Edwɛkpa ne kɛmɔ Mateyu hɛlɛle la 17:7 - BAEBOLO ANZƐƐ BULUKU NWUANZANWUANZA

⁷ Gyisɛse rale bɛ nwo ɛkɛ ne na ɔvale ɔ sa ɔhanle bɛ, na ɔzele bɛ kɛ, “Bɛdwazo, bɛmmasulo!”

Edwɛkpa ne kɛmɔ Mateyu hɛlɛle la 17:7 ပူးပေါင်းရင်းမြစ်များ

Daneɛle Buluku ne 10:10

Na ɛsalɛ bie zɔle me manle membutule me sa nee me gyakɛ abonyi zo, na ɛnee me nwo tɛwozo me.

Daneɛle Buluku ne 10:18

Eza Nyamenle soanvolɛ ne mɔɔ le kɛ sonla la vale ɔ sa hanle me, na me nwo gyinlanle me.

Daneɛle Buluku ne 8:18

Mɔɔ mebutu ɔ nyunlu ɛkɛ ne mutule nu na ɔlɛtendɛ yeahile me la, meannwu ɛleka mɔɔ mengale ye bieko a. Na ɔzɔle me ɔdwazole me ɔgyinlanle.

Daneɛle Buluku ne 9:21

Geebeleɛle mɔɔ alumua ne menwunle ye wɔ me ɛnyelɛzodeɛnwunlɛ ne anu la, rale me nwo ɛkɛ ne ndɛndɛ wɔ nɔsolɛ nu azubɔlɛ mekɛ ne.

Edwɛkpa ne kɛmɔ Mateyu hɛlɛle la 14:27

Na ɛkɛ ne ala Gyisɛse zele bɛ kɛ, “Bɛmmasulo, bɛha bɛ ahonle bɛdo azule nu na medame ɔ.”

Edwɛkpa ne kɛmɔ Mateyu hɛlɛle la 17:6

Mɔɔ ɛdoavolɛma ne dele ɛnelɛ ɛhye la, ɛzulolɛ kpole hanle bɛ na bɛdule bɛguale, bɛbutubutule bɛ nye aze.

Edwɛkpa ne kɛmɔ Mateyu hɛlɛle la 17:8

Bɛmanle bɛ ti zo la, bɛannwu awie biala kɛ Gyisɛse angomekye ala.

Edwɛkpa ne kɛmɔ Luku hɛlɛle la 24:5

Ɛzulolɛ hanle bɛ la ati, bɛbutubutule bɛ nye aze, na menli ne mɔ bizale bɛ kɛ, “Duzu ati a bɛlɛkpondɛ mɔɔ de aze la wɔ mɔwuamra anu ɛ?

Ɛzoanvolɛma Gyima ne 9:6

Dwazo kɔ suakpole ne azo na bɛbahile wɔ debie mɔɔ ɔwɔ kɛ ɛyɛ la.”

Yekile 1:17

Menwunle ye la, mempɛle menfinle ɔ gyakɛ anu kɛ asɛɛ mewu la. Na ɔvale ɔ sa fema ne ɔdole me nwo zo na ɔzele me kɛ, “Mmasulo! Mame a mele alumua ne nee awieleɛ ne a.