Edwɛkpa ne kɛmɔ Mateyu hɛlɛle la 24:4 - BAEBOLO ANZƐƐ BULUKU NWUANZANWUANZA

⁴ Gyisɛse buale bɛ kɛ, “Bɛnlea boɛ na awie ambɛlɛbɛla bɛ amminli bɛ.

Edwɛkpa ne kɛmɔ Mateyu hɛlɛle la 24:4 ပူးပေါင်းရင်းမြစ်များ

Gyɛlɛmaya Buluku ne 29:8

Tumivolɛ Ɛdɛnkɛma, Yizilayɛ Nyamenle ne se: Bɛmmamaa bɛ Nyamenle kpɔmanvolɛma nee bɛ menli mɔɔ tendɛ nwomenle nloa azo mɔɔ wɔ bɛ avinli la bɛlɛbɛla bɛ, yɛɛ bɛmmatie bɛ ɛlalɛ mɔɔ bɛka la;

Gyɛlɛmaya Buluku ne 37:9

Medame Ɛdɛnkɛma, mese: Bɛmmabɛlɛbɛla bɛ nwo bɛdwenle kɛ Babeloniama ne mɔ ɛnrɛra; bɛbara.

Edwɛkpa ne kɛmɔ Maake hɛlɛle la 13:22

Ɔluakɛ Mɛzayama nee Nyamenle kpɔmanvolɛma alane dɔɔnwo bara. Bɛbaye ngonyia, bɛayɛ nwanwane ninyɛne mgbole kɛ bɛfa bɛabɛlɛbɛla Nyamenle menli ne mɔɔ yekpa nu yeye bɛ la saa ɔkɛyɛ boɛ a.

Edwɛkpa ne kɛmɔ Luku hɛlɛle la 21:8

Gyisɛse zele kɛ, “Bɛnlea boɛ; bɛmmamaa bɛbɛlɛbɛla bɛ. Ɔluakɛ menli dɔɔnwo balua me duma nu ara na bɛaraze bɛ kɛ, ‘Mame a mele Kelaese ne a,’ na eza bɛaha kɛ, ‘Mekɛ ne ɛbikye.’ Na bɛmmatoa bɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:3

Saa awie bu ɔ nwo noko ɔndo ɛhwee a, ɛnee ɔlɛbɛlɛbɛla ɔ nwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14

Ɛnee akee yɛnle ngakula bieko mɔɔ adalɛma fa bɛ ngilehilelɛ nee agyiba ne mɔ mɔɔ bɛfa bɛtwe menli bɛkɔ ɛtane nu la bɔ yɛ kɔ ba kɛ selɛkye nee anwoma la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:6

Bɛmmamaa awie fa adubɛnloanu bɛlɛbɛla bɛ; ɔboalekɛ ɔlua ninyɛne zɛhae mɔ ati yɛɛ Nyamenle ɛya ne ba menli mɔɔ ɛndie ye edwɛkɛ la anwo zo a.

Kɔlɔ 2:18

Menli bie wɔ ɛkɛ mɔɔ bɛdie bɛdabɛ bɛ ngome bɛ nwo bɛdi, bɛdwenle anwoazehanlɛ nee anwuma soanvolɛma ɛzonlenlɛ nwo, na bɛfa ye kɛ ɛnyelɛzodeɛnwunlɛ le debie mɔɔ hyia tɛla zolɛ; menli zɛhae mɔ fa bɛ ewiade adwenle ne tu bɛ nwo mɔɔ ndelebɛbo biala ɛnle nu a. Bɛmmamaa menli zɛhae mɔ adenle bɛmaa bɛsɛkye bɛ adwenle, kɛ asɛɛ mɔɔ bɛmɛ bɛlɛyɛ la bɛnyɛ ye boɛ.

Kɔlɔ 2:8

Bɛnlea boɛ na awie anva mɛlɛbɛla nee adalɛ nrɛlɛbɛ mɔɔ bɛlua ewiade amaamuo zo bɛhyehyɛ, nee mɔɔ vi awozinli ewiade ye sunsum nu tumima ɛkɛ ne na ɔnvi Kelaese ɛkɛ ne la anyɛ bɛ ngɛkɛlɛ.

2 Tɛs 2:3

Bɛmmamaa awie biala bɛlɛbɛla bɛ wɔ adenle biala anu. Ɔluakɛ Kenle ne ɛnrɛra kyesɛ “Atuadelɛ” ɛra zolɛ kpalɛ na mɛladonlɛ ɛhakyi ɔ nwo “Amumuyɛnli” ne mɔɔ bɛbabua ye ewule fɔlɛ la ɛra.

1 Dw 4:1

Ayi mɔ, bɛmmadie sunsum ne mɔ amuala bɛdi, bɛzɔ bɛ bɛnlea na bɛnwu sunsum ne mɔɔ vi Nyamenle ɛkɛ ne la. Ɔluakɛ Nyamenle kpɔmanvolɛma adalɛ dɔɔnwo ɛdwazo ewiade ye anu.