Edwɛkpa ne kɛmɔ Mateyu hɛlɛle la 17:6 - BAEBOLO ANZƐƐ BULUKU NWUANZANWUANZA

⁶ Mɔɔ ɛdoavolɛma ne dele ɛnelɛ ɛhye la, ɛzulolɛ kpole hanle bɛ na bɛdule bɛguale, bɛbutubutule bɛ nye aze.

Edwɛkpa ne kɛmɔ Mateyu hɛlɛle la 17:6 ပူးပေါင်းရင်းမြစ်များ

1 Edk 21:16

Devidi manle ɔ nye zo la, ɔnwunle Ɛdɛnkɛma soanvolɛ ne kɛ ɔgyi anwomanyunlu, na yehwe dadeɛ wɔ Gyɛlusalɛm anwo zo. Na Devidi nee ye mgbanyima ne mɔ kɔsɔɔti mɔɔ ɛnee wula ɛrele adɛladeɛ la butubutule bɛ nye aze.

Yizikeɛle Buluku ne 3:23

Yemɔti mendwazole mengɔle azɛlɛ sɛsɛ wienyi ne azo lɔ, na menwunle Ɛdɛnkɛma anyunlunyia ne wɔ ɛkɛ, ɔle kɛ anyunlunyia ne mɔɔ menwunle ye wɔ Azule Kibaa ne anloa la, na membutule mutule nu.

Yizikeɛle Buluku ne 43:3

Na ɛnyelɛzodeɛnwunlɛ ne mɔɔ menwunle ye la ɛnee le kɛ mɔɔ menwunle ye wɔ mekɛ mɔɔ ɔrazɛkyele suakpole ne la. Eza ɔle kɛ mɔɔ menwunle ye wɔ Azule Kibaa ne anloa la. Na membutule mutule nu.

Daneɛle Buluku ne 8:17

Yemɔti Geebeleɛle ragyinlanle me nwo ɛkɛ; ɔrale la me ahonle dule na membutule mutule nu. Na ɔzele me kɛ, “Sonla ra, te ɔ bo kɛ ɛnyelɛzodeɛnwunlɛ ne kile kɛ ewiade bazi ara awieleɛ la.”

Sɛlɛ 9:24

Na senle vi Ɛdɛnkɛma ɛkɛ ne rayelale ɛyelalɛ azubɔdeɛ ne nee nane ɛnlome ne mɔɔ wɔ azukponle ne azo la. Menli ne amuala nwunle ye la, bɛdeɛdeanle nuhua na bɛbutubutule bɛ nye aze.

Edwɛkpa ne kɛmɔ Mateyu hɛlɛle la 17:5

Mɔɔ ɔ nloa wɔ zo ɔlɛtendɛ la, amungu nwohyee bie rahedale bɛ nwo zo, na ɛnelɛ bie vi amungu ne anu zele kɛ, “Me Ra mɔɔ mekulo ye na me nye die ɔ nwo kpalɛ la ɛne, bɛdie ye!”

Edwɛkpa ne kɛmɔ Mateyu hɛlɛle la 17:7

Gyisɛse rale bɛ nwo ɛkɛ ne na ɔvale ɔ sa ɔhanle bɛ, na ɔzele bɛ kɛ, “Bɛdwazo, bɛmmasulo!”

Ɛzoanvolɛma Gyima ne 22:7

Mempɛle menfinle na mendele kɛ ɛnelɛ bie se, ‘Sɔɔlo, Sɔɔlo! Duzu ati a ɛyɛ me kpɔdekpɔde zɛhae ɛ?’

Ɛzoanvolɛma Gyima ne 26:14

Yɛ muala yɛpɛle yɛfinle, na mendele ɛnelɛ bie kɛ ɔlɛtendɛ yeahile me wɔ Hibulu aneɛ nu kɛ, ‘Sɔɔlo, Sɔɔlo! Duzu ati a ɛlɛyɛ me kpɔdekpɔde ɛ? Ɛto ɛ gyakɛ ɛwɔ evileni bowule a, ɛboda ɛ nwo o!’

2 Pit 1:18

Yɛdayɛ yɛdele ɛnelɛ ɛhye yɛ nzo nu kɛ ɔvi anwuma a ɔrale a, ɔluakɛ mekɛ ne anu ɛnee yɛ nee ye a wɔ boka nwuanzanwuanza ne azo a.

Maanlebuvolɛma Buluku ne 13:20

Mɔɔ azubɔlɛ senle ne kpogyale ɔ nwo zo bolonwonwo wɔ azukponle ne azo la, Manowa nee ɔ ye nwunle kɛ Ɛdɛnkɛma soanvolɛ ne lua nuhua ɛlɛkɔ anwuma, na bɛ nye hale ɔ nwo. Ɛzulolɛ manle bɛbutubutule bɛ nye aze, na Manowa nee ɔ ye annwu Ɛdɛnkɛma soanvolɛ ne bieko. Na Manowa nwunle kɛ Ɛdɛnkɛma soanvolɛ ɔ.

Maanlebuvolɛma Buluku ne 13:22

Manowa zele ɔ ye kɛ, “Yɛnwu Nyamenle! Yɛbawu”