Edwɛkpa ne kɛmɔ Mateyu hɛlɛle la 18:4 - BAEBOLO ANZƐƐ BULUKU NWUANZANWUANZA

⁴ Mɔɔ le kpole kpalɛ wɔ Anwuma Belemgbunlililɛ nu la a le sonla ne mɔɔ bɛlɛ ɔ nwo aze na ɔyɛ kɛ kakula ɛhye la.

Edwɛkpa ne kɛmɔ Mateyu hɛlɛle la 18:4 ပူးပေါင်းရင်းမြစ်များ

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Edwɛkpa ne kɛmɔ Mateyu hɛlɛle la 18:1

Mekɛ ne anu ɛdoavolɛma ne rale Gyisɛse ɛkɛ rabizale ye kɛ, “Nwane a le kpole kpalɛ wɔ Anwuma Belemgbunlililɛ nu a?”

Edwɛkpa ne kɛmɔ Mateyu hɛlɛle la 18:3

na ɔzele bɛ kɛ, “Bɛhakye ɛhye! Kyesɛ bɛkakyi bɛ nyɛleɛ na bɛyɛ kɛ ngakula la, anrɛɛ bɛnrɛnwu Anwuma Belemgbunlililɛ ne ɛlɛ.

Edwɛkpa ne kɛmɔ Mateyu hɛlɛle la 18:5

Awie biala mɔɔ kɛlie kakula zɛhae ko wɔ me duma nu la, ɛlie medame noko.

Edwɛkpa ne kɛmɔ Maake hɛlɛle la 10:43

Ɛhye ɛnle zɔhane wɔ bɛ nu. Saa bɛ nuhua bie kpondɛ kɛ ɔyɛ kpole wɔ bɛ avinli a, ɔyɛ bɛ muala bɛ sonvolɛ

Edwɛkpa ne kɛmɔ Maake hɛlɛle la 9:34

Na bɛanye ye ɔ nloa, ɔluakɛ bɛlua adenle ne anu la ɛnee bɛlɛsu kpolera kɛ bɛ nuhua boni a le kpole wɔ bɛ avinli a.

Edwɛkpa ne kɛmɔ Luku hɛlɛle la 14:11

Ɔluakɛ mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”

Edwɛkpa ne kɛmɔ Luku hɛlɛle la 9:48

na ɔzele bɛ kɛ, “Awie biala mɔɔ kɛlie kakula ɛhye wɔ me duma nu la, ɛlie medame; yɛɛ awie biala mɔɔ kɛlie me la, ɛlie ahenle mɔɔ zoanle me la noko. Ɔluakɛ mɔɔ le bɛ nuhua ekyi la a le sonlakpole kpalɛ wɔ bɛ avinli a.”

Gyemise Kɛlata ne 4:10

Bɛbɛlɛ bɛ nwo aze wɔ Awulae anyunlu, na ɔkɛmaa bɛ zo.

1 Pit 5:5

Zɔhane ala yɛɛ ɔwɔ kɛ bɛdabɛ ngakula mɔɔ bɛwɔ asɔne ne anu la noko bu mgbanyima ne mɔ na bɛka bɛ nwo aze bɛmaa bɛ a. Bɛ muala bɛva fɛlɛko nee ɛzelekɛ bɛzonle bɛ nwo ngoko ngoko, ɔluakɛ “Nyamenle kyi mɔɔ memaa ɔ nwo zo la, na ɔyila mɔɔ bɛlɛ ɔ nwo aze la.”