Edwɛkpa ne kɛmɔ Mateyu hɛlɛle la 14:9 - BAEBOLO ANZƐƐ BULUKU NWUANZANWUANZA

⁹ Nyane hanle belemgbunli ne, noko kɛmɔ yeha ndane wɔ ye nyɛvolɛ ne mɔ anyunlu la ati, ɔhanle kɛ bɛyɛ mɔɔ kakula raalɛ ne kpondɛ la bɛmaa ye.

Edwɛkpa ne kɛmɔ Mateyu hɛlɛle la 14:9 ပူးပေါင်းရင်းမြစ်များ

Nolo 5:2

Dwenle nwolɛ kolaa na wɔabuke ɛ nloa, yɛɛ mmabɔ Nyamenle ɛwɔkɛ wɔ mekɛ mɔɔ ɛtɛdwenlenle nwolɛ la. Ɔluakɛ Nyamenle wɔ anwuma yɛɛ wɔmɔ ɛwɔ azɛlɛ ye azo, yemɔti maa wɔ edwɛkɛ ɛyɛ nzinrenzinra.

Gyɛlɛmaya Buluku ne 44:25

Tumivolɛ Ɛdɛnkɛma, Yizilayɛ Nyamenle ne se: Bɛ nee bɛ ye mɔ bɛha kɛ bɛsonle Anwomanyunlu Belemgbunli Raalɛ ne. Bɛbɔ kpɔkɛ kɛ bɛbakpu ɛyɛlɛ bɛamaa ye, bɛagua nza bɛaye ɛdɛne bɛamaa ye. Bɛ mo. Bɛhɔ zolɛ bɛli bɛ ɛwɔkɛbɔlɛ ne mɔ azo.

Edwɛkpa ne kɛmɔ Mateyu hɛlɛle la 14:1

Mekɛ ne anu ala Hɛlɔdo mɔɔ ɛnee le amɛnlado mɔɔ sie Galeli maanle ne la dele Gyisɛse nganeɛ,

Edwɛkpa ne kɛmɔ Mateyu hɛlɛle la 14:10

Yemɔti Hɛlɔdo manle bɛhɔpɛle Dwɔn ati wɔ efiade ne.

Edwɛkpa ne kɛmɔ Mateyu hɛlɛle la 14:5

Yemɔti Hɛlɔdo dwenlenle nwo kɛ ɔku Dwɔn, noko ɛnee ɔsulo Dwuuma ne, ɔluakɛ ɛnee bɛva Dwɔn kɛ ɔle Nyamenle kpɔmanvolɛ.

Edwɛkpa ne kɛmɔ Mateyu hɛlɛle la 14:8

Kakula raalɛ ne hɔbizale ɔ nli Hɛlɔdease adwenle la, ɔzele ye kɛ ɔbiza ɔlie Dwɔn Sɔnevolɛ ne ati. Na kakula ne hɔhanle hilele Hɛlɔdo kɛ, “Medie Dwɔn Sɔnevolɛ ne ati wɔ apawa nu ɛke kɛkala.”

Edwɛkpa ne kɛmɔ Maake hɛlɛle la 6:14

Belemgbunli Hɛlɔdo dele ɛhye mɔ anwo bie, ɔluakɛ Gyisɛse nganeɛ ɛdwu ɛleka biala, na menli ɛlɛkeha kɛ, “Dwɔn Sɔnevolɛ ne ɛzia ɛra ngoane nu bieko, yemɔti a ɔkola ɔyɛ nwanwane ninyɛne ɛhye mɔ a.”

Edwɛkpa ne kɛmɔ Maake hɛlɛle la 6:20

Hɛlɔdo zulole, ɔboalekɛ Dwɔn le sonla mɔɔ ye ɛbɛla tenrɛ na ɔ nwo te a, yemɔti ɔvale ye ɔziele kpalɛ. Ɔhulole kɛ ɔkɛdie Dwɔn anloa edwɛkɛ, noko kenle mɔɔ ɔkɛdie ye la ɛnee ɔ ti akunlu ɛzɛkye bɔkɔɔ.

Edwɛkpa ne kɛmɔ Maake hɛlɛle la 6:26

Ɛhye yɛle belemgbunli ne nyane somaa, noko akee yeha ndane, yɛɛ wɔ ye mgbanyima ne mɔ nee ye nyɛvolɛ ne mɔ anyunlu, yeangulo kɛ ɔkɛdo ye ndane ne.

Edwɛkpa ne kɛmɔ Luku hɛlɛle la 13:32

Gyisɛse buale bɛ kɛ, “Bɛhɔ na bɛhɔze musuofoɔ ne kɛ, melɛtu mbɔnsam, meayɛ ayile ɛnɛ nee ɛhyema, na ye kenle nsa ne azo menwɔwie me gyima ne.

Maanlebuvolɛma Buluku ne 11:39

Siane nwiɔ ne dwule la ɔziale ɔrale ɔ ze anwo ɛkɛ ne, na ɔ ze vale ye yɛle mɔɔ ye ɛwɔkɛ ne se la. Ɛnee ɔ ra raalɛ ne ɛnze nrenya fee. Na ɔrayɛle maamɛla wɔ Yizilayɛ maanle nu

Maanlebuvolɛma Buluku ne 21:1

Akee Yizilayɛma ne hanle ndane wɔ Mezepa kɛ, “Yɛ nuhua ko bɔbɔ ɛnrɛva ɔ ra raalɛ ɛnrɛmaa Bɛngyamanenli agyalɛ ɛlɛ.”

1 Sam 14:24

Kenle ko ne Yizilayɛma adwenle zɛkyele, ɔluakɛ Sɔɔlo guale bɛ amonle kɛ, “Toonwo mɔɔ ɔkadwu nɔsolɛ la, awie biala mmadi debie kɔkpula kɛ menwɔli me kpɔvolɛma anwo zo konim la. Ɛdawɔ mɔɔ ɛkɛli debie la, munzule ɛha wɔ.” Yemɔti awie biala anva debie anga ɔ nloa.

1 Sam 14:28

Na menli ne mɔ ko zele ye kɛ, “Ɛ ze ɛgua yɛ amonle kɛ, ‘Ɛnɛ kenle ye, awie biala mɔɔ kɛli debie la, munzule ɛha ye;’ yemɔti ɛhɔne ngome ɛmaa yɛ nwo ɛgolo yɛ.”

1 Sam 25:22

Menli zɔhane mɔ, saa meangu bɛ meambɔ bɛ bo zo kolaa na maanle nu atete a, Nyamenle ɛhu me.”

1 Sam 28:10

Na Sɔɔlo vale Ɛdɛnkɛma lile amonle kɛ, “Meka tease Ɛdɛnkɛma kɛ ɛnrɛnyia ɛhye anwo ndeanlɛ biala.”