Edwɛkpa ne kɛmɔ Mateyu hɛlɛle la 2:23 - BAEBOLO ANZƐƐ BULUKU NWUANZANWUANZA

²³ na ɔhɔdɛnlanle sua ne mɔɔ bɛfɛlɛ ye Nazalɛte la azo. Ɛhye manle mɔɔ Nyamenle luale ye kpɔmanvolɛma ne mɔ anwo zo hanle la yɛle nɔhalɛ kɛ, “Bɛbavɛlɛ ye Nazalɛtenli.”

Edwɛkpa ne kɛmɔ Mateyu hɛlɛle la 2:23 ပူးပေါင်းရင်းမြစ်များ

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:13

“Na saa mekɛ dodo mɔɔ ɔkɛdu ɔ nwo ɔkɛzie ɛkɛ ɔkɛmaa Nyamenle la wie a, ɛnee mɛla mɔɔ wɔ nwolɛ la ɛne. Ɔkɔ Ɛdɛnkɛma Ndanlɛ Sua ne anlenkɛ ne anloa,

Edwɛkpa ne kɛmɔ Mateyu hɛlɛle la 1:22

Ɛhye mɔ amuala zile amaa mɔɔ Awulae luale ye kpɔmanvolɛ ne anwo zo hanle la ayɛ nɔhalɛ kɛ,

Edwɛkpa ne kɛmɔ Mateyu hɛlɛle la 21:11

Na menli dɔɔnwo ne zele kɛ, “Ɛhye a le Nyamenle kpɔmanvolɛ ne mɔɔ bɛfɛlɛ ye Gyisɛse, mɔɔ vi Nazalɛte mɔɔ wɔ Galeli la.”

Edwɛkpa ne kɛmɔ Mateyu hɛlɛle la 26:71

Na ɔvindele ɔragyinlanle anlenkɛ ne anloa kpɔda bie abo. Bɛlɛra sonvolɛ ko noko nwunle ye na ɔzele menli mɔɔ wɔ ɛkɛ ne la kɛ, “Nrenya ɛhye nee Gyisɛse mɔɔ vi Nazalɛte la a lua a.”

Edwɛkpa ne kɛmɔ Maake hɛlɛle la 1:24

“Gyisɛse mɔɔ vi Nazalɛte, kɛ yɛze wɔ ɛ? Wɔra kɛ ɛbazɛkye yɛ ɔ? Meze wɔ sonlazule: Wɔmɔ a ɛle Nyamenle Sonla ne mɔɔ anwo te la!”

Edwɛkpa ne kɛmɔ Maake hɛlɛle la 1:9

Mekɛ ne anu Gyisɛse vi Nazalɛte mɔɔ wɔ Galeli maanzinli nu la rale, na ɔmanle Dwɔn zɔnenle ye wɔ Dwɔdan ne anu.

Edwɛkpa ne kɛmɔ Luku hɛlɛle la 1:26

Ɛlezabɛte nyianle siane nsia la Nyamenle zoanle ye soanvolɛ Geebeleɛle wɔ Galeli maanzinli nu, wɔ sua ne mɔɔ bɛfɛlɛ ye Nazalɛte la azo.

Edwɛkpa ne kɛmɔ Luku hɛlɛle la 18:37

Bɛbuale ye kɛ, “Gyisɛse mɔɔ vi Nazalɛte la a ɛlɛse a.”

Edwɛkpa ne kɛmɔ Luku hɛlɛle la 2:39

Mɔɔ bɛwiele debie biala yɛ, kɛmɔ Awulae Mɛla ne se la, Mɛle nee Dwosefi ziale rale bɛ sua zo Nazalɛte mɔɔ wɔ Galeli maanzinli nu la.

Dw 18:5

Bɛbuale ye kɛ, “Yɛkpondɛ Gyisɛse mɔɔ vi Nazalɛte la.” Gyisɛse zele bɛ kɛ, “Medame ɛne.” Mekɛ ne anu ɛnee Dwudase mɔɔ yele Gyisɛse manle la gyi ɛlɔne ne anu.

Dw 18:7

Gyisɛse eza bizale bɛ kɛ, “Nwane a bɛkpondɛ ye a?” Bɛhanle kɛ, “Yɛkpondɛ Gyisɛse mɔɔ vi Nazalɛte la.”

Dw 19:19

Paelɛte hɛlɛle edwɛkɛ bɔle Gyisɛse meanubaka ne ati zo kɛ, “Nazalɛtenli Gyisɛse, Dwuuma Belemgbunli.”

Ɛzoanvolɛma Gyima ne 2:22

“Yizilayɛma, bɛdie! Gyisɛse mɔɔ vi Nazalɛte la le sonla mɔɔ Nyamenle yele ye manle bɛ a; ɔluale ɔ nwo zo ɔlile gyima mgbole, ɔyɛle nwanwane ninyɛne nee sɛkɛlɛneɛ wɔ bɛdabɛ bɛ nye zo, mɔɔ bɛdabɛ bɛze a.

Ɛzoanvolɛma Gyima ne 24:5

Yɛnwu kɛ sonla ɛhye le agyegyeamra kpalɛ, ɔlɛtwehwe manzonle yeado Dwuuma mɔɔ wɔ aleɛabo la amuala avinli. Ɔli fane ne mɔɔ bɛfɛlɛ ye Nazalin la ati.

Maanlebuvolɛma Buluku ne 13:5

Mmadi debie biala mɔɔ nwolɛ ɛnde la. Ɔluakɛ ɛbanrenzɛ wɔawo ralɛ nrenya. Mmafa dadeɛ dɛma ɛka ɔ ti enrinli, ɔluakɛ kenle ko ne ala mɔɔ bɛkɛwo ye bɛkɛdo aze la, bɛbadu ye bɛazie ahane bɛamaa Nyamenle kɛ ɔle ‘Tusiemaa-Nyamenle’ ralɛ. Na yemɔ yɛɛ ɔbalie Yizilayɛma yeavi Filisitiama asa anu a.”

1 Sam 1:11

Na Hana bɔle ɛwɔkɛ kɛ, “Tumivolɛ Ɛdɛnkɛma, to ɛ nye nea me, wɔ sonvolɛ; mehyia na kakye me; mmamaa ɛ rɛle fi me. Mebɔ ɛwɔkɛ kɛ saa ɛmaa menyia ɛkolɛ mewo ralɛ nrenya a menwɔdu ye nee ye ɛbɛlabɔlɛ muala menwɔmaa wɔ, na ye enrinli ko bɔbɔ, bɛnrɛde bɛnrɛdo aze.”