Edwɛkpa ne kɛmɔ Mateyu hɛlɛle la 24:7 - BAEBOLO ANZƐƐ BULUKU NWUANZANWUANZA

⁷ Maanle nee maanle baho atia bɛ nwo, arelemgbunli badwazo arelemgbunli nwo zo, sane bara, yɛɛ azɛlɛ bakpusu ɛleka muala.

Edwɛkpa ne kɛmɔ Mateyu hɛlɛle la 24:7 ပူးပေါင်းရင်းမြစ်များ

2 Edk 15:6

Bɛ nuhua kpakyekpakyele, maanle honle tiale maanle, suakpole honle tiale suakpole, ɔluakɛ ɛnee Nyamenle ɛva ngyegyelɛ ɛrado bɛ avinli.

Ayezaya Buluku ne 19:2

Ɛdɛnkɛma se, “Mebamaa Yigyibitima angome adwazo atia bɛ nwo, adiema nee adiema baho, agɔnwolɛ badwazo agɔnwolɛ nwo zo, suakpole nee suakpole baho, na arelemgbunli adwazo arelemgbunli nwo zo.

Ayezaya Buluku ne 29:6

Tumivolɛ Ɛdɛnkɛma bava ɛnelɛ kpole, ɛhululɛ nee azɛlɛkpusulɛ aralie wɔ. Ɔbara kɛ ahumuakyima nee ahumu kpole, yɛɛ sendɔlɔra senle la.

Yizikeɛle Buluku ne 14:21

Awulae Nyamenle ne se, “Na saa akee mefa me ndeanlɛ fane nna ɛhye mɔ: konle, ɛhɔne, nanemgbole mɔɔ di menli, yɛɛ ewulenzane megua Gyɛlusalɛmma anwo zo, kɛ mefa meaminli menli nee nyɛmoa abo zo ɛ!

Yizikeɛle Buluku ne 21:27

Munzule o, munzule! Mebamaa munzule ado suakpole ne na meayɛ ye suadu. Noko ɛhye ɛnrɛzi, kyesɛ ahenle mɔɔ ɔle ye ɛdeɛ la ba, na yemɔ yɛɛ mebava meamaa ye a.

Zɛkalaya Buluku ne 14:13

Mekɛ ne anu Ɛdɛnkɛma bamaa sulosulo adɔ bɛ nwo na bɛ nye zo ada bɛ, amaa bɛadwazo bɛdabɛ bɛ ngome bɛ nwo zo ngoko ngoko.

Edwɛkpa ne kɛmɔ Luku hɛlɛle la 21:11

Azɛlɛ bakpusu, ɛhɔne nee ewule ngakyile bara ɛleka dɔɔnwo, sɛkɛlɛneɛ mgbole nee ninyɛne ɛzulolɛ ngakyile basisi anwomanyunlu.

Ɛzoanvolɛma Gyima ne 11:28

Bɛ nuhua ko mɔɔ bɛfɛlɛ ye Agabɛse la dwazole luale Sunsum ne tumi ne azo hanle dole ɛkɛ kɛ ɛhɔne kpole bie bara ewiade amuala. (Ɛhye yɛle zɔhane wɔ Maanle Maanle Belemgbunli Kolɔdeɛse mekɛ zo.)

Ɛzoanvolɛma Gyima ne 2:19

Mebayɛ nwanwane ninyɛne wɔ anwomanyunlu na meayɛ sɛkɛlɛneɛ wɔ azɛlɛ ye azo. Bɛbanwu mogya, senle, yɛɛ esike mungumungu.

Kɛlata mɔɔ bɛhɛlɛle bɛhɔmanle Hibuluma la 12:27

Edwɛkɛ kpɔkɛ ɛhye, “eza bieko” ne kile kɛ abɔdeɛ muala bakpusu na bɛadudu bɛ bɛavi ɛkɛ, na mɔɔ kɛhola kɛgyinla na ɔ bo andu la baha ɛkɛ.

Yekile 6:12

Eza menwunle kɛ Boaneralɛ ne ɛwaye ɛyɛlɛ ne mɔɔ tɔ zolɛ nsia la. Na nea, azɛlɛ kpusule kpole bie, na sɛnzɛne ne yɛle bile kɛ ɛdanlɛ dokyi anzɛɛ bilizi, na siane ne yɛle kɔkɔlɛ yɔɔnwo kɛ mogya.

Yekile 6:5

Boaneralɛ ne akee wayele ɛyɛlɛ ne mɔɔ tɔ zolɛ nsa la, na mendele kɛ tease abɔdeɛ ne mɔɔ tɔ zolɛ nsa la se, “Bɛla!” Na menwunle kɛ sonla lɛ tone ɔ sa nu na ɔde ɛkpɔnwɔ bile bie azo ɔlɛba.

Yekile 6:6

Akee mendele debie mɔɔ le kɛ ɛnelɛ la wɔ tease abɔdeɛ nna ne mɔ anwo lɔ, ɔse, “Bɛbadɔ hwiiti ‘litili’ ko etaku nna, yɛɛ bɛbadɔ baale ‘litili’ nsa etaku nna. Na anrɛɛ bɛmmasɛkye nwole nee nwanye!”

Yekile 6:8

Meneanle, na menwunle sonla bie mɔɔ bɛfɛlɛ ye Ewule, kɛ ɔde ɛkpɔnwɔ nzonle bie azo ɔlɛba. Ɛbolɔ li ɔ nzi ɛkɛ ne ala. Bɛhyɛle azɛlɛ ye anu nna na bɛmanle bɛ tumi kɛ bɛva dadeɛ, ɛhɔne, anwonyane nee nanemgbole bɛhu menli mɔɔ wɔ ko azo la amuala.