Edwɛkpa ne kɛmɔ Mateyu hɛlɛle la 24:9 - BAEBOLO ANZƐƐ BULUKU NWUANZANWUANZA

⁹ “Akee bɛbahye bɛ na bɛahɔye bɛ bɛamaa bɛadea bɛ na bɛahu bɛ. Aleɛabo amra amuala bakpɔ bɛ wɔ me ti.

Edwɛkpa ne kɛmɔ Mateyu hɛlɛle la 24:9 ပူးပေါင်းရင်းမြစ်များ

Mrɛlɛbulɛ Buluku ne 29:27

Sonla mɔɔ le tenlene la kyibadeɛ a le sonla mɔɔ ɛnli boɛ la, yɛɛ mɔɔ ye ɛbɛlabɔlɛ ne le fɔɔnwo la le kyibadeɛ maa amumuyɛnli.

Daneɛle Buluku ne 11:33

Bɛdabɛ mɔɔ bɛze nrɛlɛbɛ mɔɔ bɛwɔ Nyamenle menli ne anu la bayɛ toonwo bɛamaa menli dɔɔnwo anyia ndelebɛbo, noko bie mɔ badɔ dadeɛ nloa, bɛbayela bie mɔ, bɛbahye bie mɔ nuokɛ, bɛawua bie mɔ anwo ninyɛne mekɛ dɔɔnwo anu.

Edwɛkpa ne kɛmɔ Mateyu hɛlɛle la 22:6

bɛdabɛ mɔɔ bɛhale la, bɛhyele sonvolɛma ne mɔ bɛzale bɛ na bɛhunle bɛ.

Edwɛkpa ne kɛmɔ Mateyu hɛlɛle la 23:34

Ɛhye ala ati yɛɛ melɛsoa Nyamenle kpɔmanvolɛma, nrɛlɛbɛvolɛma, yɛɛ kilehilevolɛma wɔ bɛ nwo a; noko bɛbahu bie mɔ, bɛbabɔ bie mɔ meanubaka nu, bɛbabo bie mɔ wɔ bɛ nyianu azua ne mɔ anu, na bɛayɛ bie mɔ kpɔdekpɔde wɔ bɛ azua ne mɔ azo.

Edwɛkpa ne kɛmɔ Luku hɛlɛle la 11:49

Ɛhye ati a Nyamenle Nrɛlɛbɛ ne hanle la, ɔse: ‘Bɛbayɛ Nyamenle kpɔmanvolɛma nee bɛdabɛ mɔɔ mebazoa bɛ wɔ bɛ nwo la kpɔdekpɔde na bɛahu bie mɔ.’

Edwɛkpa ne kɛmɔ Luku hɛlɛle la 21:12

Bɛbahyehye bɛ, bɛayɛ bɛ kpɔdekpɔde, bɛbaye bɛ bɛamaa bɛali bɛ edwɛkɛ wɔ bɛ nyianu azua ne mɔ anu na bɛagua bɛ efiade; bɛbava bɛ bɛahɔgyinla arelemgbunli nee maanle mgbanyima nyunlu wɔ me ti kolaa na ɛhye mɔ asisi.

Dw 15:18

“Bɛhakye kɛ saa ɛtane ewiade ye kpɔ bɛ a, ɛnee bɛnwu ye kɛ yelumua yekpɔ me.

Dw 15:21

Bɛbayɛ bɛ ɛhye mɔ amuala ɔboalekɛ bɛmɛ, bɛle me ɛdeɛ, na ɛtane ewiade ɛnze mɔɔ zoanle me la.

Dw 16:2

Bɛbaye bɛ ali bɛavi bɛ nyianu azua ne mɔ anu. Mekɛ bara mɔɔ awie biala mɔɔ kɛhu bɛ nuhua bie la badwenle kɛ ɔlɛyɛ ye Nyamenle gyima.

Ɛzoanvolɛma Gyima ne 28:22

Na yɛkulo kɛ yɛtie wɔ adwenle. Mɔɔ yɛze ye ɛke la a le kɛ, zɛhae fane ye mɔɔ ɛwɔ nu la, awie biala tendɛ tia ye.”

Ɛzoanvolɛma Gyima ne 7:59

Mɔɔ bɛlɛsi Sitivin awolɛ la ɛnee ɔ ne la nu ɔlɛtea ɔfɛlɛ Awulae kɛ, “Awulae Gyisɛse, die me ɛkɛla!”

1 Pit 4:16

Na saa awie le Kelaese ɛdoavolɛ la ati ɔnwu amaneɛ a, ɔmmamaa ɔyɛ ye nyiane, na ɔyɛ Nyamenle mo kɛ ɔlɛ Kelaese duma ne anu a.

Yekile 2:10

Mmasulo debie biala mɔɔ bɛbayɛ wɔ la. Tie, Abɔnsam ne bamaa bɛagua bɛ bie mɔ efiade, bɛazɔ bɛ bɛanlea, na bɛanwu amaneɛ dedee kenle bulu. Noko di nɔhalɛ maa me, bɔbɔ kɔdwu ewule nu, na mebabɔ wɔ ngoane abɔtile.

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.

Yekile 7:14

Membuale ye kɛ, “Yɛmenle, ɛdawɔ yɛɛ ɛze a.” Na ɔzele me kɛ, “Menli ɛhye mɔ a le bɛdabɛ mɔɔ bɛho bɛdɔ zolɛ wɔ amaneɛnwunlɛ kpole ne anu la. Bɛkpole bɛ adɛladeɛ ne mɔ nwohyee wɔ Boaneralɛ ne mogya ne anu.