Edwɛkpa ne kɛmɔ Mateyu hɛlɛle la 17:3 - BAEBOLO ANZƐƐ BULUKU NWUANZANWUANZA

³ Na bɛnwunle Mosisi nee Yilaegya kɛ bɛ nee Gyisɛse ɛlɛtendɛ.

Edwɛkpa ne kɛmɔ Mateyu hɛlɛle la 17:3 ပူးပေါင်းရင်းမြစ်များ

1 Arl 17:1

Akee Yilaegya mɔɔ vi Tehyebi mɔɔ wɔ Geleade maanle nu la hanle hilele Ehabe kɛ, “Meka Ɛdɛnkɛma, Yizilayɛ tease Nyamenle ne mɔɔ mesonle ye la, kɛ ɛbɔlɛ anzɛɛ ezule ɛnrɛdɔ ɛvolɛ kɛyɛ nsa ye anu kɔkpula mekɛ mɔɔ menwɔye me nloa la.”

Malakae Buluku ne 4:5

“Mebazoa Nyamenle kpɔmanvolɛ Yilaegya bɛ nwo kolaa na Ɛdɛnkɛma kenle kpole anu ɛzulolɛ ne ara.

Edwɛkpa ne kɛmɔ Mateyu hɛlɛle la 17:2

Na Gyisɛse hakyile wɔ bɛ nye zo; ɔ nyunlu dale kɛ sɛnzɛne na ye tɛladeɛ ne yɛle fufule nwohyee na ɔdale kɛ neanleɛ.

Edwɛkpa ne kɛmɔ Mateyu hɛlɛle la 17:4

Yemɔti Pita hanle hilele Gyisɛse kɛ, “Awulae, ɔle kpalɛ kɛ yɛwɔ ɛke a; saa ɛkulo a mebabɔ nzeseɛ nsa wɔ ɛke; wɔ ɛdeɛ ko, Mosisi ɛdeɛ ko, yɛɛ Yilaegya ɛdeɛ ko.”

Edwɛkpa ne kɛmɔ Maake hɛlɛle la 9:4

Ɛdoavolɛma nsa ne nwunle Mosisi nee Yilaegya kɛ bɛ nee Gyisɛse ɛlɛtendɛ.

Edwɛkpa ne kɛmɔ Luku hɛlɛle la 1:17

Ɔbalumua Awulae anyunlu wɔ sunsum nee tumi nu kɛ Nyamenle kpɔmanvolɛ Yilaegya la. Ɔbamaa selɛma nee bɛ mra abɔ nu bieko; ɔbamaa anzosesebɛma azia arava Nyamenle adenle fɔɔnwo ne azo, na yeaziezie Awulae menli ne yeamaa ye.”

Edwɛkpa ne kɛmɔ Luku hɛlɛle la 16:16

“Ɛnee Mosisi mɛla ne nee mɔɔ Nyamenle kpɔmanvolɛma hɛlɛle la gyi kpundii hɔkpulale mekɛ mɔɔ Dwɔn Sɔnevolɛ ne rale la; ɔvi mekɛ ne anu toonwo mɔɔ ɛrakpula ɛnɛ, mɔɔ bɛvale Edwɛkpa ne mɔɔ fane Nyamenle Belemgbunlililɛ ne anwo la nolobɔlɛ la, awie biala ɛlɛpele kɛ ɔkɛnyia ye.

Edwɛkpa ne kɛmɔ Luku hɛlɛle la 24:27

Akee Gyisɛse bɔle ɔ bo vile Mosisi mbuluku ne mɔ nee mɔɔ Nyamenle kpɔmanvolɛma ɛha na bɛhɛlɛ wɔ Nyamenle Edwɛkɛ ne anu wɔ ɔ nwo la azo na ɔhilehilele nu ɔhilele bɛ.

Edwɛkpa ne kɛmɔ Luku hɛlɛle la 24:44

Akee ɔzele bɛ kɛ, “Ɛhye mɔ a le ninyɛne mɔɔ menganle nwolɛ edwɛkɛ mengilele bɛ wɔ mekɛ mɔɔ ɛnee me nee bɛ de la: debie biala mɔɔ bɛhɛlɛ ye wɔ Mosisi mɛla ne anu, nee mɔɔ wɔ Nyamenle kpɔmanvolɛma, nee Edwɛndolɛ mbuluku ne mɔ anu mɔɔ fane me nwo la kpokpoti ɔwɔ kɛ yɛ nɔhalɛ.”

Edwɛkpa ne kɛmɔ Luku hɛlɛle la 9:33

Mɔɔ menli nwiɔ ne kpondɛ avi Gyisɛse anwo ɛkɛ ne ahɔ la, Pita zele Gyisɛse kɛ, “Yɛmenle, ɔle kpalɛ kɛ yɛwɔ ɛke a. Maa yɛbɔ nzeseɛ nsa, wɔ ɛdeɛ ko, Mosisi ɛdeɛ ko yɛɛ Yilaegya ɛdeɛ ko.” (Ɛnee Pita ɛnze edwɛkɛ mɔɔ ɔdaye mumua ne ɔlɛka la.)

Dw 1:17

Nyamenle luale Mosisi anwo zo vale mɛla ne rɛlɛle yɛ, na ɛlolɛ nee nɔhalɛ luale Gyisɛse Kelaese anwo zo a rale a.

Mɛla 18:18

Yemɔti mebamaa Nyamenle kpɔmanvolɛ avinde bɛdabɛ bɛ avinli. Mebava me edwɛkɛ meadua ɔ nloa na yeaha mɔɔ menwɔze ye la yeahile bɛ.

Mɛla 34:10

Na sumunli kɛ de la Nyamenle kpɔmanvolɛ biala ɛtɛfindele Yizilayɛ mɔɔ le kɛ Mosisi, mɔɔ ɛnwu Ɛdɛnkɛma anyunlu a.