Edwɛkpa ne kɛmɔ Mateyu hɛlɛle la 27:1 - BAEBOLO ANZƐƐ BULUKU NWUANZANWUANZA

¹ Aleɛ hyenle nwonlomɔ mangyee ne la, sɛlɛvolɛ mgbanyinli ne mɔ amuala nee Dwuu mgbanyima ne mɔ bɔle kpɔkɛ kɛ bɛmaa bɛahu Gyisɛse.

Edwɛkpa ne kɛmɔ Mateyu hɛlɛle la 27:1 ပူးပေါင်းရင်းမြစ်များ

Edwɛndolɛ Buluku ne 2:2

Ewiade arelemgbunli boɔboa dwenle ɛtane, bɛ maanle mgbanyinli bɔ nu kɔ agyinla tia Ɛdɛnkɛma nee mɔɔ yekpa nu yeye ye la.

Edwɛndolɛ Buluku ne 31:13

Ɛhɛe, mete dɔɔnwo azukuedulɛ ne, ɛzulolɛ wɔ ɛleka biala! Bɛyia bɛfa me nwo adwenle, bɛbɔ kpɔkɛ kɛ bɛku me.

Edwɛndolɛ Buluku ne 71:10

Ɔluakɛ me kpɔvolɛma keha me nwo edwɛkɛ, bɛdabɛ mɔɔ bɛkpondɛ me bɛahu me la yia bɔ adwenle,

Maeka Buluku ne 2:1

Munzule ɛha bɛdabɛ mɔɔ bɛdwenle amumuyɛ ɛyɛlɛ nwo na bɛda bɛ ɛkpa zo bɛbɔ ɛtaneyɛlɛ nwo adwenle la. Bɛlɛ tumi la ati, aleɛ kye a bɛyɛ awukade.

Edwɛkpa ne kɛmɔ Mateyu hɛlɛle la 23:13

“Munzule ɛha bɛmɛ mɛla kilehilevolɛma nee Falasiima! Nabalabama! Bɛmɛ, bɛto Anwuma Belemgbunlililɛ anlenkɛ ne anu bɛmaa menli ne ka ɔ nzi; bɛmɛ a, bɛnrɛhɔ nu, yɛɛ akee noko bɛnrɛmaa bɛdabɛ mɔɔ bɛlɛbɔ mɔdenle bɛahɔ nu la adenle bɛnrɛmaa bɛnrɛhɔ nu. [

Edwɛkpa ne kɛmɔ Maake hɛlɛle la 15:1

Nwonlomɔ mangyee ne ala, sɛlɛvolɛ mgbanyinli ne mɔ yiale Dwuu mgbanyima ne, mɛla kilehilevolɛma ne, yɛɛ ayiama ne mɔ amuala na ndɛndɛ ne ala bɛvale adwenle. Bɛguale Gyisɛse nwɔnzɔnwɔnzɔ na bɛvale ye bɛhɔmanle Wulomu Amɛnlado Paelɛte.

Edwɛkpa ne kɛmɔ Luku hɛlɛle la 13:1

Mekɛ ne anu menli bie rahanle Galelima bie mɔɔ Paelɛte ɛmaa bɛhu bɛ wɔ mekɛ mɔɔ ɛnee bɛlɛbɔ azu bɛamaa Nyamenle la anwo edwɛkɛ hilele Gyisɛse.

Edwɛkpa ne kɛmɔ Luku hɛlɛle la 22:66

Mɔɔ maanle nu tetele la, mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ yiale nu na bɛvale Gyisɛse bɛraziele ayia ne anyunlu.

Dw 18:28

Bɛvale Gyisɛse bɛvile Kayafase sua nu na bɛ nee ye hɔle Wulomu amɛnlado ne suakunlu; ɛnee asɛɛ maanle nu ɛtete. Dwuuma ne angɔ amɛnlado ne suakunlu ɛkɛ ne bie, ɔboalekɛ ɛnee bɛkulo kɛ bɛsie bɛ nwo bɔkɔbɔkɔ, kɛmɔ bɛ ɛzonlenlɛ ne kile la, amaa bɛanyia adenle bɛali Akpabɛnwo Ɛvoyia aleɛ ne bie.

Ɛzoanvolɛma Gyima ne 5:21

Aleɛ hyenle nwonlomɔ mangyee ne la, ɛzoanvolɛma ne hɔle Ɛzonlenlɛ Sua ne anu na bɛbɔle ɔ bo kɛ bɛkilehile. Sɛlɛvolɛ Kpanyinli ne nee ɔ sa zo ne mɔ manle bɛvɛlɛle mgbanyima ayia, na bɛdule menli kɛ bɛhɔye ɛzoanvolɛma ne wɔ efiade ne bɛrɛla.

Maanlebuvolɛma Buluku ne 16:2

Bɛhanle bɛhilele Gazama kɛ, “Samesɛn ɛra ɛke.” Aledwolɛ ne amuala bɛbɔle bɛyiale sua ne na bɛ bie mɔ hɔdɛle ye wɔ suakpole ne anlenkɛ kpole ne anloa. Bɛyɛle ngungoonwu na bɛzele kɛ, “Bɛmaa yɛdɛ toonwo alehyenlɛ na yɛ sa baha ye yɛahu ye.”

1 Sam 19:11

Kenle ko ne nɔsolɛ, Sɔɔlo zoanle menli kɛ bɛhɔzinza Devidi sua ne na nwonlomɔ bɛ sa aha ye bɛahu ye. Na Devidi aye Maekale hwenle Devidi anzo kɛ, “Saa ɛnɛ nɔe wɔanye ɛ nwo zo a, nwonlomɔ mangyee ne bɛbahu wɔ.”