Edwɛkpa ne kɛmɔ Mateyu hɛlɛle la 18:8 - BAEBOLO ANZƐƐ BULUKU NWUANZANWUANZA

⁸ “Saa ɛ sa anzɛɛ ɛ gyakɛ gyegye wɔ yeamaa wɔaminli wɔ diedi a, pɛ ye to! Ɔle kpalɛ kɛ ɛ sa anzɛɛ ɛ gyakɛ kɛyɛ sinli na ɛkɛnyia ngoane mɔɔ ɛnlɛ awieleɛ tɛla kɛ ɛ sa nwiɔ anzɛɛ ɛ gyakɛ nwiɔ na bɛkɛhɔdo wɔ senle ne mɔɔ ɛnnu ɛlɛ la anu a.

Edwɛkpa ne kɛmɔ Mateyu hɛlɛle la 18:8 ပူးပေါင်းရင်းမြစ်များ

Ayezaya Buluku ne 30:22

Akee bɛbazɛkye bɛ dwɛtɛ fufule nee bɛ ezukoa nvutuke ananze ne mɔ. Bɛbavuandi bɛ bɛagua kɛ bɛle ninyɛne mɔɔ nwolɛ ɛnde a, na bɛaha ye kɛ, “Bɛhɔ.”

Ayezaya Buluku ne 33:14

Ɛtanevolɛma mɔɔ wɔ Zayɔn la ahonle ɛdu, ɛzulolɛ kpole ɛha bɛdabɛ mɔɔ bɛnze Nyamenle la, bɛ nwo ɛlɛwozo bɛ. Bɛse, “Nwane bɔbɔ yɛɛ wɔ yɛ avinli mɔɔ kɛhola senle gbolamgbolam nu tɛnla a? Nwane a wɔ yɛ avinli mɔɔ kɛhola senle mɔɔ ɛnnu ɛlɛ la anu tɛnla a?”

Yizikeɛle Buluku ne 18:31

Bɛgyakyi bɛ mɛladonlɛ ne mɔ na bɛnyia ahonle fofolɛ nee subane fofolɛ. Duzu ati a bɛkulo kɛ bɛwu ɛ, Yizilayɛma?

Edwɛkpa ne kɛmɔ Mateyu hɛlɛle la 17:27

Na amaa yɛanvo menli ɛhye mɔ la, kɔ tandane ne anu kɔdo koba, na fɛlɛ mɔɔ ɛkɛlumua ɛkɛhye ye la ɛkɛnwu kɛ ezukoa zia ɔ nloa anu mɔɔ sa me nee wɔ adwule ne tua a; fa kɔdua me nee wɔ yɛ ɛdeɛ ne.”

Edwɛkpa ne kɛmɔ Mateyu hɛlɛle la 25:41

“Akee mebaze bɛdabɛ mɔɔ bɛwɔ me sa bɛne zo la kɛ, ‘Bɛvi me nwo ɛke bɛhɔ, munzule menli! Bɛhɔ senle ne mɔɔ ɛnnu ɛlɛ, mɔɔ ɔvi ewiade abobɔlɛ bɛhua bɛmaa Abɔnsam nee ye soanvolɛma la anu!

Edwɛkpa ne kɛmɔ Mateyu hɛlɛle la 25:46

Na bɛkɛdea ɛhye mɔ ndeanlɛ mɔɔ ɛnlɛ awieleɛ a, na bɛava menli kpalɛ ne mɔ bɛahɔ ngoane mɔɔ ɛnlɛ awieleɛ la anu.”

Edwɛkpa ne kɛmɔ Luku hɛlɛle la 14:33

Na Gyisɛse dwulale ye edwɛkɛ ne kɛ, “Zɔhane ala yɛɛ saa bɛ nuhua ko biala angyakyi debie biala mɔɔ ɔlɛ la anzi ɛlilɛ a, ɔnrɛhola ɔnrɛyɛ me ɛdoavolɛ a.

Edwɛkpa ne kɛmɔ Luku hɛlɛle la 16:24

Yemɔti ɔdeanle nu ɔhanle kɛ, ‘Egya Ebileham, nwu me anwunvɔne, na soa Lazalɛse maa ɔva ɔ sa ɛrɛlɛsɛka ko ɔbɔ nzule nu na ɔva ɔrape me tafinlima azo, ɔluakɛ me ɛbolɛ ɛlɛte wɔ sendɔlɔra ye anu!’

Wulo 13:12

Aledwolɛ ne asɛɛ ɛze, alehyenlɛ ɛbikye; zɔhane ati bɛmaa yɛgyakyi awozinli nu nyɛleɛ ne mɔ, na yɛva wienyi nu konle tɛladeɛ mɔɔ bamaa yɛahola ko la yɛwula.

Yekile 14:10

kɛnwu kɛ Nyamenle ɛya ne mɔɔ gyi ye ɛya dwora ne anu la ɛzulolɛ si de la. Bɛdabɛ mɔɔ bɛyɛ zɔhane deɛ ne la, bɛbahile bɛ nyane wɔ senle nee sɔlefa nu wɔ soanvolɛma nwuanzanwuanza nee Boaneralɛ ne anyunlu.

Yekile 20:15

Awie biala mɔɔ bɛangɛlɛ ye duma wɔ teasema buluku ne anu la, bɛvuandinle ye bɛdole senle tandane ne anu.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”