Edwɛkpa ne kɛmɔ Mateyu hɛlɛle la 22:9 - BAEBOLO ANZƐƐ BULUKU NWUANZANWUANZA

⁹ Yemɔti bɛhɔ awɔdenle ne mɔ azo na menli dɔɔnwo biala mɔɔ bɛkɛnwu bɛ la bɛvɛlɛ bɛ muala bɛmaa bɛrɛla atɔfolɛlielɛ ye abo.’

Edwɛkpa ne kɛmɔ Mateyu hɛlɛle la 22:9 ပူးပေါင်းရင်းမြစ်များ

Yizikeɛle Buluku ne 21:21

Babelonia belemgbunli ne bagyinla nwɔnda ne azo, wɔ ndenle nwiɔ ne ati, na yeabiza nwolɛ, ɔbabili ye ɛda mbaka ne mɔ, yeado yeabiza ye amonle ne, na yeanlea nane ne mɔɔ bɛhu ye la ɛvovoa.

Obadaya Buluku ne 1:14

Anrɛɛ ɔnle kɛ bɛsia bɛ adenle nu, bɛtua menli mɔɔ nriandi la adenle. Anrɛɛ ɔnle kɛ bɛye bɛ bɛmaa na bɛmaa bɛnwu amaneɛ.

Edwɛkpa ne kɛmɔ Mateyu hɛlɛle la 20:7

Bɛbuale ye kɛ, ‘Ɔboalekɛ awie biala ɛtɛbɔle yɛ ɛkpa.’ Na ɔzele bɛ kɛ, ‘Ɛnee bɛdabɛ noko bɛhɔyɛ gyima wɔ me vanye egyinli ne anu.’

Edwɛkpa ne kɛmɔ Mateyu hɛlɛle la 22:10

Zɔhane ati sonvolɛma ne hɔle awɔdenle ne mɔ azo hɔsesale bɛdabɛ mɔɔ bɛnwunle bɛ la kɔsɔɔti, menli mɔɔ le kpalɛ nee bɛdabɛ mɔɔ bɛnle kpalɛ la amuala, na bɛvale bɛ bɛrayile atɔfolɛlielɛ sua ne tɛkɛɛ.

Edwɛkpa ne kɛmɔ Mateyu hɛlɛle la 22:8

Akee ɔzele ye sonvolɛma ne kɛ, ‘Bɛwie atɔfolɛ aleɛ ye siezie, noko bɛdabɛ mɔɔ bɛyieyiale bɛ la anwo anfɛta.

Edwɛkpa ne kɛmɔ Luku hɛlɛle la 24:47

Akee bɛbɔ ɔ bo wɔ Gyɛlusalɛm ɛke bɛva me duma bɛbɔ anlubɛnwo nolo bɛhile maanle maanle kɔsɔɔti, na saa bɛdie bɛdi a, Nyamenle ava bɛ ɛtane ahyɛ bɛ.

Ɛzoanvolɛma Gyima ne 13:47

Ɔluakɛ Awulae zele yɛ kɛ, ‘Meyɛ bɛ kɛ kɛnlaneɛ memaa bɛdabɛ mɔɔ bɛnle Dwuuma la, amaa aleɛabo amra amuala anyia ngoane.’ ”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Yekile 22:17

Na Sunsum ne nee Atɔfolɛ ne se, “Bɛla!” Awie mɔɔ kɛde la ɔdaye ɔha kɛ, “Bɛla!” Bɛdabɛ mɔɔ nzuhɔne ɛlɛku bɛ la, bɛrɛla bɛralie nzule mɔɔ maa ngoane la bɛnlo. Ɔle ahyɛlɛdeɛ, bɛndɔ. Bɛdabɛ mɔɔ bɛkulo la, bɛranlo bie.