Edwɛkpa ne kɛmɔ Mateyu hɛlɛle la 14:3 - BAEBOLO ANZƐƐ BULUKU NWUANZANWUANZA

³ Na yemɔ a le kɛ, Hɛlɔdo manle bɛhyele Dwɔn, bɛguale ye nwɔnzɔnwɔnzɔ na bɛdole ye efiade. Ɔ diema Felepe aye Hɛlɔdease ati a ɔyɛle ɛhye a,

Edwɛkpa ne kɛmɔ Mateyu hɛlɛle la 14:3 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 11:2

Gyisɛse gyima mɔɔ ɛnee ɔlɛdi la nganeɛ dwule Dwɔn Sɔnevolɛ ne anzo nu wɔ mekɛ mɔɔ ɛnee ɔla efiade la. Yemɔti ɔzoanle ye ɛdoavolɛma ne bie mɔ wɔ Gyisɛse ɛkɛ ne;

Edwɛkpa ne kɛmɔ Mateyu hɛlɛle la 14:6

Kenle ko Hɛlɔdo awolɛ kenle dwule na ɔdi ye ɛvoyia la, Hɛlɔdease ara raalɛ ne razile agole lieliele menli ne anye. Hɛlɔdo anye liele ye agolezilɛ ne anwo kpole,

Edwɛkpa ne kɛmɔ Mateyu hɛlɛle la 4:12

Mɔɔ Gyisɛse dele kɛ bɛhye Dwɔn la ɔhwenle ɔ nwo ɔhɔle Galeli.

Edwɛkpa ne kɛmɔ Maake hɛlɛle la 6:14

Belemgbunli Hɛlɔdo dele ɛhye mɔ anwo bie, ɔluakɛ Gyisɛse nganeɛ ɛdwu ɛleka biala, na menli ɛlɛkeha kɛ, “Dwɔn Sɔnevolɛ ne ɛzia ɛra ngoane nu bieko, yemɔti a ɔkola ɔyɛ nwanwane ninyɛne ɛhye mɔ a.”

Edwɛkpa ne kɛmɔ Maake hɛlɛle la 6:17

Hɛlɔdo manle bɛhyele Dwɔn bɛguale ye nwɔnzɔnwɔnzɔ na bɛdole ye efiade wɔ ɔ diema Felepe aye Hɛlɔdease mɔɔ ɔdaye Hɛlɔdo ɔgyale ye la ati,

Edwɛkpa ne kɛmɔ Maake hɛlɛle la 6:19

Ɛhye ati Dwɔn anwo yɛle Hɛlɔdease ɛya kpole na ɔbɔle kpɔkɛ kɛ ɔnyia ye a ɔkɛhu ye, noko Hɛlɔdo ammaa ye adenle.

Edwɛkpa ne kɛmɔ Maake hɛlɛle la 6:22

Wɔ ɛkponledolɛ ne abo, Hɛlɔdease ara raalɛ ne razile agole manle ɔzɔle Hɛlɔdo nee mgbanyima ne mɔ anye. Na belemgbunli ne zele ye kɛ, “Biza me debie biala mɔɔ ɛkulo la na menwɔva menwɔmaa wɔ.”

Edwɛkpa ne kɛmɔ Maake hɛlɛle la 8:15

Gyisɛse hakyele bɛ kɛ, “Bɛnlea bɛ nwo boɛ wɔ Falasiima mgbɔvonle ne nee Hɛlɔdo mgbɔvonle ne anwo.”

Edwɛkpa ne kɛmɔ Luku hɛlɛle la 13:1

Mekɛ ne anu menli bie rahanle Galelima bie mɔɔ Paelɛte ɛmaa bɛhu bɛ wɔ mekɛ mɔɔ ɛnee bɛlɛbɔ azu bɛamaa Nyamenle la anwo edwɛkɛ hilele Gyisɛse.

Edwɛkpa ne kɛmɔ Luku hɛlɛle la 13:31

Mekɛ ne anu Falasiima bie rale Gyisɛse anwo ɛkɛ ne razele ye kɛ, “Ye ɛ nwo ɛke na kɔ ɛleka fofolɛ, ɔluakɛ Hɛlɔdo kpondɛ wɔ ahu wɔ.”

Edwɛkpa ne kɛmɔ Luku hɛlɛle la 23:11

Hɛlɔdo nee ye ɛlɔnema ne noko golole Gyisɛse anwo na bɛzile ye amgbu. Bɛvale tɛladeɛ kɛnlɛma bie mɔɔ arelemgbunli ala a wula la bie bɛwulale ye, na ɔzianenle ye ɔhɔmanle Paelɛte.

Edwɛkpa ne kɛmɔ Luku hɛlɛle la 23:7

Na mɔɔ ɔdele ɔ bo kɛ Gyisɛse vi maanzinli ne mɔɔ Hɛlɔdo a nea zo la anu la, ɔmanle bɛvale ye bɛhɔmanle Hɛlɔdo; mekɛ ne anu ɛnee Hɛlɔdo ɔdaye yera Gyɛlusalɛm.

Edwɛkpa ne kɛmɔ Luku hɛlɛle la 3:1

Mɔɔ bɛvale Taebileɛse bɛziele Wulomu Maanle Maanle Belemgbunli na ɔnyianle ɛvolɛ bulu nee nnu la, ɛnee Pɔnteɛse Paelɛte a le amɛnlado wɔ Dwudiya a, yɛɛ Hɛlɔdo noko a ɛnee nea Galeli maanzinli ne azo a. Hɛlɔdo adiema Felepe ɔdaye ɛnee ɔnea Ayetulia nee Telakonaetɛse maanzinli zo, yɛɛ Laeseenease noko nea Abelin maanzinli zo.

Edwɛkpa ne kɛmɔ Luku hɛlɛle la 8:3

Twuza, mɔɔ le Hɛlɔdo suakunlu ɛkɛ ne abɔlɔba kpanyinli ne mɔɔ nea ye ninyɛne zo la aye ne mɔɔ bɛfɛlɛ ye Dwowana la, yɛɛ Susana nee mraalɛ dɔɔnwo bie mɔ. Mraalɛ ɛhye mɔ, bɛdabɛ bɛvale mɔɔ bɛlɛ ye la bɛboale Gyisɛse nee ye ɛdoavolɛma ne mɔ.

Ɛzoanvolɛma Gyima ne 12:1

Mekɛ ɛhye anu ala Belemgbunli Hɛlɔdo vale ɔ nye wulale diedima ne bie mɔ anyunlu.

Ɛzoanvolɛma Gyima ne 4:27

Hɛlɔdo nee Pɔnteɛse Paelɛte, nee bɛdabɛ mɔɔ bɛnle Dwuuma la, nee menli mɔɔ wɔ Yizilayɛ la amuala yiale nu wɔ suakpole ɛhye azo na bɛvale adwenle bɛtiale wɔ Sonvolɛ Nwuanzanwuanza Gyisɛse mɔɔ wɔyɛ ye Mɛzaya la.