Edwɛkpa ne kɛmɔ Mateyu hɛlɛle la 16:4 - BAEBOLO ANZƐƐ BULUKU NWUANZANWUANZA

⁴ Adwuleso amra munzule mɔɔ ɛnze Nyamenle a! Bɛbiza me bɛanlea nwanwane sɛkɛlɛneɛ? Bɛnrɛnwu bie! Mɔɔ bɛkɛnwu ye la ala a le Dwona ɛdeɛ ne.” Na Gyisɛse vile bɛ nwo ɛkɛ ne hɔle.

Edwɛkpa ne kɛmɔ Mateyu hɛlɛle la 16:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:3

Na Ɛdɛnkɛma zele kɛ, “Menrɛmaa sonla ɛnrɛdɛnla aze dahuu, ɔluakɛ ɔle nwonane. Ɔvi ɛnɛ mɔɔ kɔ la sonla ɛnrɛli ɛvolɛ mɔɔ bo ɛya ko abulanwiɔ la.”

Ayezaya Buluku ne 57:3

Bɛhwe bɛbikye, bɛmɛ nyɛne mraalɛ amra mrenya, bɛmɛ tuutuu nee agyalɛ mɛlatovoma abo zo amra.

Hozia Buluku ne 4:17

Awozonlezonlenlɛ ɛgya Yizilayɛma; bɛgyakyi bɛ.

Hozia Buluku ne 9:12

Saa bɛwo mralɛ bɔbɔ a, mebahu bɛ kɔsɔɔti; menrɛgyakyi ko bɔbɔ. Saa mefi bɛ avinli meye me nwo a, munzule baha bɛ!”

Dwona Buluku ne 1:1

Kenle ko Ɛdɛnkɛma zele Ametayi ara Dwona kɛ,

Dwona Buluku ne 1:17

Na Ɛdɛnkɛma manle fɛlɛ kpole bie ramenle Dwona. Dwona lile kenle kɔkɔlɛ nsa wɔ fɛlɛ ne akunlu.

Edwɛkpa ne kɛmɔ Mateyu hɛlɛle la 15:14

Bɛgyakyi bɛ! Bɛle mgbanyinli anyenzinliravolɛma mɔɔ kile anyenzinliravolɛma adenle a; anyenzinliravolɛ kile anyenzinliravolɛ adenle a, bɛ mu nwiɔ bɛgua kuma nu!”

Edwɛkpa ne kɛmɔ Mateyu hɛlɛle la 16:5

Mɔɔ ɛdoavolɛma ne pɛle tandane ne hɔle ɔ nzi lɔ la, bɛhakyele kɛ bɛ rɛle vile na bɛanva kpanwo.

Edwɛkpa ne kɛmɔ Maake hɛlɛle la 8:12

Gyisɛse gule ɛnwomenle na ɔbizale kɛ, “Duzu ati a bɛmɛ adwuleso amra bɛkpondɛ sɛkɛlɛneɛ ɛ? Nɔhalɛ, bɛnrɛyɛ sɛkɛlɛneɛ biala bɛnrɛhile bɛdabɛ menli ɛhye mɔ ɛlɛ!”

Edwɛkpa ne kɛmɔ Maake hɛlɛle la 8:38

Yemɔti saa awie annea boɛ na ɔmaa me nwo nee me ngilehilelɛ ne yɛ ye nyiane wɔ ɛtane nee amumuyɛ mekɛ ye anu a, ɛnee noko ahenle ɛnwu ye kɛ, ɔdaye noko ɔ nwo bayɛ Medame Sonla Ra nyiane wɔ mekɛ mɔɔ me nee me anwuma soanvolɛma nwuanzanwuanza ne yɛkɛra Egya anyunlunyia ne anu la.”

Ɛzoanvolɛma Gyima ne 18:6

Nzinlii mɔɔ bɛtiale mɔɔ ɔlɛka la, bɛhehanle ɛtane dɔɔnwo bɛhilele ye. Ɛhye ati Pɔɔlo kpokpole ye tɛladeɛ ne anu munlutu guale na ɔzele bɛ kɛ, “Saa bɛminli a, nwolɛ ɛzonle ɛnzo me. Bɛdabɛ bɛ ɛminlinlɛ nwo ɛzonle zo bɛ! Ɔvi ɛnɛ mɔɔ kɔ la mebahɔ bɛdabɛ mɔɔ bɛnle Dwuuma la anu meahɔha Edwɛkpa ne.”

Ɛzoanvolɛma Gyima ne 2:40

Na Pita hɔle zolɛ hanle edwɛkɛ dɔɔnwo hilele bɛ na ɔdule bɛ folɛ kɛ, “Bɛhwe bɛ nwo bɛvi amaneɛ mɔɔ amumuyɛma ɛhye mɔ banwu ye la anu.”