Edwɛkpa ne kɛmɔ Mateyu hɛlɛle la 22:7 - BAEBOLO ANZƐƐ BULUKU NWUANZANWUANZA

⁷ Mɔɔ belemgbunli ne dele ɛhye la ɔvale ɛya, ɔzoanle ye ɛlɔnema ɔmanle bɛhɔhunle ahɔdiawu ne mɔ na bɛyelale bɛ suakpole ne.

Edwɛkpa ne kɛmɔ Mateyu hɛlɛle la 22:7 ပူးပေါင်းရင်းမြစ်များ

Daneɛle Buluku ne 9:26

Mekɛ zɔhane anzi bɛbahu sonla ne mɔɔ bɛkpokpa ye nwole la atisesebɛ nu. Na belemgbunli holɛ ko ne mɔɔ bara la ɛlɔnema ne bazɛkye suakpole ne nee ɛleka nwuanzanwuanza ne. Ye awieleɛ bara kɛ azuyilɛ na nzinlii yeawie konle. Ninyɛne dɔɔnwo bazɛkye, kɛmɔ Nyamenle ɛhyehyɛ la.

Dwowɛle Buluku ne 2:11

Ɛdɛnkɛma tendɛ ɛsesebɛ zo kile ye ɛlɔne ne. Ɔluakɛ ye ɛlɔne ne le kpole; mɔɔ di ye mɛla zo la anwo yɛ ɛzulolɛ. Ɔluakɛ Ɛdɛnkɛma kenle ne le kpole, ɔyɛ ɛzulolɛ. Nwane a kɛhola gyinla a?

Dwowɛle Buluku ne 2:25

Ɛvolɛ dodo ma mɔɔ abɛbɛ ne mɔ lile la mebava ɔ muala meamaa bɛ. Abɛbɛ bɛnyebɛnye, sɛkyera nee mɔɔ pɛ ma ne mɔ la, ɛlɔne kpole ne, medame a menzoanle ɛlɔne ɛhye bɛ nwo zo a.

Dwowɛle Buluku ne 3:2

mebaboɔboa maanle maanle kɔsɔɔti anloa na me nee bɛ ahɔ Ndɛnebualɛ Bɔnza ne anu. Ɛkɛ ne yɛɛ mebabua bɛ ndɛne wɔ mɔɔ bɛva bɛyɛ me menli nee me agyadeɛ Yizilayɛma la ati. Bɛbɔ Yizilayɛma asande bɛgua maanle maanle zo, na bɛhyɛ me azɛlɛ ne bɛva.

Edwɛkpa ne kɛmɔ Mateyu hɛlɛle la 22:6

bɛdabɛ mɔɔ bɛhale la, bɛhyele sonvolɛma ne mɔ bɛzale bɛ na bɛhunle bɛ.

Edwɛkpa ne kɛmɔ Mateyu hɛlɛle la 22:8

Akee ɔzele ye sonvolɛma ne kɛ, ‘Bɛwie atɔfolɛ aleɛ ye siezie, noko bɛdabɛ mɔɔ bɛyieyiale bɛ la anwo anfɛta.

Edwɛkpa ne kɛmɔ Luku hɛlɛle la 19:27

Akee me agbɔvolɛ ne mɔ mɔɔ se bɛngulo kɛ medi bɛ belemgbunli la, bɛva bɛ bɛrɛla bɛrahu bɛ wɔ me nyunlu ɛke!’ ”

Edwɛkpa ne kɛmɔ Luku hɛlɛle la 21:21

Saa ɔba ye zɛhae a, bɛdabɛ mɔɔ bɛwɔ Dwudiya la ɛnriandi ɛhɔ awoka ne mɔ azo lɔ; bɛdabɛ mɔɔ bɛwɔ suakpole ne azo la ɔwɔ kɛ fi ɛkɛ, yɛɛ bɛdabɛ mɔɔ bɛhɔ namule nu la mmaba suakpole ne azo.

Edwɛkpa ne kɛmɔ Luku hɛlɛle la 21:24

Bie mɔ badɔ dadeɛ nloa, bɛbahye bie mɔ nuokɛ bɛ nee bɛ ahɔ maanɔne; menli mɔɔ ɛnze Nyamenle la barava Gyɛlusalɛm azɛlɛ ye adɛnla zo kɔkpula kɛ bɛ mekɛ kɛdwu la.

1 Tɛs 2:16

Bɛbɔle mɔdenle kɛ bɛtua yɛ mɔɔ yɛnga Edwɛkpa ne yɛngile bɛdabɛ mɔɔ bɛnle Dwuuma la, amaa bɛtie a bɛanyia ngoane. Bɛyɛle ɛhye bɛmanle bɛ ɛtane ne mɔ akee yɛle kpole. Na kɛkala, Nyamenle ɛya ne wɔ bɛ nwo zo.