Edwɛkpa ne kɛmɔ Mateyu hɛlɛle la 26:5 - BAEBOLO ANZƐƐ BULUKU NWUANZANWUANZA

⁵ Na bɛzele kɛ, “Ɔnle kɛ yɛyɛ ye zɔhane wɔ ɛvoyialilɛ ne anu, anrɛɛ menli ne kɛdo nzaka.”

Edwɛkpa ne kɛmɔ Mateyu hɛlɛle la 26:5 ပူးပေါင်းရင်းမြစ်များ

Edwɛndolɛ Buluku ne 76:10

Sonla ɛyavalɛ wie Nyamenle ayɛlɛyelɛ ɛyavalɛ nee konle ne anzi, bɛdabɛ mɔɔ bɛkɛha la bali wɔ eni.

Mrɛlɛbulɛ Buluku ne 19:21

Sonla adwenle ngyehyɛlɛ zonle dɔɔnwo, noko mɔɔ Ɛdɛnkɛma kɛhyehyɛ la a bali munli a.

Mrɛlɛbulɛ Buluku ne 21:30

Nrɛlɛbɛ, ndelebɛbo, yɛɛ folɛdulɛ biala ɛnle ɛkɛ mɔɔ kola gyinla Ɛdɛnkɛma anyunlu a.

Ayezaya Buluku ne 46:10

Medame a mɔlebɛbo ne menganle awieleɛ edwɛkɛ ne na mɔmoane menganle mɔɔ basisi la anwo bie menzele kɛ, ‘Mɔɔ meha la bagyinla ɛkɛ, yɛɛ mebayɛ mɔɔ mehyehyɛ la.’

Gyɛlɛmaya Awolɛyelɛ 3:37

Nwane a ɛha ɛmaa yeyɛ zɔ a? Kyesɛ Awulae ɔdaye yehyehyɛ ye zɔ.

Edwɛkpa ne kɛmɔ Mateyu hɛlɛle la 14:5

Yemɔti Hɛlɔdo dwenlenle nwo kɛ ɔku Dwɔn, noko ɛnee ɔsulo Dwuuma ne, ɔluakɛ ɛnee bɛva Dwɔn kɛ ɔle Nyamenle kpɔmanvolɛ.

Edwɛkpa ne kɛmɔ Mateyu hɛlɛle la 21:26

Saa yɛka noko kɛ, ‘Ɔvi sonla’ a, yɛsulo menli ye, ɔboalekɛ bɛ muala bɛdie bɛto nu kɛ Dwɔn le Nyamenle kpɔmanvolɛ.”

Edwɛkpa ne kɛmɔ Mateyu hɛlɛle la 27:24

Mɔɔ Paelɛte nwunle kɛ ɔyɛ nwolɛ bie ala a ɔnrɛyɛ boɛ, na ɔlua zo nzaka kpondɛ ara la, ɔvale nzule ɔnrinzinle ɔ sa anwo wɔ menli ne amuala anyunlu ɛkɛ ne na ɔzele kɛ, “Menze sonla ɛhye ewule ne anwo bie; menli nwolɛ ɛzonle! Bɛdabɛ bɛ edwɛkɛ ɔ!”

Edwɛkpa ne kɛmɔ Maake hɛlɛle la 14:12

Angye Ɛvoyia kenle ne mɔɔ lumua la yɛɛ bɛku mboane mralɛ bɛto Akpabɛnwo Ɛvoyia aleɛ ne a. Kenle zɔhane dwule la Gyisɛse ɛdoavolɛma ne mɔ bizale ye kɛ, “Nienwu a ɛkulo kɛ yɛkɔsiezie Akpabɛnwo Ɛvoyia aleɛ ne a?”

Edwɛkpa ne kɛmɔ Maake hɛlɛle la 14:2

“Ɔnle kɛ yɛyɛ ye zɔhane wɔ ɛvoyialilɛ ne anu, anrɛɛ menli ne kɛli nzaka.”

Edwɛkpa ne kɛmɔ Maake hɛlɛle la 14:27

Akee Gyisɛse zele ye ɛdoavolɛma ne mɔ kɛ, “Bɛ muala bɛbanriandi me, ɔluakɛ Nyamenle Edwɛkɛ ne se, ‘Nyamenle bahu mboaneneavolɛ ne, na mboane ne mɔ amuala babɔ asande.’

Edwɛkpa ne kɛmɔ Luku hɛlɛle la 20:6

Saa yɛka noko kɛ, ‘Ɔvi sonla’ a, menli ɛwolaa ye mɔɔ wɔ ɛke la amuala kɛzi yɛ awolɛ, ɔboalekɛ bɛdie bɛto nu kɛ Dwɔn le Nyamenle kpɔmanvolɛ.”

Edwɛkpa ne kɛmɔ Luku hɛlɛle la 22:7

Angye Ɛvoyia ne dwule na ɔwɔ kɛ bɛku mboane mɔɔ bɛfa bɛado Akpabɛnwo Ɛvoyia aleɛ ne la,

Dw 18:28

Bɛvale Gyisɛse bɛvile Kayafase sua nu na bɛ nee ye hɔle Wulomu amɛnlado ne suakunlu; ɛnee asɛɛ maanle nu ɛtete. Dwuuma ne angɔ amɛnlado ne suakunlu ɛkɛ ne bie, ɔboalekɛ ɛnee bɛkulo kɛ bɛsie bɛ nwo bɔkɔbɔkɔ, kɛmɔ bɛ ɛzonlenlɛ ne kile la, amaa bɛanyia adenle bɛali Akpabɛnwo Ɛvoyia aleɛ ne bie.

Ɛzoanvolɛma Gyima ne 19:29

He-e-e ko mɔɔ bɛyɛle la pɛle sua bɔdenle ne. Na nzakama ne mɔ dule twi kokye la ɛnee bɛwɔ Masidoneama nwiɔ, Gayɛse nee Alesetaakɛse mɔɔ nee Pɔɔlo a lua la anwo zo nwee. Bɛhwenle bɛ bɛ nee bɛ hɔle ɛleka mɔɔ ɔyɛ a bɛyia la.

Ɛzoanvolɛma Gyima ne 21:38

Ɛnee noko tɛ wɔmɔ a ɛle Yigyibitinli ne mɔɔ mekɛ bie mɔɔ ɛze ɛhɔ la vale ngyegyelɛ rale, na ɔvale menli maamɔvo apenle nna ɔhɔle fienemgbole ne azo lɔ la?”

Ɛzoanvolɛma Gyima ne 4:28

Bɛyiale nu bɛvale adwenle bɛyɛle debie biala, kɛmɔ ɛdawɔ wɔ tumi ɛhulolɛ ngyehyɛlɛ ne de la.