Edwɛkpa ne kɛmɔ Mateyu hɛlɛle la 2:16 - BAEBOLO ANZƐƐ BULUKU NWUANZANWUANZA

¹⁶ Mɔɔ Belemgbunli Hɛlɔdo nwunle kɛ nrɛlɛbɛvolɛma ne mɔ ɛbɛlɛbɛla ye la, ɔvale ɛya kpole, na ɔvale ye adwenle ɔbubule ɔvile mekɛ mɔɔ nrɛlɛbɛvolɛma ne rahanle edwɛkɛ ne hilele ye la, na ɔmanle bɛhɔhunle ngakula mrenya ngyikyi ngyikyi mɔɔ wɔ Bɛtelɛhɛm nee azua mɔɔ zuozua Bɛtelɛhɛm, na bɛli ɛvolɛ nwiɔ nee mɔɔ ɛtɛdwule ɛvolɛ nwiɔ la amuala, kɛmɔ nrɛlɛbɛvolɛma ne zile hilele mekɛ ne la.

Edwɛkpa ne kɛmɔ Mateyu hɛlɛle la 2:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:14

ɔdeanle nu ɔvɛlɛle mgbavolɛ mɔɔ wɔ ɔdaye ye sua nu ɛkɛ ne la na ɔzele bɛ kɛ, “Bɛnlea, Pɔtefaa ɛhɔdwu Hibulunli bie ɛra ɛke kɛ ɔrayɛ mgbane mgbane ɔhile sonla. Ɔrale me ɛkɛ ne kɛ ɔbadoa me ɔ nee me ala, yɛɛ mendeɛdeanle nuhua a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:17

na ɔhanle edwɛkɛ ko ne ala ɔhilele ye. Ɔzele ye kɛ, “Wɔ Hibulunli sonvolɛ ne, mɔɔ wɔhɔva ye wɔra la, rale kɛ ɔbado me bɔna.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:7

Munzule ɛha bɛ ɛyavalɛ, Ɔluakɛ bɛ ɛya nloa yɛ se. Munzule ɛha bɛ ahonle ɛfutulɛ, Ɔluakɛ ɔle amumuyɛ! Mebahyɛ bɛ nuhua na meabɔ bɛ asande wɔ Yizilayɛ.

2 Arl 8:12

Na Hazeeyɛle bizale ye kɛ, “Duzu ati a me menle akee ɛlɛsu a?” Yilaehya buale kɛ, “Ɔboalekɛ menwu ɛtane mɔɔ ɛbali wɔamaa Yizilayɛma la. Ɛbado senle wɔ bɛ aranemgbole ne mɔ anu, wɔahuhu bɛ mgbavolɛ nee ngakula kɔsɔɔti, na wɔatulutulu mraalɛ mɔɔ ɛva ɛkolɛ la anyalɛ.”

Dwobu Buluku ne 12:4

Me nwo ɛyɛ me gɔnwo mɔ ɛzelekɛ; medame mɔɔ menvɛlɛle Nyamenle memanle ɔliele me zo, sonlakpalɛ mɔɔ me nwo ɛnlɛ ngehanleɛ, ɛnɛ medo ɛzelekɛ aleɛ.

Mrɛlɛbulɛ Buluku ne 28:15

Maanlebuvolɛ mɔɔ le amumuyɛ na ɔsie ehyianvolɛma la le kɛ awenade mɔɔ ɛlɛkpo anzɛɛ bedi mɔɔ ɛnwu nane na ɔlɛkye ye la.

Mrɛlɛbulɛ Buluku ne 28:17

Bɛmaa sonla mɔɔ di fɔlɛ kɛ yehu sonla la ɛyɛ nriandivolɛ toonwo ɛhɔ ewule nu; awie biala mmaboa ye.

Ayezaya Buluku ne 26:21

Ɔluakɛ bɛnlea, Ɛdɛnkɛma vi ɛleka mɔɔ ɔwɔ la ɔlɛba yearadea azɛlɛ ye azo amra wɔ bɛ ɛtane ne ati. Azɛlɛ ye baye mogya mɔɔ bɛha bɛgua ɔ nwo zo la amaa, yɛɛ ɔnrɛheda bɛdabɛ mɔɔ bɛhu bɛ la anwo zo bieko.

Ayezaya Buluku ne 59:7

Bɛkɔ munzuleyɛlɛ ɛleka, yɛɛ bɛngyɛne nwo na bɛaha sonla mɔɔ ɛnze nwolɛ bie la mogya bɛagua. Atisesebɛ ɛyi bɛ adwenle ne mɔ, yɛɛ debie ɛzɛkyelɛ ala a wɔ bɛ ndenle ne mɔ anu a.

Daneɛle Buluku ne 3:13

Belemgbunli ne ahonle futule kpole na ɔzele kɛ bɛva Hyeedelake, Mihyake, yɛɛ Abɛdenɛgo bɛrɛla. Bɛhɔhyele menli ɛhye mɔ bɛrale.

Hozia Buluku ne 10:14

konle bava bɛ menli ne aze na bɛbabubu bɛ aranemgbole ne mɔ kɔsɔɔti. Ɔbayɛ kɛ mekɛ mɔɔ Belemgbunli Hyaleman zɛkyele suakpole Bɛtabɛle la. Wɔ konle ne anu, bɛvale mrɛladane mraalɛ nee bɛ mra bɛfifinle debie bɛhunle bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:29

Beelam buale asoaso ne kɛ, “Ɔboalekɛ wɔyɛ me koasea! Saa melɛ dadeɛ a anrɛɛ mehu wɔ”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:10

Beelake vale Beelam anwo ɛya kpole, na ɔbɔle ɔ sa botokuma ɔfinle ɔ sa ko anu, na ɔhanle ɔhilele Beelam kɛ, “Menvɛlɛle wɔ kɛ ɛrahye me kpɔvolɛma ne sili, na ye fane nsa ɛne, ɛyilalɛ ala a wɔyila bɛ a.

Edwɛkpa ne kɛmɔ Mateyu hɛlɛle la 2:1

Bɛwole Gyisɛse wɔ sua ne mɔɔ bɛfɛlɛ ye Bɛtelɛhɛm la azo, wɔ Dwudiya maanzinli nu, wɔ mekɛ mɔɔ ɛnee Hɛlɔdo a di belemgbunli la. Nrɛlɛbɛvolɛma bie vi aduduleɛ rale Gyɛlusalɛm

Edwɛkpa ne kɛmɔ Mateyu hɛlɛle la 2:17

Ɛhye manle edwɛkɛ ne mɔɔ Nyamenle kpɔmanvolɛ Gyɛlɛmaya hanle la yɛle nɔhalɛ kɛ:

Edwɛkpa ne kɛmɔ Mateyu hɛlɛle la 2:7

Yemɔti Belemgbunli Hɛlɔdo vɛlɛle nrɛlɛbɛvolɛma ne mɔ ahane na ɔbizebizale bɛ mekɛ mɔɔ ɛwɔlɔra ne vindele la.

Yekile 12:4

Ɔvale ɔ dua ɔhyɛle nwɔlɔra mɔɔ wɔ anwomanyunlu la anu ekpunli nsa na ɔpianle ko ɔguale aze. Akee ɔragyinlanle raalɛ ne mɔɔ ɛvo awolɛ zo la anyunlu ɛkɛ ne kɛ saa ɔwo a yeahye kakula ne yeali.

Yekile 17:6

Na menwunle kɛ raalɛ ne ɛbo. Nyamenle menli ne nee bɛdabɛ mɔɔ bɛ nɔhalɛlilɛ mɔɔ wɔ Gyisɛse anu la ati bɛhunle bɛ la mogya mɔɔ ɔnlonle la a ɛmaa yebo zɔhane a. Menwunle ye la, ɔzinle me nwo.

Maanlebuvolɛma Buluku ne 16:10

Dɛlaela zele Samesɛn kɛ, “Wɔyɛ me koasea, wɔanga nɔhalɛ wɔangile me. Ka kɛ bɛkɛzi bɛkɛyɛ na bɛahola wɔ kyekye la kile me.”