Edwɛkpa ne kɛmɔ Mateyu hɛlɛle la 22:5 - BAEBOLO ANZƐƐ BULUKU NWUANZANWUANZA

⁵ Na bɛbule bɛ nye bɛguale zolɛ na bɛhɔle bɛ gyima: bie hɔle ye ɛya nu, yɛɛ bie hɔle ye gualilɛ,

Edwɛkpa ne kɛmɔ Mateyu hɛlɛle la 22:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:14

Yemɔti Lɔɔto vindele nɔe ne hɔdunwuele ɔ mra mraalɛ ne mɔ bɛ hu mɔ mɔɔ baragya bɛ la, na ɔzele bɛ kɛ, “Bɛdwazo, bɛvi suakpole ye azo bɛye bɛ nwo, ɔluakɛ Ɛdɛnkɛma ɛlɛba arazɛkye suakpole ye.” Noko bɛdwenlenle kɛ ɔlɛbɔ nzɛmedɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 25:34

Akee Gyekɔbo manle Yisɔ kpanwo nee aluba kɔkɔlɛ tolo ne bie. Yisɔ lile kpanwo ne, ɔnlonle tolo ne, ɔnlonle nzule ɔguale zolɛ na ɔdwazole ɔhɔle. Ɛnee kɛ ɔyɛle mɔɔ Yisɔ kpole ye awolɛ nu gyinlabelɛ la ɛne.

Mrɛlɛbulɛ Buluku ne 1:7

Ɛdɛnkɛma ɛzulolɛ le adwenle nu ɛbukelɛ mɔlebɛbo, ahoasea kyi nrɛlɛbɛ edwɛkɛ nee ngilehilelɛ.

Edwɛkpa ne kɛmɔ Mateyu hɛlɛle la 13:22

Ma ne mɔɔ guale mbowule nu la gyi ɛkɛ maa menli mɔɔ tie edwɛkɛ ne noko aleɛabo ɛbɛlabɔlɛ nwo adwenleadwenle nee anwonyia ɛhulolɛ nwo adwenle fo edwɛkɛ ne azo, na bɛnzo ma la.

Edwɛkpa ne kɛmɔ Mateyu hɛlɛle la 22:4

Eza ɔzoanle sonvolɛma fofolɛ na ɔzele bɛ kɛ bɛze menli mɔɔ yeyieyia bɛ la kɛ, ‘Medo me aleɛ ne mewie, mehu me nlankɛ nee me nane mɔɔ ɛlɔ la mewie; bɛwie debie biala siezie na bɛrɛla atɔfolɛlielɛ ne abo.’

Edwɛkpa ne kɛmɔ Mateyu hɛlɛle la 22:6

bɛdabɛ mɔɔ bɛhale la, bɛhyele sonvolɛma ne mɔ bɛzale bɛ na bɛhunle bɛ.

Dw 2:16

na ɔzele bɛdabɛ mɔɔ bɛtɔne mɔlɔnoma ne la kɛ, “Bɛva bɛ bɛvinde! Bɛmmafa Egya sua ne bɛyɛ gua nu!”

Ɛzoanvolɛma Gyima ne 2:13

Na bie mɔ golole bɛ nwo na bɛzele kɛ, “Menli ɛhye mɔ ɛbo nza.”

Ɛzoanvolɛma Gyima ne 24:25

Pɔɔlo noko hɔle zolɛ, na mɔɔ ɔka boɛlilɛ, bɛ nwo zo ɛhomonlɛ, yɛɛ Ndɛnebualɛ Kenle ne mɔɔ bara la anwo edwɛkɛ la, Filekese ahonle dule na ɔzele kɛ, “Yeyɛ boɛ, kɔ. Saa menyia alagye a mebazoa meamaa bɛarava wɔ bieko.”

Wulo 2:4

Anzɛɛ ɛmbu ye kpalɛyɛlɛ totohyia ne nee ye abotane ne bie ɔ? Ɛnze kɛ Nyamenle atiakunlukɛnlɛmayɛlɛ ne wɔ ɛkɛ ne, ɔlɛkile wɔ yeamaa wɔanlu ɛ nwo ɔ?

Wulo 8:6

Saa ɛmaa nwonane nu adwenleadwenle keda ɛ nwo zo a, ɔwie ewule; yɛɛ saa ɛmaa Sunsum nu adwenleadwenle keda ɛ nwo zo a, ɔwie ngoane nee anzonudwolɛ.

2 Tem 3:4

bɛbaye bɛ gɔnwo mɔ bɛamaa, bɛbayɛ mgbaha na bɛ ti anu ayɛ bɛ fɛ; bɛbahulo anyelielɛ bɛadɛla Nyamenle,

Kɛlata mɔɔ bɛhɛlɛle bɛhɔmanle Hibuluma la 2:3

Na saa yɛanzɔ ngoanelielɛ kpole mɔɔ le zɛhae la anu a, ɛnee kɛ ɔkɛyɛ na yɛavi ɛsalɛ ɛ? Awulae mumua ne lumuale bɔle ngoanelielɛ ɛhye anwo nolo, yɛɛ bɛdabɛ mɔɔ bɛdiele ye la ɛhile ɛmaa yɛnwu kɛ ɔle nɔhalɛ.

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.