Edwɛkpa ne kɛmɔ Mateyu hɛlɛle la 2:8 - BAEBOLO ANZƐƐ BULUKU NWUANZANWUANZA

⁸ Ɔwiele la ɔhilele bɛ kɛ bɛhɔ Bɛtelɛhɛm, na ɔvale ɔzɔle zo kɛ, “Bɛhɔ na bɛhɔdɔ alagye bɛkpondɛ kakula ne, saa bɛnwu ye a bɛrabɔ me amaneɛ, amaa medame noko meahɔzonle ye bie.”

Edwɛkpa ne kɛmɔ Mateyu hɛlɛle la 2:8 ပူးပေါင်းရင်းမြစ်များ

2 Sam 17:14

Abesalɛm nee Yizilayɛma kɔsɔɔti hanle kɛ, “Huhyae adwenle ne le kpalɛ tɛla Ahetɔfɛle folɛdulɛ ɛdeɛ ne.” Ɔluakɛ Ɛdɛnkɛma ɛhyehyɛ kɛ ɔsɛkye Ahetɔfɛle folɛdulɛ ɛdeɛ ne, amaa yeamaa munzule ado Abesalɛm.

1 Arl 19:2

Ɛhye ati Gyɛzɛbɛle zoanle manle bɛhɔhanle bɛhilele Yilaegya kɛ, “Ɛhunlɛ mɔɔ wɔhu ahɔmenle ne mɔ la, saa ɛhyema bekezɛ ɛnee metɛkunle ɛdawɔ noko a awozonle ne mɔ ɛdua me kakɛ ɛgua me bie zo.”

Mrɛlɛbulɛ Buluku ne 21:30

Nrɛlɛbɛ, ndelebɛbo, yɛɛ folɛdulɛ biala ɛnle ɛkɛ mɔɔ kola gyinla Ɛdɛnkɛma anyunlu a.

Gyɛlɛmaya Awolɛyelɛ 3:37

Nwane a ɛha ɛmaa yeyɛ zɔ a? Kyesɛ Awulae ɔdaye yehyehyɛ ye zɔ.

Edwɛkpa ne kɛmɔ Mateyu hɛlɛle la 2:1

Bɛwole Gyisɛse wɔ sua ne mɔɔ bɛfɛlɛ ye Bɛtelɛhɛm la azo, wɔ Dwudiya maanzinli nu, wɔ mekɛ mɔɔ ɛnee Hɛlɔdo a di belemgbunli la. Nrɛlɛbɛvolɛma bie vi aduduleɛ rale Gyɛlusalɛm

Edwɛkpa ne kɛmɔ Mateyu hɛlɛle la 2:7

Yemɔti Belemgbunli Hɛlɔdo vɛlɛle nrɛlɛbɛvolɛma ne mɔ ahane na ɔbizebizale bɛ mekɛ mɔɔ ɛwɔlɔra ne vindele la.

Edwɛkpa ne kɛmɔ Mateyu hɛlɛle la 2:9

Bɛdiele belemgbunli ne edwɛkɛ ne bɛwiele la bɛhɔle. Bɛkɔ la bɛnwunle ɛwɔlɔra ne mɔɔ bɛnwunle ye wɔ aduduleɛ la bieko; ɔlile bɛ nyunlu toonwo ɔhɔgyinlanle ɛleka mɔɔ kakula ne wɔ la anwuma.