Edwɛkpa ne kɛmɔ Mateyu hɛlɛle la 26:7 - BAEBOLO ANZƐƐ BULUKU NWUANZANWUANZA

⁷ na mɔɔ ɔlɛdi debie la, raalɛ bie vale anatele mɔɔ sonle bolɛ kpalɛ la wɔ “alabaseta” bolɛ toba nu rawolale guale ɔ ti zo.

Edwɛkpa ne kɛmɔ Mateyu hɛlɛle la 26:7 ပူးပေါင်းရင်းမြစ်များ

2 Arl 9:1

Yilaehya vɛlɛle Nyamenle kpɔmanvolɛma asa azo ne mɔ anu ko na ɔzele ye kɛ, “Boɔboa ɛ nwo na fa nwole toba ko ye kɔ Releemɔto mɔɔ wɔ Geleade maanle nu la.

Edwɛndolɛ Buluku ne 133:2

Ɔle kɛ nwole mɔɔ sonle bolɛ mɔɔ bɛwola bɛgua sonla ti zo, na ɔsonyi ɔgua ɔ kɛsa anu, bɔbɔ kɛ Aalɔn akɛsa anu ɛdeɛ ne, mɔɔ zonyinle guale tɛladeɛ ne akɔme ne anu la.

Nolo 10:1

Nrɛzenra avunli maa mɔɔ yɛ sakyeɛ la nwole evuanlɛ bɔ nvoanle, yɛɛ koaseayɛlɛ ekyi sɛkye nrɛlɛbɛ kpole nee enililɛ.

Nolo 9:8

Dahuu maa wɔ adɛladeɛ anye ɛyɛ bɔkɔbɔkɔ; yɛɛ mmamaa nwole kpa ɛ ti zo ɛlɛ.

Sɔlɔmɔn Edwɛne 1:3

Wɔ nwole ne mɔɔ ɛkpokpa la bɔ evuanlɛ, Wɔ duma le kɛ nwole mɔɔ bɛlɛwola, yemɔti mbɛlɛra ne mɔ kulo wɔ.

Ayezaya Buluku ne 57:9

Bɛvale anatele evuanlɛ kpalɛ bɛguale bɛ nwo bɛhɔzonlenle bɛ bozonle Molɛke, bɛzoanle menli bɛmanle bɛhɔle moa moa, na bɛmanle bɛhɔle toonwo bɛhɔle Ɛbolɔ.

Edwɛkpa ne kɛmɔ Mateyu hɛlɛle la 26:8

Mɔɔ ɛdoavolɛma ne nwunle ye la bɛvale ɛya na bɛhanle kɛ, “Duzu debie ɛzɛkyelɛ a le ɛhye?

Edwɛkpa ne kɛmɔ Maake hɛlɛle la 14:3

Ɛnee Gyisɛse wɔ Saemɔn mɔɔ anrɛɛ le kokobɛvolɛ la sua nu wɔ Bɛtani. Mɔɔ ɛnee Gyisɛse ɛlɛkpula ɔ sa la, raalɛ bie vale anatele evuanlɛ bie mɔɔ ye bolɛ yɛ se kpalɛ na bɛvale “naade” a bɛyɛle la wɔ “alabaseta” bolɛ toba nu rabɔle ye guale Gyisɛse ati zo.

Edwɛkpa ne kɛmɔ Luku hɛlɛle la 7:46

Wɔanva ɔlivi nwole wɔanyɛ me ti zo, na yemɔ, yeva anatele yegua me gyakɛ anwo.