Edwɛkpa ne kɛmɔ Mateyu hɛlɛle la 17:5 - BAEBOLO ANZƐƐ BULUKU NWUANZANWUANZA

⁵ Mɔɔ ɔ nloa wɔ zo ɔlɛtendɛ la, amungu nwohyee bie rahedale bɛ nwo zo, na ɛnelɛ bie vi amungu ne anu zele kɛ, “Me Ra mɔɔ mekulo ye na me nye die ɔ nwo kpalɛ la ɛne, bɛdie ye!”

Edwɛkpa ne kɛmɔ Mateyu hɛlɛle la 17:5 ပူးပေါင်းရင်းမြစ်များ

Dwobu Buluku ne 38:1

Akee Ɛdɛnkɛma dendɛle ahumu ne anu hilele Dwobu.

Edwɛndolɛ Buluku ne 81:7

Bɛvɛlɛle me wɔ bɛ anwongyelelɛ nu, na menliele bɛ; mewɔ me feabelɛ wɔ ahumu ne anu la, menliele bɛ zo; menzɔle bɛ meneanle wɔ Mɛleba nzubula ne mɔ azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:19

Mekɛ mɔɔ ɛnee aweɛne tendenle ne ane ɛlɛkɔ anwuma kpalɛ la, Mosisi dendɛle, na Nyamenle vale ɛhululɛ liele ye zo.

Ayezaya Buluku ne 42:1

Ɛdɛnkɛma se, “Bɛnlea me sonvolɛ ne mɔɔ sɔ me nye la, yemɔ a mekpa nu meye ye a; me nye die ɔ nwo. Meva me Sunsum ne mewula ye, ɔbava pɛlepɛlelilɛ yeara maanle maanle ne mɔ anu.

Ayezaya Buluku ne 42:21

Ye tenleneyɛlɛ ti, Ɛdɛnkɛma lile fɛlɛko, kɛ yekpogya Nyamenle mɛla ne zo yemaa bɛli ye eni.

Edwɛkpa ne kɛmɔ Mateyu hɛlɛle la 12:18

“Bɛnlea, me sonvolɛ ne mɔɔ mekpa nu meye ye la ɛne, yemɔ a ɔle sonla mɔɔ mekulo ye na me nye die ɔ nwo a. Mebava me Sunsum meawula ye, na yeabɔ me ndɛnebualɛ ne nolo yeahile maanle maanle muala.

Edwɛkpa ne kɛmɔ Mateyu hɛlɛle la 17:6

Mɔɔ ɛdoavolɛma ne dele ɛnelɛ ɛhye la, ɛzulolɛ kpole hanle bɛ na bɛdule bɛguale, bɛbutubutule bɛ nye aze.

Edwɛkpa ne kɛmɔ Mateyu hɛlɛle la 3:17

Na ɛnelɛ bie vi anwuma zele kɛ, “Ɛhye a le me Ra mɔɔ mekulo ye la. Me nye die ɔ nwo kpole.”

Edwɛkpa ne kɛmɔ Maake hɛlɛle la 1:11

Na ɛnelɛ bie vi anwuma zele kɛ, “Wɔmɔ a ɛle me ra mɔɔ mekulo wɔ kpalɛ a. Me nye die ɛ nwo kpole.”

Edwɛkpa ne kɛmɔ Maake hɛlɛle la 9:7

Amungu rahedale bɛ nwo zo, na ɛnelɛ bie dendɛle amungu ne anu zele kɛ, “Me ra mɔɔ mekulo ye la ɛne, bɛdie ye!”

Edwɛkpa ne kɛmɔ Luku hɛlɛle la 3:22

na Sunsum Nwuanzanwuanza ne le kɛ abubule la dwule ɔ nwo zo. Ɛnelɛ bie vi anwuma zele kɛ, “Wɔmɔ a ɛle me Ra mɔɔ mekulo wɔ kpalɛ a. Me nye die ɛ nwo kpole.”

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Dw 3:35

Selɛ ne kulo Ɔ Ra ne, na yeva ninyɛne muala yewula ɔ sa nu.

Dw 5:37

Eza Selɛ ne mɔɔ zoanle me la ɔdaye ɔdi me daselɛ. Bɛtɛtele ɔ ne ɛlɛ, yɛɛ bɛtɛnwunle ɔ nyunlu ɛlɛ.

Ɛzoanvolɛma Gyima ne 1:9

Mɔɔ ɔhanle ɛhye la, bɛmanle ye zo anwuma, na mɔɔ bɛ nye gyi ɔ nwo ala la amungu liele ye vile bɛ nye zo.

Ɛzoanvolɛma Gyima ne 7:37

Mosisi ɛhye ala a zele Yizilayɛma kɛ, ‘Nyamenle baye ye kpɔmanvolɛ avi bɛ avinli yeazoa ye bɛ nwo, kɛmɔ ɔzoanle me la.’

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:6

Bɛmaa yɛye Nyamenle ayɛlɛ wɔ ye nwanwane ɛlolɛ kpole nee ye ahyɛlɛdeɛ ne mɔɔ yelua ɔ Ra ne mɔɔ ɔkulo ye la anwo zo yeva yemaa yɛ la ati.

Mɛla 18:15

Ɛdɛnkɛma bɛ Nyamenle ne bamaa ye kpɔmanvolɛ mɔɔ le kɛ medame la avinde bɛ avinli. Ɔbaye ye yeavi bɛdabɛ bɛ mediema ne mɔ avinli, na yemɔ yɛɛ ɔwɔ kɛ bɛtie ye a.

Mɛla 18:19

Na mɔɔ andie edwɛkɛ ne mɔɔ ɔkɛlua me duma nu ɔkɛha la, medame me nee ye bali.

Mɛla 5:22

“Mɛla mɔɔ Ɛdɛnkɛma vale manle bɛ muala wɔ mekɛ mɔɔ bɛyiale boka ne azo, wɔ senle, amungu, nee awozinli kabii ne anu la ɛne. Ɔvale ɛnelɛ kpole a ɔdendɛle a; yeanva debie biala yeamboka nwolɛ. Ɔhɛlɛle bɛ muala wɔ awolɛ ndɛbandɛba nwiɔ azo na ɔvale ɔmanle me.

Kɔlɔ 1:13

Nyamenle ɛlie yɛ ɛvi awozinli nu tumi ne mɔ abo, yeva yɛ yera ɔ Ra kulovolɛ ne belemgbunlililɛ ne abo,

Kɛlata mɔɔ bɛhɛlɛle bɛhɔmanle Hibuluma la 5:9

Mɔɔ bɛmanle ɔlile munli la, akee ɔrayɛle ngoanelielɛ mɔɔ ɛnlɛ awieleɛ la ɔmanle bɛdabɛ mɔɔ bɛtie ye la,

Yekile 1:7

Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.

Yekile 14:14

Akee mendole me nye, na menwunle amungu fufule nwohyee bie, na debie bie mɔɔ le kɛ sonla la de zolɛ, ɔbɔ ezukoa abɔtile na ɔlɛ ɛdedadeɛ nlane bie ɔ sa nu.