Edwɛkpa ne kɛmɔ Mateyu hɛlɛle la 22:3 - BAEBOLO ANZƐƐ BULUKU NWUANZANWUANZA

³ Ɔzoanle ye sonvolɛma kɛ bɛhɔvɛlɛvɛlɛ bɛdabɛ mɔɔ ɔdole ɛsalɛ ɔvɛlɛle bɛ la kɛ bɛrɛla atɔfolɛlielɛ ne abo, na bɛamba.

Edwɛkpa ne kɛmɔ Mateyu hɛlɛle la 22:3 ပူးပေါင်းရင်းမြစ်များ

Edwɛndolɛ Buluku ne 68:11

Awulae dendɛle tumi nu; na menli mɔɔ vale edwɛkɛ ne hɔle la zonle.

Ayezaya Buluku ne 30:15

Awulae Nyamenle, Yizilayɛ Nwuanzanwuanza Ko ne se, “Saa bɛsia bɛ nzi bɛba me ɛkɛ bɛbadie bɛ ɛnwomenle a, bɛkɛlie bɛ. Saa bɛfa bɛ rɛle bɛwula me nu na bɛsie bɛ nwo diinyi a, bɛkɛnyia anwosesebɛ.” Noko bɛnrɛra!

Gyɛlɛmaya Buluku ne 25:4

Ɛdɛnkɛma soa ye kpɔmanvolɛma la ɛnee ɔsoa bɛ, noko bɛangyea bɛ nzo kɛ bɛtie.

Gyɛlɛmaya Buluku ne 35:15

Mezoa me sonvolɛma, Nyamenle kpɔmanvolɛma bɛ nwo mekɛ dɔɔnwo kɛ bɛraze bɛ kɛ, ‘Bɛgyakyi nyɛleɛ ɛtane ɛtane ne mɔ; awie biala ɛhakyi ye subane. Bɛmmakɔdi nyamenle gyɛne gyɛne nzi bɛsonle bɛ, na bɛkɛdɛnla azɛlɛ ne mɔɔ menvale memanle bɛ nee bɛ ze mɔ la azo.’ Noko bɛandie me ne.

Hozia Buluku ne 11:2

Na fane dɔɔnwo mɔɔ menvɛlɛle ye la, fane dɔɔnwo ɔhwenle ɔ nwo ɔvile me nwo. Me menli ne bɔle azu manle awozonle Beeyale ne mɔ na bɛkpunle ɛyɛlɛ bɛmanle mmonle.

Hozia Buluku ne 11:7

Me menli ne gyi zolɛ ɛsesebɛ kɛ bɛte bɛ nwo bɛavi me nwo. Yemɔti bɛva kpomgbolo bɛgua bɛ kɔme, na bɛnrɛnyia awie ɛnrɛye ɛnrɛmaa bɛ.

Zɛfanaya Buluku ne 1:7

Bɛyɛ koonwu wɔ Awulae Nyamenle ne anyunlu, ɔluakɛ Ɛdɛnkɛma kenle ne ɛbikye. Ɛdɛnkɛma ɛde menli mɔɔ yevɛlɛ bɛ la anwo, yeboɔboa azubɔlɛ ninyɛne ne anloa yezie ɛkɛ.

Edwɛkpa ne kɛmɔ Mateyu hɛlɛle la 21:34

Ɛbuhenle ne dwule la, ɔzoanle ye sonvolɛma bie mɔ kɛ bɛhɔ bɛhɔlie ye ɛkpɔ ɛdeɛ ne bɛrɛlɛ ye.

Edwɛkpa ne kɛmɔ Mateyu hɛlɛle la 23:37

“Gyɛlusalɛm, O Gyɛlusalɛm! Mɔɔ ɛku Nyamenle kpɔmanvolɛma, ɛsi menli mɔɔ Nyamenle ɛzoa bɛ wɔ ɛ nwo la awolɛ a! Fane dɔɔnwo yɛɛ mehulo kɛ anrɛɛ menwɔva me sa menwɔbɛla wɔ menli ne amuala kɛ akɔlɛ ɛdane butu ɔ mra anwo zo la, noko wɔammaa me adenle.

Edwɛkpa ne kɛmɔ Mateyu hɛlɛle la 3:2

“Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Mateyu hɛlɛle la 9:15

Gyisɛse buale bɛ kɛ, “Bɛdwenle kɛ saa atɔfolɛ nrenya ne wɔ ɛkɛ a, ɔ gɔnwo mɔ mɔɔ ɛra atɔfolɛlielɛ ne abo la kɛli nyane ɔ? Kyɛkyɛ! Noko saa mekɛ dwu na bɛbaye atɔfolɛ nrenya ne wɔ bɛ avinli bɛkɔ a, ɛnee bɔ zo mɔɔ yedwu mɔɔ bɛkye ɛhɔne a.

Edwɛkpa ne kɛmɔ Luku hɛlɛle la 13:34

“Gyɛlusalɛm, O Gyɛlusalɛm! Wɔhu Nyamenle kpɔmanvolɛma ne, wɔzi menli mɔɔ Nyamenle zoanle bɛ ɛ nwo la awolɛ! Fane dɔɔnwo yɛɛ mehulo kɛ anrɛɛ menwɔva me sa menwɔbɛla bɛmɛ Gyɛlusalɛmma kɛ akɔlɛ ɛdane fa ɔ mra fea ɔ ndɛba abo la; na bɛammaa me adenle.

Edwɛkpa ne kɛmɔ Luku hɛlɛle la 15:28

“Ralɛ nrenya kpanyinli ne vale ɛya kpole, yemɔti yeangulo kɛ ɔkɛwolo awuke ne anu. Zɔhane ati ɔ ze vindele rabodole ye kɛ ɔrɛla sua nu.

Edwɛkpa ne kɛmɔ Luku hɛlɛle la 19:27

Akee me agbɔvolɛ ne mɔ mɔɔ se bɛngulo kɛ medi bɛ belemgbunli la, bɛva bɛ bɛrɛla bɛrahu bɛ wɔ me nyunlu ɛke!’ ”

Dw 5:40

Noko akee bɛkpo kɛ bɛnrɛra me nwo ɛkɛ na bɛanyia ngoane.

Ɛzoanvolɛma Gyima ne 13:45

Mɔɔ Dwuuma ne nwunle menli dɔɔnwo ne la, anyebolo dɔle bɛ nwo; bɛdendɛle bɛtiale mɔɔ Pɔɔlo ɛlɛka la, na bɛbɔle bɛ aholoba.

Wulo 10:21

Noko mɔɔ fane Yizilayɛma anwo la Ayezaya hanle kɛ, “Mendenrɛle me sa alehyenlɛ muala kɛ medie menli ne mɔɔ ɛde atua na bɛ nzo yɛ se la, na ɔyɛle mgbane.”

Kɛlata mɔɔ bɛhɛlɛle bɛhɔmanle Hibuluma la 12:25

Zɔhane ati, bɛnlea boɛ, na bɛamkpo kɛ bɛnrɛdie mɔɔ ɛlɛtendɛ la. Bɛdabɛ mɔɔ bɛkpole kɛ bɛnrɛdie mɔɔ hanle Nyamenle anloa edwɛkɛ ne hilele bɛ wɔ azɛlɛ ye azo la, anvi ɛsalɛ. Na saa akee yɛmɛ yɛkpo kɛ yɛnrɛdie mɔɔ tendɛ fi anwuma lɔ kile yɛ la a, kɛ ɔkɛyɛ na yɛavi ɛsalɛ ɛ?

Kɛlata mɔɔ bɛhɛlɛle bɛhɔmanle Hibuluma la 9:15

Ɛhye ati Kelaese a le sonla mɔɔ de ngyekyeleɛ fofolɛ ne abo a, amaa bɛdabɛ mɔɔ Nyamenle ɛvɛlɛ bɛ la anyia ye nyilalɛ ne mɔɔ ɛnlɛ awieleɛ mɔɔ ɔvale ɔbɔle ɛwɔkɛ la bie. Ɛhye kola yɛ zɔhane, ɔboalekɛ bɛha mogya bɛgua, bɛva bɛye menli kɔsɔɔti bɛvi bɛ ɛtane mɔɔ bɛyɛle wɔ mekɛ mɔɔ bɛwɔ alumua ngyekyeleɛ ne abo la anu.

Yekile 22:17

Na Sunsum ne nee Atɔfolɛ ne se, “Bɛla!” Awie mɔɔ kɛde la ɔdaye ɔha kɛ, “Bɛla!” Bɛdabɛ mɔɔ nzuhɔne ɛlɛku bɛ la, bɛrɛla bɛralie nzule mɔɔ maa ngoane la bɛnlo. Ɔle ahyɛlɛdeɛ, bɛndɔ. Bɛdabɛ mɔɔ bɛkulo la, bɛranlo bie.