Edwɛkpa ne kɛmɔ Mateyu hɛlɛle la 26:3 - BAEBOLO ANZƐƐ BULUKU NWUANZANWUANZA

³ Mekɛ ne anu ala, sɛlɛvolɛ mgbanyinli ne nee Dwuu mgbanyima ne mɔ hɔyiale Sɛlɛvolɛ Kpanyinli ne mɔɔ bɛfɛlɛ ye Kayafase la suakunlu ɛkɛ ne,

Edwɛkpa ne kɛmɔ Mateyu hɛlɛle la 26:3 ပူးပေါင်းရင်းမြစ်များ

Edwɛndolɛ Buluku ne 56:6

Bɛkuohua bɛ nloa, bɛkɔ me nwo nzia, bɛnea me ɛhɔlɛ nee me ɛralɛ nu kɛ bɛkpondɛ me bɛahu me.

Gyɛlɛmaya Buluku ne 11:19

Ɛnee mele kɛ boane ralɛ mɔɔ ɛnze nwolɛ bie na bɛ nee ye ɛlɛkɔ ahunleɛ la. Menze kɛ mame a bɛlɛdwenle me nwo adwenle ɛtane la. Ɛnee bɛlɛka kɛ, “Bɛmaa yɛzɛkye baka ne nee ye ma ne mɔ amuala. Bɛmaa yɛpɛ ye yɛvi azɛlɛ ne azo, amaa awie angakye ye bieko.”

Gyɛlɛmaya Buluku ne 17:27

Na saa bɛandie me, bɛanzie Ɛnwomenlelielɛ Kenle ne nwuanzanwuanza, na awie biala soa bɔlɛ ba Gyɛlusalɛm a, mebado senle wɔ suakpole ne nlenkɛ mgbole ne mɔ anu, ɔbayela Gyɛlusalɛm azua ne mɔ bɔkɔɔ, na bɛnrɛhola ye nua.”

Edwɛkpa ne kɛmɔ Mateyu hɛlɛle la 26:69

Pita de alie ne anwo la, Sɛlɛvolɛ Kpanyinli ne sonvolɛ raalɛ ko rale ɛkɛ ne razele ye kɛ, “Ɛdawɔ noko ɛ nee Gyisɛse mɔɔ vi Galeli la a lua a.”

Edwɛkpa ne kɛmɔ Mateyu hɛlɛle la 27:27

Paelɛte sogyama ne vale Gyisɛse hɔle amɛnlado ne suakunlu ɛkɛ ne, na bɛvɛlɛle bɛ ekpunli ne anu amra bɛmanle bɛrayiale.

Edwɛkpa ne kɛmɔ Maake hɛlɛle la 14:54

Pita doale bɛ nanamogya toonwo ɔhɔle Sɛlɛvolɛ Kpanyinli ne alie ne anwo, na ɔdɛnlanle sinzavolɛma ne mɔ anwo ɛkɛ ɔdele senle.

Edwɛkpa ne kɛmɔ Maake hɛlɛle la 14:66

Pita de alie ne anwo la Sɛlɛvolɛ Kpanyinli ne sonvolɛ bɛlɛra ko rale ɛkɛ.

Edwɛkpa ne kɛmɔ Maake hɛlɛle la 15:16

Sogyama ne vale Gyisɛse hɔle Amɛnlado ne suakunlu ɛkɛ ne na bɛvɛlɛle bɛ ekpunli ne anu amra bɛmanle bɛrayiale.

Edwɛkpa ne kɛmɔ Luku hɛlɛle la 22:55

Ɛnee menli bie ɛwuda senle wɔ suakunlu ɛkɛ ne na bɛde nwolɛ, na Pita hɔdɛnlanle bɛ nwo ɛkɛ ne.

Edwɛkpa ne kɛmɔ Luku hɛlɛle la 3:2

Mekɛ ne anu ɛnee Anase nee Kayafase a le sɛlɛvolɛ mgbanyinli wɔ Yizilayɛ a, na Nyamenle edwɛkɛ ne razile Zɛkalaya ara Dwɔn anwo zo wɔ fienemgbole ne anu.

Dw 11:57

Sɛlɛvolɛ mgbanyima ne nee Falasiima ɛva ɛdo gua kɛ saa awie biala ze ɛleka mɔɔ Gyisɛse vea la a, ɔraha, amaa bɛahɔhye ye.

Dw 18:24

Anase akee manle bɛvale ye, kɛmɔ bɛkyekyele ye bɛ nee ye rale ala la, bɛhɔmanle Kayafase, mɔɔ ɛvolɛ ne anu ɔle Sɛlɛvolɛ Kpanyinli la.

Dw 18:28

Bɛvale Gyisɛse bɛvile Kayafase sua nu na bɛ nee ye hɔle Wulomu amɛnlado ne suakunlu; ɛnee asɛɛ maanle nu ɛtete. Dwuuma ne angɔ amɛnlado ne suakunlu ɛkɛ ne bie, ɔboalekɛ ɛnee bɛkulo kɛ bɛsie bɛ nwo bɔkɔbɔkɔ, kɛmɔ bɛ ɛzonlenlɛ ne kile la, amaa bɛanyia adenle bɛali Akpabɛnwo Ɛvoyia aleɛ ne bie.