Edwɛkpa ne kɛmɔ Mateyu hɛlɛle la 2:7 - BAEBOLO ANZƐƐ BULUKU NWUANZANWUANZA

⁷ Yemɔti Belemgbunli Hɛlɔdo vɛlɛle nrɛlɛbɛvolɛma ne mɔ ahane na ɔbizebizale bɛ mekɛ mɔɔ ɛwɔlɔra ne vindele la.

Edwɛkpa ne kɛmɔ Mateyu hɛlɛle la 2:7 ပူးပေါင်းရင်းမြစ်များ

Edwɛndolɛ Buluku ne 55:21

Ɔ nloa anu menlemenle tɛla ngyenle, noko konle ala yɛɛ ɔzo ɔlua a. Ye edwɛkɛ yɛ fɛ tɛla asikyelɛ, noko bɛpɛ kɛ konle dadeɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:10

Bɛmaa yɛbɔ bɛ nye anrɛɛ bɛkɛzo bɛkɛbo zolɛ. Saa yɛanyɛ ye zɔhane na yɛ nee awie mɔ nyia konle a bɛkɛboa yɛ kpɔvolɛma ne bɛkɛho bɛkɛtia yɛ na bɛanyia adenle bɛanriandi bɛavi maanle ye anu.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:17

Menwu ye, na tɛ kɛkala ɔ; Me nye gyi nwo, noko ɔmbikye. Belemgbunli bavinde Yizilayɛ, Tumi kpole badwazo Yizilayɛ. Ɔbali Mowabe mgbanyima anwo zo konim Na yeabɛlɛ Sɛte abo zo amra aze.

Edwɛkpa ne kɛmɔ Mateyu hɛlɛle la 2:1

Bɛwole Gyisɛse wɔ sua ne mɔɔ bɛfɛlɛ ye Bɛtelɛhɛm la azo, wɔ Dwudiya maanzinli nu, wɔ mekɛ mɔɔ ɛnee Hɛlɔdo a di belemgbunli la. Nrɛlɛbɛvolɛma bie vi aduduleɛ rale Gyɛlusalɛm

Edwɛkpa ne kɛmɔ Mateyu hɛlɛle la 2:16

Mɔɔ Belemgbunli Hɛlɔdo nwunle kɛ nrɛlɛbɛvolɛma ne mɔ ɛbɛlɛbɛla ye la, ɔvale ɛya kpole, na ɔvale ye adwenle ɔbubule ɔvile mekɛ mɔɔ nrɛlɛbɛvolɛma ne rahanle edwɛkɛ ne hilele ye la, na ɔmanle bɛhɔhunle ngakula mrenya ngyikyi ngyikyi mɔɔ wɔ Bɛtelɛhɛm nee azua mɔɔ zuozua Bɛtelɛhɛm, na bɛli ɛvolɛ nwiɔ nee mɔɔ ɛtɛdwule ɛvolɛ nwiɔ la amuala, kɛmɔ nrɛlɛbɛvolɛma ne zile hilele mekɛ ne la.

Edwɛkpa ne kɛmɔ Mateyu hɛlɛle la 2:8

Ɔwiele la ɔhilele bɛ kɛ bɛhɔ Bɛtelɛhɛm, na ɔvale ɔzɔle zo kɛ, “Bɛhɔ na bɛhɔdɔ alagye bɛkpondɛ kakula ne, saa bɛnwu ye a bɛrabɔ me amaneɛ, amaa medame noko meahɔzonle ye bie.”

Ɛzoanvolɛma Gyima ne 24:22

Filekese ze Awulae Adenle ɛhye anwo bie kpalɛ, yemɔti ɔdule edwɛkɛ ne ɔziele na ɔzele kɛ, “Saa sogyama kpanyinli Lesease ba a mebanwu mɔɔ meka ye wɔ bɛ edwɛkɛ ne anwo a ɔkɛyɛ boɛ la.”

Yekile 12:15

Nane ne kpule nzule kɛ azule la kɛ ɔmaa yeava raalɛ ne.

1 Sam 18:21

Sɔɔlo hanle ye ɔ ti anu kɛ, “Mefa ye meamaa Devidi; mefa meazua ye ɛhane, amaa Filisitiama ahu ye.” Yemɔti eza Sɔɔlo zele Devidi kɛ, “Memaa wɔagya me ra raalɛ ne.”