgbane wɔ mekɛ mɔɔ bɛtɛdile ye edwɛkɛ bɛtɛbuale ye fɔlɛ kɛ yedo mɛla la ɔ?”

Ɛzoanvolɛma Gyima ne 22:29

Na ɛkɛ ne ala menli mɔɔ rale kɛ bɛbabizebiza Pɔɔlo edwɛkɛ la vi ɔ nwo ɛkɛ hwenle bɛ nwo. Mɔɔ sogyama kpanyinli ne nwunle kɛ Pɔɔlo le Wulomunli na yegua ye nwɔnzɔnwɔnzɔ la ye ahonle dule.

Ɛzoanvolɛma Gyima ne 24:27

Mɔɔ ɛvolɛ nwiɔ pɛle nu la, Pɔseɛse Fɛsetɛse ralile amɛnlado Filekese agyakɛ anu. Na kɛmɔ ɛnee Filekese kulo kɛ ɔnyia ɔ nyunlu wɔ Dwuuma anyunlu la ati, ɔmanle Pɔɔlo hale efiade ne.

Ɛzoanvolɛma Gyima ne 28:20

Ɛhye ati yɛɛ mevɛlɛ bɛ kɛ me nee bɛ badendɛ a. Ɔluakɛ, ɔlua sonla ne mɔɔ Yizilayɛma lɛ anyelazo wɔ ye nu la ati yɛɛ bɛgua me nwɔnzɔnwɔnzɔ a.”

Ɛzoanvolɛma Gyima ne 3:13

Ebileham, Ayezeke nee Gyekɔbo bɛ Nyamenle ne, nee yɛ nlenya mɔ Nyamenle ne yɛɛ ɛwula ye Sonvolɛ Gyisɛse anyunlunyia a. Bɛyele ye bɛmanle mgbanyima ne mɔ na bɛkpole ye wɔ Paelɛte anyunlu, wɔ mekɛ mɔɔ ɛnee Paelɛte mumua ne kulo kɛ ɔgyakyi ye la.

Ɛzoanvolɛma Gyima ne 4:27

Hɛlɔdo nee Pɔnteɛse Paelɛte, nee bɛdabɛ mɔɔ bɛnle Dwuuma la, nee menli mɔɔ wɔ Yizilayɛ la amuala yiale nu wɔ suakpole ɛhye azo na bɛvale adwenle bɛtiale wɔ Sonvolɛ Nwuanzanwuanza Gyisɛse mɔɔ wɔyɛ ye Mɛzaya la.

Ɛzoanvolɛma Gyima ne 9:2

na ɔhɔliele tumi ngɛlɛta kɛ ɔkɔ Dɛmasekɛse nyianu azua ne mɔ anu yeahɔhye bɛdabɛ mraalɛ nee mrenya mɔɔ bɛlua Awulae Adenle ne azo la, yeakyekye bɛ, ɔ nee bɛ ara Gyɛlusalɛm.

1 Tem 6:13

Megyi Nyamenle mɔɔ maa ninyɛne kɔsɔɔti ngoane, nee Kelaese Gyisɛse mɔɔ gyinlanle Pɔntɛse Paelɛte anyunlu lile ye diedi nwo daselɛ la anyunlu, meka meahile wɔ kɛ

2 Tem 2:9

Na Edwɛkpa ɛhye ati yɛɛ melɛnwu amaneɛ na bɛgua me nwɔnzɔnwɔnzɔ kɛ asɛɛ medo mɛla bie la. Nyamenle edwɛkɛ ne ɛdeɛ bɛtɛguale ye nwɔnzɔnwɔnzɔ.

Kɛlata mɔɔ bɛhɛlɛle bɛhɔmanle Hibuluma la 13:3

Bɛhakye bɛdabɛ mɔɔ bɛgua bɛ efiade la, na bɛdwenle bɛ nwo kɛ asɛɛ bɛ nee bɛ a gua efiade ne a. Bɛhakye menli mɔɔ ɛlɛnwu amaneɛ la, na bɛdwenle bɛ nwo kɛ bɛdabɛ noko bɛlɛnwu nyane ne bie.

Maanlebuvolɛma Buluku ne 15:12

Na bɛzele ye kɛ, “Yɛra kɛ yɛbakyekye wɔ yɛahɔmaa Filisitiama.” Samesɛn zele bɛ kɛ, “Bɛha ndane kɛ bɛmɛ bɛdabɛ mumua ne bɛnrɛhu me.”