Edwɛkpa ne kɛmɔ Mateyu hɛlɛle la 18:3 - BAEBOLO ANZƐƐ BULUKU NWUANZANWUANZA

³ na ɔzele bɛ kɛ, “Bɛhakye ɛhye! Kyesɛ bɛkakyi bɛ nyɛleɛ na bɛyɛ kɛ ngakula la, anrɛɛ bɛnrɛnwu Anwuma Belemgbunlililɛ ne ɛlɛ.

Edwɛkpa ne kɛmɔ Mateyu hɛlɛle la 18:3 ပူးပေါင်းရင်းမြစ်များ

Edwɛndolɛ Buluku ne 131:2

Na medo me rɛle azule nu, meyɛ koonwu kɛ kakula mɔɔ la ɔ nli akɛnra nu la; me ɛkɛla ɛyɛ koonwu kɛ kakula la.

Ayezaya Buluku ne 6:10

Maa menli ɛhye mɔ ɛsolo, bɛ nzo ɛdi, na bɛ nye ɛzi, anrɛɛ bɛkɛva bɛ nye bɛkɛnwu debie, bɛkɛva bɛ nzo bɛkɛde edwɛkɛ na bɛkɛde edwɛkɛ bo, na bɛahakyi bɛ nyɛleɛ na bɛayɛ bɛ ayile.’ ”

Edwɛkpa ne kɛmɔ Mateyu hɛlɛle la 13:15

Ɔluakɛ menli ɛhye mɔ ɛsolo, bɛduodua bɛ nzo yɛɛ bɛmuomua bɛ nye. Saa tɛ ye zɔhane a, anrɛɛ bɛ nye kɛnwu debie, bɛ nzo kɛde edwɛkɛ, bɛ adwenle kɛde edwɛkɛ bo, na bɛkɛzia bɛkɛra bɛkɛmaa menwɔyɛ bɛ ayile.’

Edwɛkpa ne kɛmɔ Mateyu hɛlɛle la 18:2

Gyisɛse vɛlɛle kakula ko na ɔmanle ɔragyinlanle bɛ nyunlu ɛkɛ ne,

Edwɛkpa ne kɛmɔ Mateyu hɛlɛle la 18:4

Mɔɔ le kpole kpalɛ wɔ Anwuma Belemgbunlililɛ nu la a le sonla ne mɔɔ bɛlɛ ɔ nwo aze na ɔyɛ kɛ kakula ɛhye la.

Edwɛkpa ne kɛmɔ Mateyu hɛlɛle la 19:14

Na Gyisɛse zele ɛdoavolɛma ne kɛ, “Bɛmmasi ngakula ne mɔ aze, bɛmaa bɛ adenle bɛmaa bɛrɛla me nwo, na Anwuma Belemgbunlililɛ ne le bɛdabɛ mɔɔ bɛle kɛ ɛhye mɔ zɛhae la ɛdeɛ.”

Edwɛkpa ne kɛmɔ Mateyu hɛlɛle la 19:23

Na Gyisɛse zele ye ɛdoavolɛma ne kɛ, “Meka meahile bɛ: Ɔbayɛ se yeamaa sukoavolɛ kɛ ɔkɛnyia Anwuma Belemgbunlililɛ ne.

Edwɛkpa ne kɛmɔ Mateyu hɛlɛle la 5:18

Nɔhalɛ, meka meahile bɛ kɛ anwuma nee aze baze ahɔ na mɛla ne anu kpɔkɛ nretee ko bɔbɔ ɛnrɛkpɔkye ɛnrɛdɔ kyesɛ mɔɔ wɔ nu la amuala ɛli munli.

Edwɛkpa ne kɛmɔ Mateyu hɛlɛle la 5:20

Meka meahile bɛ, kyesɛ bɛ tenleneyɛlɛ tɛla mɛla kilehilevolɛma nee Falasiima ne mɔ, anrɛɛ bɛnrɛnwu Anwuma Belemgbunlililɛ ne ɛlɛ.

Edwɛkpa ne kɛmɔ Mateyu hɛlɛle la 6:16

“Saa bɛkye ɛhɔne a, bɛmmayɛ bɛ nyunlu alɔbɔlɛ alɔbɔlɛ, kɛmɔ nabalabama ne mɔ yɛ la. Bɛsie bɛ nwo evinli bɛfa bɛkile bɛmaa awie biala nwu kɛ bɛlɛkye ɛhɔne. Bɛnwu ye kɛ bɛdua bɛ nwolɛ kakɛ bɛwie.

Edwɛkpa ne kɛmɔ Mateyu hɛlɛle la 6:2

“Zɔhane ati saa bɛfa debie bɛahyɛ a bɛmmabɔ nwolɛ awuye, kɛmɔ nabalabama ne mɔ yɛ ye wɔ nyianu azua ne mɔ anu nee awɔdenle ne mɔ azo la. Bɛyɛ ye zɔhane amaa bɛanyia bɛ nyunlu wɔ menli nyunlu. Nɔhalɛ, meka meahile bɛ kɛ bɛnyia bɛ ahatualɛ bɛwie.

Edwɛkpa ne kɛmɔ Mateyu hɛlɛle la 6:5

“Saa bɛyɛ nzɛlɛlɛ a, bɛmmayɛ ye kɛ nabalabama ne mɔ yɛ ye la. Menli zɔhane mɔ kulo kɛ bɛgyinla nyianu azua ne mɔ anu nee mgbata ne mɔ azo bɛyɛ bɛmaa menli kɔsɔɔti nwu bɛ kɛ bɛlɛyɛ nzɛlɛlɛ. Nɔhalɛ, meka meahile bɛ kɛ bɛnyia bɛ ahatualɛ bɛwie.

Edwɛkpa ne kɛmɔ Maake hɛlɛle la 4:12

amaa ‘Bɛnea, bɛnea a, bɛannwu ye, bɛtie, bɛtie a, bɛande ɔ bo. Anrɛɛ bɛkɛzia bɛkɛra Nyamenle ɛkɛ, na ɔkɛva bɛ ɛtane ne mɔ ɔkɛhyɛ bɛ.’ ”

Edwɛkpa ne kɛmɔ Luku hɛlɛle la 13:24

“Bɛbɔ mɔdenle bɛva anlenkɛ ekyi ne anu, ɔboalekɛ menli dɔɔnwo babɔ mɔdenle kɛ bɛfa nu, noko bɛnrɛhola.

Edwɛkpa ne kɛmɔ Luku hɛlɛle la 22:32

Na mezɛlɛ memaa wɔmɔ Saemɔn, amaa wɔ diedi amkpo aze. Na saa ɛsia ɛba me nwo bieko a, si ɛ mediema ne mɔ ahonle.”

Dw 1:51

Na ɔhanle ɔhilele bɛ muala kɛ, “Meka nɔhalɛ ne meahile bɛ: bɛbanwu kɛ anwuma ɛbuke na Sonla Ra ne ati, Nyamenle soanvolɛma ɛlɛfo dwu.”

Dw 3:3

Gyisɛse buale ye kɛ, “Meka nɔhalɛ meahile wɔ: awie biala ɛnrɛnwu Nyamenle Belemgbunlililɛ ne kyesɛ bɛwo ye fofolɛ.”

Dw 3:5

Gyisɛse buale kɛ, “Meka nɔhalɛ ne meahile wɔ: kyesɛ bɛfa nzule nee Sunsum Nwuanzanwuanza ne bɛsɔne sonla anrɛɛ ɔnrɛnwu Nyamenle Belemgbunlililɛ ne ɛlɛ.

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Ɛzoanvolɛma Gyima ne 28:27

ɔboalekɛ Nyamenle se, menli ɛhye mɔ ɛsolo, bɛduodua bɛ nzo yɛɛ bɛmuomua bɛ nye. Anrɛɛ bɛ nye kɛnwu debie, bɛ nzo kɛde edwɛkɛ, bɛkɛnyia ndelebɛbo, na bɛkɛzia bɛkɛra me ɛkɛ, na meayɛ bɛ ayile.’ ”

Ɛzoanvolɛma Gyima ne 3:19

Zɔhane ati bɛnlu bɛ nwo na bɛzia bɛrɛla Nyamenle ɛkɛ, amaa yeava bɛ ɛtane ne mɔ amuala yeahyɛ bɛ,

1 Kɔl 14:20

Mediema, bɛmmadwenle ngakula adwenle. Bɛyɛ bɛ nwo kɛ mbɔdɔma mɔɔ ɛnze ɛtaneyɛlɛ deɛ holɛ la, na bɛva mgbanyinli adwenle.

1 Pit 2:2

Bɛyɛ bɛ nwo kɛ nlɔma mɔɔ sunsum nu nyɛfonzule ɛhɔne ɛlɛku bɛ la, amaa saa bɛnyia ye bɛno a bɛanyi na bɛanyia ngoane.

2 Pit 1:11

Zɛhae nyɛleɛ zo ala yɛɛ bɛlua a bɛkɛnyia yɛ Awulae nee Dievolɛ Gyisɛse Kelaese belemgbunlililɛ ne mɔɔ ɛmbɔ aze ɛlɛ la a.