Edwɛkpa ne kɛmɔ Mateyu hɛlɛle la 2:6 - BAEBOLO ANZƐƐ BULUKU NWUANZANWUANZA

⁶ ‘Na wɔmɔ Bɛtelɛhɛm, mɔɔ wɔ Dwuda maanle nu, ɛnle ekyi wɔ Dwuda maanle nu azuamgbole avinli; ɔluakɛ wɔ ɛkɛ ne yɛɛ mɔɔ barali Yizilayɛma ati anlea me menli ne anwo zo la vi bara a.’ ”

Edwɛkpa ne kɛmɔ Mateyu hɛlɛle la 2:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

2 Sam 5:2

Tete ne mɔɔ ɛnee Sɔɔlo a di yɛ belemgbunli la, wɔmɔ yɛɛ ɛ nee yɛ hɔle ɛ nee yɛ rale a; na Ɛdɛnkɛma zele wɔ kɛ, ‘Ɛbayɛ kɛ mboaneneavolɛ la, wɔanlea me menli Yizilayɛma na wɔali bɛ belemgbunli.’ ”

1 Edk 2:51

Ɔ ra nrenya ne mɔɔ tɔ zolɛ nwiɔ mɔɔ bɛfɛlɛ ye Salema la a kyekyele Bɛtelɛhɛm a, yɛɛ ɔ ra nrenya ne mɔɔ tɔ zolɛ nsa la, bɛfɛlɛ ye Hɛlɛfe. Yemɔ a ɔkyekyele Bɛtegeeda a.

1 Edk 5:2

Noko Dwuda abo zo amra a yɛle menli mgbole na bɛlile mbusua ekpunli ekpunli ne mɔ kɔsɔɔti belemgbunli a.)

Ɛzela Buluku ne 2:21

Akee bɛdabɛ mɔɔ bɛ mgbanyinli dɛnlanle azua ɛhye mɔ azo la ziale rale: Bɛtelɛhɛm - Ɛya ko abulanwiɔ nee nsa Nɛtɔfa - Abulanlu nee nsia Anato - Ɛya ko abulanwiɔ nee mɔtwɛ Azemeevɛte - Abulanla nee nwiɔ Keleate Gyealem, Kɛfaela nee Bilotu - Ɛya nsuu abulanla nee nsa Releema nee Giba - Ɛya nsia abulanwiɔ nee ko Mekemahye - Ɛya ko abulanwiɔ nee nwiɔ Bɛtɛle nee Eyae - Ɛya nwiɔ abulanwiɔ nee nsa Nibo - Abulanlu nee nwiɔ Magebehye - Ɛya ko abulanlu nee nsia Yilam ɛhendeɛ ne - Apenle ko, ɛya nwiɔ abulanlu nee nna Hɛlem - Ɛya nsa abulanwiɔ Lɔɔdo, Heedede, yɛɛ Ono - Ɛya nsuu abulanwiɔ nee nnu Gyɛleko - Ɛya nsa abulanla nee nnu Sɛnaa - Apenle nsa, ɛya nsia abulasa

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:19

Ɔbalua Yizilayɛ anwo zo yeahile ye tumi, Na yeazɛkye azuamgbole mɔɔ kɛha la.”

Edwɛkpa ne kɛmɔ Mateyu hɛlɛle la 2:1

Bɛwole Gyisɛse wɔ sua ne mɔɔ bɛfɛlɛ ye Bɛtelɛhɛm la azo, wɔ Dwudiya maanzinli nu, wɔ mekɛ mɔɔ ɛnee Hɛlɔdo a di belemgbunli la. Nrɛlɛbɛvolɛma bie vi aduduleɛ rale Gyɛlusalɛm

Edwɛkpa ne kɛmɔ Mateyu hɛlɛle la 28:18

Gyisɛse bikyele bɛ na ɔzele bɛ kɛ, “Bɛva tumi muala mɔɔ wɔ anwuma nee aze la bɛmaa me.

Dw 21:16

Gyisɛse eza bizale Pita kɛ, “Dwɔn ara Saemɔn, asoo ɛkulo me?” Pita buale kɛ, “Ɛhɛe, Awulae, ɛze kɛ mekulo wɔ.” Gyisɛse zele ye kɛ, “Nea me mboane ne mɔ boɛ.”

Dw 7:42

Nyamenle Edwɛkɛ ne se Mɛzaya ne bayɛ Belemgbunli Devidi dehelɛ, yɛɛ bɛbawo ye wɔ Bɛtelɛhɛm, ɛleka mɔɔ Devidi dɛnlanle la.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:22

Nyamenle ɛva ninyɛne kɔsɔɔti ɛwula Kelaese agyakɛ abo, na yeva Kelaese yemaa asɔne ne kɛ ye Awulae mɔɔ bo ninyɛne kɔsɔɔti azo.

Kɔlɔ 1:18

Yemɔ a ɔle ye sonlabaka ne, mɔɔ le Asɔne ne ati a, yemɔ a ɔle debie biala mɔlebɛbo a, yɛɛ yemɔ a ɔle bɛdabɛ mɔɔ bɛdwazole bɛ bɛvile ewule nu la kpanyinli a, amaa debie biala anu yealumua.

Kɛlata mɔɔ bɛhɛlɛle bɛhɔmanle Hibuluma la 7:14

Yɛze kɛ bɛwole ye wɔ Dwuda abusua nu, yɛɛ Mosisi noko ambɔ abusua ɛhye duma wɔ mekɛ mɔɔ ɔyɛ sɛlɛvolɛma ngyehyɛlɛ ne la.

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”

Yekile 7:17

Ɔluakɛ Boaneralɛ ne mɔɔ de belemgbunli ebia kpole ne azo la bayɛ mboaneneavolɛ anlea bɛ, na ɔbayɛ bɛ tataa yeahɔ nzubula mɔɔ maa ngoane la anwo. Na Nyamenle bakyikyi bɛ nye anwo monle.”