Edwɛkpa ne kɛmɔ Mateyu hɛlɛle la 2:4 - BAEBOLO ANZƐƐ BULUKU NWUANZANWUANZA

⁴ Ɔyieyiale sɛlɛvolɛ mgbanyinli ne nee mɛla kilehilevolɛma ne mɔ amuala na ɔbizale bɛ kɛ, “Nienwu a ɔwɔ kɛ bɛwo Kelaese ne a?”

Edwɛkpa ne kɛmɔ Mateyu hɛlɛle la 2:4 ပူးပေါင်းရင်းမြစ်များ

2 Edk 34:13

Livaema bie mɔ noko nleanle menli mɔɔ twe ninyɛne ara bɛamaa bɛava bɛayɛ sua ne boɛ, nee menli mɔɔ yɛ gyima ngakyile la anwo zo. Bie mɔ noko hɛlɛhɛlɛle gyima ne anwo ngɛlata, yɛɛ bie mɔ zinzale nlenkɛ.

2 Edk 34:15

Helekaya zele Hyeefan mɔɔ le belemgbunli abɔlɔba ne la kɛ, “Menwu Mɛla buluku ne wɔ Ɛdɛnkɛma Ɛzonlenlɛ Sua ye anu;” na ɔvale buluku ne ɔmanle Hyeefan.

2 Edk 36:14

Sɛlɛvolɛma mgbanyinli ne mɔ nee menli kɔsɔɔti bɔle zɔhane ɛbɛla ne bie na bɛzukoale bɛyɛle munzule ninyɛne ne mɔ mɔɔ maanle maanle ne mɔ yɛ la bie. Bɛvale evinli bɛhanle Ɛdɛnkɛma Ɛzonlenlɛ Sua ne mɔɔ wɔ Gyɛlusalɛm, mɔɔ yeyɛ ye nwuanzanwuanza la.

Ɛzela Buluku ne 10:5

Na Ɛzela dwazole na ɔmanle sɛlɛvolɛ mgbanyima, Livaema, nee Yizilayɛma ne mɔ hanle ndane kɛ bɛkɛyɛ mɔɔ Hyɛkanaya ɛzuzu la.

Ɛzela Buluku ne 7:6

Ɛzela le abɔlɔba mɔɔ ze Mɛla ne mɔɔ Ɛdɛnkɛma, Yizilayɛ Nyamenle ne vale manle Mosisi la kpole kpalɛ. Kɛmɔ ɛnee Ɛdɛnkɛma ye Nyamenle ne anye wɔ ɔ nwo zo la ati, belemgbunli ne vale debie biala mɔɔ ɔbizale la ɔmanle ye. Mɔɔ Belemgbunli Atazɛzɛse lile ɛvolɛ nsuu wɔ Pɛhyea ebia ne azo la, Ɛzela nee Yizilayɛma bie mɔ mɔɔ le sɛlɛvolɛma, Livaema, edwɛndolɛma, nee Ɛzonlenlɛ Sua nu sonvolɛma la zile nu vi Babelonia rale Gyɛlusalɛm.

Edwɛndolɛ Buluku ne 2:2

Ewiade arelemgbunli boɔboa dwenle ɛtane, bɛ maanle mgbanyinli bɔ nu kɔ agyinla tia Ɛdɛnkɛma nee mɔɔ yekpa nu yeye ye la.

Gyɛlɛmaya Buluku ne 8:8

Kɛ bɛsi bɛkola bɛka kɛ, ‘Yɛze nrɛlɛbɛ, yɛɛ yɛze Ɛdɛnkɛma mɛla ne’ ɛ? Bɛnlea, mɛla kɛlɛhɛlɛvolɛma adalɛ ɛhakyi mɛla ne.

Malakae Buluku ne 2:7

Ɔluakɛ ɔwɔ kɛ ndelebɛbo finde sɛlɛvolɛ biala anloa edwɛkɛ nu, yɛɛ ɔwɔ kɛ menli fa ɛzukoalɛdeɛ wɔ ye ɛdendɛlɛ nu, ɔboalekɛ ɔle Tumivolɛ Ɛdɛnkɛma soanvolɛ.

Edwɛkpa ne kɛmɔ Mateyu hɛlɛle la 13:52

Na ɔzele bɛ kɛ, “Zɔhane ati mɛla kilehilevolɛ biala mɔɔ bɛtete ye wɔ Anwuma Belemgbunlililɛ ne anwo la le kɛ awuke zo neavolɛ mɔɔ ye ninyɛne fofolɛ nee dɛba fi ye gya nu finde la.”

Edwɛkpa ne kɛmɔ Mateyu hɛlɛle la 2:3

Belemgbunli Hɛlɔdo dele ɛhye la ye adwenle zɛkyele, na Gyɛlusalɛm amra amuala noko atiakunlu zɛkyele.

Edwɛkpa ne kɛmɔ Mateyu hɛlɛle la 2:5

Bɛbuale ye kɛ, “Wɔ Bɛtelɛhɛm mɔɔ wɔ Dwudiya la. Zɔhane yɛɛ Nyamenle kpɔmanvolɛ ne hɛlɛle a. Ɔse,

Edwɛkpa ne kɛmɔ Mateyu hɛlɛle la 21:15

Mɔɔ sɛlɛvolɛ mgbanyinli ne nee mɛla kilehilevolɛma ne nwunle nwanwane gyima mgbole mɔɔ ɔlɛdi, nee ngakula ne mɔ alɛra mɔɔ bɛlɛyɛ, bɛayeyɛ Gyisɛse wɔ Ɛzonlenlɛ Sua ne anu kɛ, “Ayɛlɛyelɛ ɛha Devidi Ara ne!” la, bɛvale ɛya.

Edwɛkpa ne kɛmɔ Mateyu hɛlɛle la 21:23

Gyisɛse ziale rale Ɛzonlenlɛ Sua ne anu, na mɔɔ ɔlɛkilehile la, sɛlɛvolɛ mgbanyinli ne nee mgbanyima ne mɔ rale ɔ nwo ɛkɛ ne rabizale ye kɛ, “Duzu tumi a ɛlɛfa wɔayɛ ninyɛne ɛhye mɔ a? Nwane a manle wɔ tumi ɛhye a?”

Edwɛkpa ne kɛmɔ Mateyu hɛlɛle la 26:3

Mekɛ ne anu ala, sɛlɛvolɛ mgbanyinli ne nee Dwuu mgbanyima ne mɔ hɔyiale Sɛlɛvolɛ Kpanyinli ne mɔɔ bɛfɛlɛ ye Kayafase la suakunlu ɛkɛ ne,

Edwɛkpa ne kɛmɔ Mateyu hɛlɛle la 26:47

Mɔɔ Gyisɛse anloa wɔ zo ɔlɛtendɛ la yɛɛ Dwudase mɔɔ le bulu nee nwiɔ ne anu ko la rale a. Ɔ nee menli dɔɔnwo kpalɛ mɔɔ bie mɔ dedɛ dadeɛ nee ahoholombaka la a rale a. Sɛlɛvolɛ mgbanyinli ne nee Dwuu mgbanyima ne mɔ a zoanle bɛ a.

Edwɛkpa ne kɛmɔ Mateyu hɛlɛle la 27:1

Aleɛ hyenle nwonlomɔ mangyee ne la, sɛlɛvolɛ mgbanyinli ne mɔ amuala nee Dwuu mgbanyima ne mɔ bɔle kpɔkɛ kɛ bɛmaa bɛahu Gyisɛse.

Edwɛkpa ne kɛmɔ Mateyu hɛlɛle la 7:29

ɔluakɛ ɔngilehile kɛ bɛ mɛla kilehilevolɛma ne mɔ la; ɔkilehile kɛ sonla mɔɔ lɛ tumi la.

Edwɛkpa ne kɛmɔ Maake hɛlɛle la 8:31

Akee Gyisɛse bɔle ɔ bo kɛ ɔkilehile ye ɛdoavolɛma ne kɛ, “Ɔwɔ kɛ Medame Sonla Ra, menwu amaneɛ somaa na mgbanyima ne nee sɛlɛvolɛ mgbanyinli nee mɛla kilehilevolɛma ne mɔ kpo me. Bɛbahu me na kenle nsa ne anzi mebadwazo meara ngoane nu bieko.”

Edwɛkpa ne kɛmɔ Luku hɛlɛle la 20:19

Mɛla kilehilevolɛma ne nee sɛlɛvolɛ mgbanyinli ne mɔ yɛle kɛ bɛkye Gyisɛse ɛkɛ ne ala, ɔboalekɛ bɛze kɛ ɔbule ɛrɛlɛ ne ɔtiale bɛ; noko akee bɛzulole menli ne anye.

Edwɛkpa ne kɛmɔ Luku hɛlɛle la 23:10

Sɛlɛvolɛ mgbanyinli ne nee mɛla kilehilevolɛma ne mɔ zile gyinlanle, bɔle bɛ nyunlu bile, totonle Gyisɛse ɛzonle mgbole.

Dw 18:3

Ɛhye ati Dwudase vale Wulomu sogyama nee Ɛzonlenlɛ Sua ne sinzavolɛma mɔɔ sɛlɛvolɛ mgbanyima ne nee Falasiima zoanle bɛ la rale tola ne anu. Bɛkɔ la bɛdedɛ ahoholombaka nee dadeɛ, tɛkɛ, yɛɛ tayia.

Dw 3:10

Gyisɛse buale ye kɛ, “Ɛle Yizilayɛ kilehilevolɛ kpole zɛhae, noko ɛnze ɛhye?

Dw 7:32

Falasiima dele mɔɔ menli ne ɛlɛka ye huhuhuhu wɔ Gyisɛse anwo la, yemɔti bɛ nee sɛlɛvolɛ mgbanyinli ne mɔ yɛle adwenle na bɛzoanle kɛ bɛhɔhye ye bɛrɛla.

Dw 8:3

Mɛla kilehilevolɛma ne nee Falasiima vale raalɛ bie mɔɔ bɛhɔhye ye kɛ ɔlɛto awuvolɛvalɛ mɛla ne la rale na bɛvale ye bɛziele bɛ avinli ɛkɛ ne.

Ɛzoanvolɛma Gyima ne 23:9

Bɛdeanle kpalɛ, na mɛla kilehilevolɛma bie mɔ mɔɔ boka Falasiima fane ne anwo la dwazole hanle kɛ, “Yɛnnwu ɛtane biala wɔ sonla ne anwo! Ɔkɛyɛ zɔhane kɛ Nyamenle soanvolɛ bie anzɛɛ sunsum bie ɛdendɛ ɛhile ye amgba.”

Ɛzoanvolɛma Gyima ne 4:5

Aleɛ hyenle la Dwuu mgbanyima ne nee asɔne ne anu adile adile ne mɔ nee mɛla kilehilevolɛma ne yiale Gyɛlusalɛm.

Ɛzoanvolɛma Gyima ne 6:12

Na bɛluale adenle ɛhye azo bɛmanle maanlema nee asɔne mgbanyima ne nee mɛla kilehilevolɛma ne mɔ vale ɛya na bɛhyele Sitivin bɛ nee ye hɔle ayiama ne anyunlu.