Edwɛkpa ne kɛmɔ Mateyu hɛlɛle la 21:3 - BAEBOLO ANZƐƐ BULUKU NWUANZANWUANZA

³ Na saa awie biala biza bɛ nwolɛ edwɛkɛ a bɛze ye kɛ, ‘Yɛ Menle ɛhyia bɛ nwo’; na ɔkɛmaa bɛ adenle.”

Edwɛkpa ne kɛmɔ Mateyu hɛlɛle la 21:3 ပူးပေါင်းရင်းမြစ်များ

1 Arl 17:9

“Dwazo kɔ Zalefate mɔɔ wɔ Saedɛn maanzinli nu la kɔdɛnla ɛkɛ. Meyɛ ye kɛ kunlanvolɛ raalɛ bie mɔɔ de ɛkɛ ne maanle ne anu la ɛmaa wɔ aleɛ.”

Ɛzela Buluku ne 1:1

Mekɛ mɔɔ bɛkava Saelɛse bɛazie Pɛhyea Maanle Maanle Belemgbunli la, ɛnee Ɛdɛnkɛma ɛlua ye kpɔmanvolɛ Gyɛlɛmaya anwo zo ɛha edwɛkɛ bie ɛdo ɛkɛ. Zɔhane ati amaa edwɛkɛ ne ayɛ nɔhalɛ la, mɔɔ Saelɛse yɛle Pɛhyea Maanle Maanle Belemgbunli la, ye ɛvolɛ ne mɔɔ lumua la anu, Ɛdɛnkɛma hanle ye ahonle manle ɔvale edwɛkɛ ne ɔdole gua. Saelɛse manle bɛhɛlɛle edwɛkɛ ne wɔ ngɛlata zo bɛhɔle maanle maanle ne mɔ mɔɔ ɔsie bɛ la amuala anu. Edwɛkɛ ne se:

Ɛzela Buluku ne 1:5

Na Dwuda nee Bɛngyaman mbusua ekpunli ne mɔ anu mgbanyima, sɛlɛvolɛma nee Livaema, nee awie biala mɔɔ Nyamenle ɛva ɔ sa ɛha ye ahonle la boɔboale bɛ nwo kɛ bɛkɔ bɛahɔboa Ɛdɛnkɛma Ɛzonlenlɛ Sua ne ɛzilɛ bieko wɔ Gyɛlusalɛm.

Ɛzela Buluku ne 7:27

Na Ɛzela zele kɛ, “Ayɛlɛyelɛ ɛha Ɛdɛnkɛma, yɛ nlenya mɔ Nyamenle ne. Yemaa Maanle Maanle Belemgbunli ne ahonle kpalɛ kɛ ɔli Ɛdɛnkɛma Ɛzonlenlɛ Sua ne mɔɔ wɔ Gyɛlusalɛm la eni wɔ adenle zɛhae anu.

Edwɛndolɛ Buluku ne 24:1

Azɛlɛ ye nee zolɛ debie biala le Ɛdɛnkɛma ɛdeɛ. Ewiade nee menli mɔɔ wɔ nu la amuala le ye ɛdeɛ.

Edwɛkpa ne kɛmɔ Mateyu hɛlɛle la 21:2

na ɔzele bɛ kɛ, “Bɛhɔ namule ne mɔɔ wɔ bɛ nyunlu lɔ la azo na bɛkɛnwu asoaso mɔɔ bɛhenda ye na asoaso ralɛ gyi ɔ nwo ɛkɛ ne la. Bɛzianyi bɛ na bɛva bɛ bɛrɛlɛ me.

Edwɛkpa ne kɛmɔ Mateyu hɛlɛle la 21:4

Ɛhye zile amaa mɔɔ Nyamenle kpɔmanvolɛ ne hanle la ayɛ nɔhalɛ kɛ,

Dw 17:2

Ɔluakɛ wɔmaa ye menli kɔsɔɔti anwo zo tumi, amaa yeava ngoane mɔɔ ɛnlɛ awieleɛ la yeamaa menli mɔɔ wɔva bɛ wɔmaa ye la.

Dw 3:35

Selɛ ne kulo Ɔ Ra ne, na yeva ninyɛne muala yewula ɔ sa nu.

Ɛzoanvolɛma Gyima ne 17:25

Eza ɔngyia debie biala anwo na sonla ava ɔ sa anloa gyima akpondɛ debie amaa ye, ɔluakɛ ɔdaye a ɔmaa sonla biala ngoane nee ɛnwomenle nee debie biala a.

2 Kɔl 8:16

Yɛyɛ Nyamenle mo somaa kɛ yemaa Taetɛse noko ɛnyia ɛhulolɛ kɛ yɛdayɛ la, kɛ ɔba yearaboa bɛ a.

2 Kɔl 8:9

Ɔluakɛ bɛze kɛ Awulae Gyisɛse Kelaese ɛlolɛ ne si de la; ɔle sukoavolɛ, noko ɔlua bɛ ti ɔyɛle ɔ nwo ehyianli, amaa yealua ye ehyia ne azo yeayɛ bɛ sukoavolɛma.

Gyemise Kɛlata ne 1:17

Ɛlolɛdeɛ kpalɛ biala nee ahyɛlɛdeɛ biala mɔɔ di munli la vi anwuma; ɔvi Nyamenle Selɛ ne mɔɔ bɔle anwuma ahɛnlaneɛ ne mɔ la ɛkɛ a ɔba a. Nyamenle ɛnli ngakyile, anzɛɛ ɔmboa ɔngakyi wienyi awozinli.

1 Sam 10:26

Sɔɔlo ɔdaye noko ɔhɔle ye sua zo Gebɛya. Menli mɔɔ anwo yɛ se na Nyamenle asa wɔ bɛ nwo zo la nee ye hɔle.