Edwɛkpa ne kɛmɔ Mateyu hɛlɛle la 26:12 - BAEBOLO ANZƐƐ BULUKU NWUANZANWUANZA

¹² Nwole ɛhye mɔɔ yewola yegua me nwo la, yeva yeziezie me wɔ me ɛzielɛ nu.

Edwɛkpa ne kɛmɔ Mateyu hɛlɛle la 26:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 50:2

Na Dwosefi zele ye ninsinlima kɛ bɛva ayile bɛkpokpa ɔ ze funli ne, amaa yeanzɛkye. Yemɔti ninsinlima ne yɛle Gyekɔbo funli ne zɔhane.

2 Edk 16:14

Bɛwulale ye mrɛlatɛlɛ nu wɔ bolɛ nla bie mɔɔ ɔdaye ɔpɛle ɔmanle ɔ nwo wɔ Devidi Suakpole zo la anu. Bɛdole ye ngɛnlamo funli ɛlɛka bie mɔɔ bɛva alufuanlɛ ngakyile mɔɔ menli mɔɔ ze ɔ nye zo la boɔboale yɛle la anu na bɛhuanle sendɔlɔra kpole bie bɛvale bɛhakyele ye.

Edwɛkpa ne kɛmɔ Maake hɛlɛle la 14:8

Yeyɛ mɔɔ ɔkɛhola la; yewola anatele ye yegua me sonlabaka ye anwo yeva yeziezie ye kolaa na bɛazie ye.

Edwɛkpa ne kɛmɔ Maake hɛlɛle la 16:1

Ɛnwomenlelielɛ Kenle ne pɛle nu la, Mɛle mɔɔ vi Magedala, nee Salome, yɛɛ Mɛle mɔɔ le Gyemise ɔ nli ne totɔle nyile ngakyile mɔɔ bɛfa bɛyɛ alufuanlɛ la, kɛ bɛfa bɛahɔwɔza Gyisɛse funli ne.

Edwɛkpa ne kɛmɔ Luku hɛlɛle la 23:56

Akee bɛziale bɛhɔle sua nu bɛhɔkpondɛle alufuanlɛ nee sakyeɛ evuanlɛ mɔɔ bɛfa bɛakpokpa funli ne la. Akee bɛliele bɛ ɛnwomenle wɔ Ɛnwomenlelielɛ Kenle ne, kɛmɔ mɛla ne se la.

Dw 12:7

Na Gyisɛse zele kɛ, “Bɛgyakyi raalɛ ne! Me ɛzielɛ ti a yeyɛ ɛhye a.