Edwɛkpa ne kɛmɔ Mateyu hɛlɛle la 2:13 - BAEBOLO ANZƐƐ BULUKU NWUANZANWUANZA

¹³ Mɔɔ bɛhɔle la, Awulae soanvolɛ yele ɔ nwo hilele Dwosefi wɔ ɛlalɛ nu na ɔzele ye kɛ, “Belemgbunli Hɛlɔdo barakpondɛ kakula ye ahu ye, yemɔti dwazo na fa ye nee ɔ nli nriandi kɔ Yigyibiti maanle nu kɔdɛnla ɛkɛ ne kɔkpula mekɛ mɔɔ menwɔze wɔ kɛ akee ɛvi ɛkɛ ne la.”

Edwɛkpa ne kɛmɔ Mateyu hɛlɛle la 2:13 ပူးပေါင်းရင်းမြစ်များ

1 Arl 11:17

ɔhale Heedade ala. Heedade nee ɔ ze ngɛkɛlɛ mɔɔ le Yidɔmma la bie mɔ nriandile hɔle Yigyibiti. (Mekɛ ne anu ɛnee Heedade le kakula.)

1 Arl 3:5

Kenle ko ne nɔe ne Ɛdɛnkɛma yele ɔ nwo hilele ye wɔ ɛlalɛ nu na ɔzele ye kɛ, “Duzu a ɛkpondɛ kɛ meyɛ memaa wɔ a?”

Dwobu Buluku ne 33:15

Wɔ ɛlalɛ nu, nɔɔzo ɛnyelɛzodeɛnwunlɛ nu, mɔɔ nafelɛ kɛdɔ menli nwo zo, na bɛdeda bɛ mgba ne mɔ azo la,

Dwobu Buluku ne 33:17

amaa yeahwe sonla yeavi ye nyɛleɛ nwo, na yeaye mgbanyizonle yeavi ye nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:22

Na akee belemgbunli ne yɛle ye mɛla manle maanlema kɛ, “Ralɛ nrenya biala mɔɔ Hibulunli biala kɛwo ye la, bɛvuandi ye bɛdo Azule Naele ne anu, na saa raalɛ a, bɛmmato ye nu.”

Edwɛkpa ne kɛmɔ Mateyu hɛlɛle la 1:20

Na mekɛ mɔɔ ɛnee Dwosefi ɛlɛdwenledwenle ɛhye anwo la, Awulae soanvolɛ yele ɔ nwo hilele ye wɔ ɛlalɛ nu na ɔzele ye kɛ, “Dwosefi, Devidi alɔnra, mmasulo kɛ ɛkɛva Mɛle ɛkɛyɛ ɛ ye, ɔluakɛ ɔlua Sunsum Nwuanzanwuanza ne anwo zo a yenrenzɛ a.

Edwɛkpa ne kɛmɔ Mateyu hɛlɛle la 10:23

Saa bɛyɛ bɛ kpɔdekpɔde wɔ sua ko azo a, bɛnriandi bɛhɔ mɔɔ doa ye la azo. Na meka meahile bɛ kɛ bɛnrɛwie Yizilayɛ azua ne mɔ amuala azo kɔ na Sonla Ra ne ara.

Edwɛkpa ne kɛmɔ Mateyu hɛlɛle la 2:12

Na Nyamenle hanle bɛ ɛlalɛ kɛ bɛmmasia bɛkɔ Belemgbunli Hɛlɔdo anwo lɔ bieko, yemɔti bɛvale adenle gyɛne zo bɛziale bɛhɔle bɛ maanle nu.

Edwɛkpa ne kɛmɔ Mateyu hɛlɛle la 2:14

Dwosefi dunwuele la ɔvale kakula ne nee ɔ nli na nɔe ne ala ɔzile nu ɔhɔle Yigyibiti;

Edwɛkpa ne kɛmɔ Mateyu hɛlɛle la 2:16

Mɔɔ Belemgbunli Hɛlɔdo nwunle kɛ nrɛlɛbɛvolɛma ne mɔ ɛbɛlɛbɛla ye la, ɔvale ɛya kpole, na ɔvale ye adwenle ɔbubule ɔvile mekɛ mɔɔ nrɛlɛbɛvolɛma ne rahanle edwɛkɛ ne hilele ye la, na ɔmanle bɛhɔhunle ngakula mrenya ngyikyi ngyikyi mɔɔ wɔ Bɛtelɛhɛm nee azua mɔɔ zuozua Bɛtelɛhɛm, na bɛli ɛvolɛ nwiɔ nee mɔɔ ɛtɛdwule ɛvolɛ nwiɔ la amuala, kɛmɔ nrɛlɛbɛvolɛma ne zile hilele mekɛ ne la.

Edwɛkpa ne kɛmɔ Mateyu hɛlɛle la 2:22

Na mɔɔ Dwosefi dele kɛ Aakɛleeyɛse a ɛli ɔ ze Hɛlɔdo agya na yemɔ a ɔdi belemgbunli wɔ Dwudiya la, ɔzulole kɛ ɔkɛhɔ ɛkɛ ne. Bɛhakyele ye ɛhye wɔ ɛlalɛ nu, zɔhane ati ɔhɔle Galeli maanzinli nu,

Ɛzoanvolɛma Gyima ne 10:22

Bɛbuale ye kɛ, “Safohyenle Kɔnileɛse a ɛzoa yɛ a. Ɔle sonlakpalɛ somaa, ɔsulo Nyamenle, yɛɛ Dwuuma amuala bu ye bie kpalɛ. Ɛkenle Nyamenle soanvolɛ bie zele ye kɛ ɔrava wɔ ɔhɔ ye sua nu, na ɔdie mɔɔ ɛlɛ ye ɛka wɔahile ye la.”

Ɛzoanvolɛma Gyima ne 10:7

Mɔɔ Nyamenle soanvolɛ ne wiele la ɔhɔle. Kɔnileɛse vɛlɛle ye sua nu ɛkɛ ne ngɛkɛlɛ ne mɔ nwiɔ yɛɛ sogyanli ko mɔɔ sulo Nyamenle na ɔboka menli mɔɔ sinza ɔdaye Kɔnileɛse la anwo la,

Ɛzoanvolɛma Gyima ne 12:11

Pita anye zo tetele ye la ɔzele kɛ, “Akee bɔ zo mɔɔ menwu kɛ debie biala mɔɔ ɛlɛkɔ zolɛ la le nɔhalɛ a. Awulae ɛzoa ɛmaa bɛraye me bɛvi Hɛlɔdo asa anu, nee ninyɛne mɔɔ Dwuuma anye la kɛ bɛkɛyɛ me la amuala anu.”

Ɛzoanvolɛma Gyima ne 12:7

Arɛlevilɛ nu ala Nyamenle soanvolɛ rale ɛkɛ na wienyi kpole bie dale efiade ne. Nyamenle soanvolɛ ne bɔle Pita abati dunwuele ye na ɔzele ye kɛ, “Maa ɔyɛ ndɛ dwazo!” Na ɛkɛ ne ala nwɔnzɔnwɔnzɔ ne vi ɔ sa wɔlɔle guale.

Ɛzoanvolɛma Gyima ne 16:36

Pilizama sinzavolɛ ne hanle hilele Pɔɔlo kɛ, “Mgbanyima ne mɔ ɛzoa kɛ bɛgyakyi ɛdawɔ nee Saelase. Yemɔti bɛhɔ anzonudwolɛ nu.”

Ɛzoanvolɛma Gyima ne 5:19

Na kenle ko ne nɔe ne, Awulae soanvolɛ rabukele efiade ne nlenkɛ ne mɔ na ɔvale bɛ ɔvindele na ɔzele bɛ kɛ,

Ɛzoanvolɛma Gyima ne 7:19

Ɔvale nrɛlɛbɛ adenle zo ɔbɔle yɛ mgbanyima ne mɔ abolɛ ɔmanle bɛvuandinle bɛ nlɔma bɛguale bɛmanle bɛwule.

Dwɔhyua Buluku ne 3:13

Saa sɛlɛvolɛma mɔɔ zo ewiade amuala Ɛdɛnkɛma Ngyekyeleɛ Ɛlɛka ne la wula bɛ gyakɛ Dwɔdan ne anu a, ɔbagyakyi ɛzenlɛ, na nzule ne mɔɔ vi ye sɔlɔ ba la bagyinla ayɛ bonrabonra wɔ ɛleka ko.”

Dwɔhyua Buluku ne 3:17

Na sɛlɛvolɛma ne mɔɔ zo Ɛdɛnkɛma Ngyekyeleɛ Ɛlɛka ne la gyinlanle azɛlɛ resee zo wɔ azule ne avinli, wɔ mekɛ mɔɔ ɛnee Yizilayɛma ɛlɛpɛ azule ne la. Sɛlɛvolɛma ne gyinlanle bɛ gyakɛ anu ɛkɛ ne toonwo Yizilayɛma amuala wiele pɛ kɔ sunvoa.

Dwɔhyua Buluku ne 4:10

Sɛlɛvolɛma ne gyinlanle azule ne avinli hɔkpulale mekɛ mɔɔ debie biala mɔɔ Ɛdɛnkɛma zele Dwɔhyua kɛ ɔha ɔhile menli ne ɔmaa bɛyɛ la lile munli la. Mosisi a hyehyɛle kɛ anrɛɛ Dwɔhyua ɛyɛ a. Menli ne pɛle azule ne ndɛndɛ.

Dwɔhyua Buluku ne 4:18

Mɔɔ sɛlɛvolɛma ne vole file zo ala la yɛɛ azule ne bɔle ɔ bo kɛ ɔse a, na ɔyile ɔbule aze bieko.

Yekile 12:14

Na bɛmanle raalɛ ne kɔleɛ ndɛbalɛ mgbole nwiɔ, amaa yeahola tu ɔvi ɛwɔlɛ ne anwo ɛkɛ yeahɔ ɛsɛlɛ zo lɔ, ɛleka mɔɔ bɛbanlea ye gyɛlɛɛnye ɛvolɛ nsa nee foa la, amaa nane ne angola ɔ nwo zo kɔ bieko.

Yekile 12:4

Ɔvale ɔ dua ɔhyɛle nwɔlɔra mɔɔ wɔ anwomanyunlu la anu ekpunli nsa na ɔpianle ko ɔguale aze. Akee ɔragyinlanle raalɛ ne mɔɔ ɛvo awolɛ zo la anyunlu ɛkɛ ne kɛ saa ɔwo a yeahye kakula ne yeali.

Yekile 12:6

Raalɛ ne nriandile hɔle ɛsɛlɛ ne azo, ɛleka bie mɔɔ Nyamenle ɛsiezie ɛmaa ye la, ɛkɛ ne yɛɛ ɔbanlea ye gyɛlɛɛnye yeali ye adane kenle apenle ko, ɛya nwiɔ abulasia a (1260).