Edwɛkpa ne kɛmɔ Mateyu hɛlɛle la 20:3 - BAEBOLO ANZƐƐ BULUKU NWUANZANWUANZA

³ Ɔvindele bieko kɛyɛ dɔne ngɔnla mekɛ ne anu na ɔhɔnwunle kɛ awie mɔ gyigyi ye mgbovonle nu wɔ gua ne anu.

Edwɛkpa ne kɛmɔ Mateyu hɛlɛle la 20:3 ပူးပေါင်းရင်းမြစ်များ

Mrɛlɛbulɛ Buluku ne 19:15

Mgbovonleyɛlɛ maa bɛdafe mgbole, yɛɛ ɔmaa ɛhɔne ku bɛ.

Yizikeɛle Buluku ne 16:49

Nea, ɛ diema raalɛ Sodɔm fɔlɛ mɔɔ lile la a le kɛ, ɔ nee ye namunamu ne mɔ dule bɛ nwo kɛ bɛlɛ mɔɔ sa bɛ di la, bɛkpazi na bɛde anzonudwolɛ nu, noko bɛamboa anwunvɔnema nee ehyianvolɛma.

Edwɛkpa ne kɛmɔ Mateyu hɛlɛle la 20:2

Ɔ nee bɛ lile ɔ nloa kɛ kenle ko ɔkɛdua bɛ etaku nna, na ɔmanle bɛhɔle ye egyinli ne anu.

Edwɛkpa ne kɛmɔ Mateyu hɛlɛle la 20:4

Na ɔzele bɛ kɛ, ‘Bɛdabɛ noko bɛhɔ me vanye egyinli ne anu bɛhɔyɛ gyima na menwɔdua bɛ kakɛ mɔɔ fɛta la.’

Edwɛkpa ne kɛmɔ Maake hɛlɛle la 15:25

Nwonlomɔ dɔne ngɔnla ne anu yɛɛ bɛbɔle ye meanubaka nu a.

Ɛzoanvolɛma Gyima ne 16:19

Mɔɔ kakula raalɛ ne amenle mɔ nwunle kɛ bɛ ezukoa ɛnyialɛ adenle ne ɛdua la, bɛhɔhyele Pɔɔlo nee Saelase bɛhwenlenle bɛ aze bɛ nee bɛ hɔle mgbanyinli nyunlu wɔ bɛ gua ne anu.

Ɛzoanvolɛma Gyima ne 2:15

Menli ɛhye mɔ ɛtɛbole nza, kɛmɔ bɛ adwenle yɛ bɛ la, ɔluakɛ aleɛ hyenle la bɔ zo mɔɔ dɔne ngɔnla ɛbɔ a.

1 Tem 5:13

Eza bɛsɛkye mekɛ bɛduolua ye mgbovonle nu bɛwolowolo azua nu, yɛɛ tɛ ɛhye angome, bɛbɔ nzekue, bɛfa bɛ nloa bɛwulowula awie mɔ edwɛkɛ nu, na bɛkeha edwɛkɛ mɔɔ ɔnle kɛ bɛka la.

Kɛlata mɔɔ bɛhɛlɛle bɛhɔmanle Hibuluma la 6:12

Yɛngulo kɛ bɛkɛyɛ mgbovonle. Yɛkulo kɛ bɛsukoa menli mɔɔ bɛlua bɛ diedi nee abotane zo bɛnyia mɔɔ Nyamenle ɛva ɛbɔ ɛwɔkɛ la.