Edwɛkpa ne kɛmɔ Mateyu hɛlɛle la 15:9 - BAEBOLO ANZƐƐ BULUKU NWUANZANWUANZA

⁹ Bɛ ɛzonlenlɛ ne le mgbane, ɔluakɛ bɛkilehile mɔɔ menli ɛhyehyɛ la kɛ asɛɛ me mɛla ɔ!’ ”

Edwɛkpa ne kɛmɔ Mateyu hɛlɛle la 15:9 ပူးပေါင်းရင်းမြစ်များ

Edwɛndolɛ Buluku ne 39:6

Nɔhalɛ, sonla le kɛ ɛlawolɛ! Nɔhalɛ, sonla fonla ɔ nwo mgbane; ɔkuohua, na ɔnze sonla mɔɔ bava la!

Edwɛndolɛ Buluku ne 73:13

Meyɛ me ahonle nu bɔkɔbɔkɔ mgbane, menrinzi me sa anwo kɛ menze nwolɛ bie mgbane.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:7

“Bɛmmabɔ medame Ɛdɛnkɛma bɛ Nyamenle ne duma mgbane mgbane, ɔluakɛ medame Ɛdɛnkɛma, menrɛmaa mɔɔ bɔ me duma mgbane mgbane la ɛnrɛva ɔ nwo dwɔɔ.

Ayezaya Buluku ne 29:13

Awulae zele kɛ, “Kɛmɔ menli ɛhye mɔ fa bɛ nloa mgbane a twe bikye me, bɛdi me eni na bɛ ahonle ɛmbikye me, yɛɛ bɛ ɛzulolɛ mɔɔ bɛsulo me la le menli mɛla mɔɔ ɛli la azolilɛ, na bɛzukoa bɛgua bɛ ti anu ala la,

Sɛlɛ 26:16

mɔɔ mebava meayɛ bɛ la ɛne: Mebamaa ɛzulolɛ kpole bie araheda bɛ nwo zo, meamaa ewule mɔɔ maa nwonane wie la, nee ebunlu fufule aha bɛ, azi bɛ nye na yeahu bɛ. Bɛbalua ma na bɛnrɛnyia bie, ɔluakɛ bɛ kpɔvolɛma barali.

Sɛlɛ 26:20

Bɛbavɛ mgbane, ɔluakɛ bɛ azɛlɛ ɛnrɛhye aleɛ yɛɛ ɛbɔ nu mbaka ɛnrɛzo.

Malakae Buluku ne 3:14

Bɛha kɛ, ‘Nyamenle ɛzonlenlɛ le debie mgbane. Duzu nvasoɛ yɛɛ yɛnyia ye wɔ ye ɛhulolɛdeɛ zo ɛlilɛ nwo, nee yɛ nwo alɔbɔlɛ alɔbɔlɛ mɔɔ yɛyɛ wɔ Tumivolɛ Ɛdɛnkɛma anyunlu, kɛ asɛɛ nyane bie ɛdo yɛ la anwo a?

Edwɛkpa ne kɛmɔ Mateyu hɛlɛle la 15:10

Akee Gyisɛse vɛlɛle menli dɔɔnwo ne wɔ ɔ nwo ɛkɛ na ɔzele bɛ kɛ, “Bɛdie ɛhye boɛ!

Edwɛkpa ne kɛmɔ Maake hɛlɛle la 7:7

Bɛsonle me mgbane, ɔluakɛ bɛkilehile mɔɔ menli ɛhyehyɛ la kɛ asɛɛ me mɛla ɔ!’

1 Kɔl 15:2

Saa bɛsɔ nu ɛsesebɛ a bɛkɛnyia ngoane mɔɔ ɛnlɛ awieleɛ; kyesɛ bɛanlie bɛanli.

Mɛla 12:32

“Bɛli mɔɔ meha mehile bɛ la azo kpalɛ. Bɛmmafa bie bɛboka nwolɛ yɛɛ bɛmmaye bie bɛfi nuhua.

1 Tem 1:4

Ka kile bɛ maa bɛgyakyi bɛ nla mɔ anwo nwɔra ɛdolɛ ne nee mbusua nu ɛhilehilelɛ somasoma ne. Ɛhye mɔ wie kpolerazulɛ ala, na ɔnvane Nyamenle ngyehyɛlɛ ne mɔɔ bɛdua diedi zo bɛnwu ye la anwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:14

na bɛandoa Dwuuma amaamuo dɛba ne nee bɛ mɛla ne mɔ mɔɔ vi menli mɔɔ ɛkpo nɔhalɛ ne la ɛkɛ ne la abo zo.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

Gyemise Kɛlata ne 2:20

Kɔnwɔne! Ɛkulo kɛ bɛkile wɔ kɛ diedi mɔɔ gyimayɛlɛ ɛmboka nwo la ɛnzo ma ɔ?

Yekile 22:18

Medame Dwɔn, mekakye bɛdabɛ mɔɔ bɛkɛde Nyamenle nrɛlaleɛ ɛhye mɔɔ wɔ buluku ɛhye anu la ɛsesebɛ kɛ: saa awie fa bie boka nrɛlaleɛ ɛhye anwo a, Nyamenle bava amaneɛnwunlɛ ngakyile ne mɔ mɔɔ bɛha nwolɛ edwɛkɛ wɔ buluku ɛhye anu la bie aboka ye amaneɛnwunlɛ nwo.

1 Sam 25:21

Ɛnee Devidi ɛlɛdwenle nwolɛ kɛ, “Na duzu ati bɔbɔ yɛɛ membɔle sonla zɔhane agyadeɛ ne anwo bane wɔ fienemgbole ne anu a? Ye debie sinli bɔbɔ amminli. Moalɛ kpole ɛhye mɔɔ menvale memboale ye la nwolɛ kakɛ mɔɔ yeva yedua me la ɛne.