Edwɛkpa ne kɛmɔ Mateyu hɛlɛle la 19:9 - BAEBOLO ANZƐƐ BULUKU NWUANZANWUANZA

⁹ “Zɔhane ati meka meahile bɛ: Nrenya biala mɔɔ kɛbɔ ɔ ye ewole, kɛgya raalɛ fofolɛ la ɛdo awuvolɛvalɛ mɛla ne, kyesɛ raalɛ ne anli nɔhalɛ ammaa ye.”

Edwɛkpa ne kɛmɔ Mateyu hɛlɛle la 19:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:3

Na Nyamenle rahanle Abemɛlɛke ɛlalɛ kɛ, “Nea, raalɛ ne mɔɔ wɔhɔva ye la ati, wɔwu wɔwie; ɔluakɛ ɔle awie aye.”

2 Edk 21:11

Yeanga ɛhye angome, eza ɔyɛle ɛleka ne mɔ mɔɔ menli mɔɔ ɛnze Nyamenle la sonle la, na ɔmanle Gyɛlusalɛm amuala yɛle ɛtane tiale Ɛdɛnkɛma; ɔminlinle Dwudama bɔkɔɔ.

Gyɛlɛmaya Buluku ne 3:1

Ɛdɛnkɛma se, “Saa ɛbɔ raalɛ ewole na ɔkɔ na nrenya fofolɛ gya ye a ɔ hu ne ɛngola ɛngya ye bieko. Saa ɔsia ɔgya ye bieko a ɛnee yeva evinli yeha azɛlɛ ne. Yizilayɛma, asoo mɔɔ bɛ nee bɛ kulovolɛma ɛbɔ tuutuu ɛbɛla la, bɛbahola bɛazia bɛara me nwo ɛkɛ ne bieko?

Gyɛlɛmaya Buluku ne 3:8

Yizilayɛ anli nɔhalɛ na ɔdonle awuvolɛvalɛ mɛla ne la ati membɔle ye ewole na menvoanle ye. Ɔ diema raalɛ Dwuda adalɛ ne nwunle ye, noko yeanzulo, na ɔdaye ɔhɔbɔle tuutuu ɛbɛla ne bie.

Yizikeɛle Buluku ne 16:15

“Na bɛlile bɛ duma kpole nee bɛ anwofɛlɛko nzi bɛlile tuutuu, na bɛ nee awie biala mɔɔ ɛlɛpɛ nu aze la lale.

Yizikeɛle Buluku ne 16:29

Eza bɛ nee Babelonia gualilɛma bɔle tuutuu ɛbɛla, na ɛhye noko bɔbɔ ande bɛ fee.”

Yizikeɛle Buluku ne 16:8

“Mɔɔ mese bɛ nwo ɛkɛ ne bieko na meneanle bɛ la, ɛnee yedwu mɔɔ bɛkulo bɛ a. Mengedale bɛ ndanlɛ na memkpale bɛ nyiane. Menyiale bɛ na me nee bɛ yɛle agyalɛ ngyekyeleɛ, na bɛyɛle medame Awulae Nyamenle, me ɛdeɛ.

Edwɛkpa ne kɛmɔ Mateyu hɛlɛle la 19:10

Ye ɛdoavolɛma ne zele ye kɛ, “Saa kɛ ɔde wɔ nrenya nee ɔ ye avinli la ɛdeɛ a, ɛnee noko ɔngyia kɛ nrenya kɛgya raalɛ.”

Edwɛkpa ne kɛmɔ Mateyu hɛlɛle la 19:8

Gyisɛse buale kɛ, “Mosisi manle bɛ adenle kɛ bɛbɔ bɛ ye mɔ ewole ɔboalekɛ bɛ nzo yɛ se. Mɔlebɛbo ne amuala ɛnee ɔnle zɔ.

Edwɛkpa ne kɛmɔ Mateyu hɛlɛle la 5:32

Noko mame, mese: Ɔnle kɛ awie biala bɔ ɔ ye ewole kyesɛ raalɛ ne ɛva nrenya fofolɛ. Saa tɛ ye zɔhane a ɛnee nrenya ne bamaa raalɛ ne ado awuvolɛvalɛ mɛla ne, yɛɛ nrenya noko mɔɔ kɛgya raalɛ mɔɔ ɛbɔ ewole la to awuvolɛvalɛ mɛla ne.

Edwɛkpa ne kɛmɔ Luku hɛlɛle la 16:18

“Nrenya biala mɔɔ kɛbɔ ɔ ye ewole na ɔkɛgya raalɛ fofolɛ la ɛdo awuvolɛvalɛ mɛla ne; yɛɛ nrenya mɔɔ kɛgya raalɛ mɔɔ ɔ hu ɛbɔ ye ewole la ɛdo awuvolɛvalɛ mɛla ne.

1 Kɔl 5:1

Kɛkala menli ɛraha kɛ bɛlɛbɔ adwɔmane ɛbɛla bie mɔɔ bɛdabɛ mɔɔ bɛnzonle Nyamenle bɔbɔ la ɛnrɛbɔ a. Mede kɛ kpavolɛ bie ɛva ɔ ze aye.

1 Kɔl 7:39

Ɔnle kɛ raalɛ te ɔ nwo fi ɔ hu anwo wɔ mekɛ mɔɔ ɔ hu de ngoane nu la. Na saa ɔ hu wu a, ɔlɛ adenle kɛ ɔgya nrenya biala mɔɔ ɔkulo la, noko ɔwɔ kɛ nrenya ne yɛ Keleseɛnenli.

1 Kɔl 7:4

Yelɛ ɛnlɛ tumi wɔ ɔdaye ye nwonane ne azo, ɔ hu a lɛ nwolɛ tumi a; yɛɛ kunli ɛnlɛ tumi wɔ ɔdaye ye nwonane ne azo, ɔ ye a lɛ zolɛ tumi a.